ត្បូងឃ្មុំ:ពលរដ្ឋក្នុងស្រុកត្បូងឃ្មុំ បានខ្សិបមកកាន់ (CPN TV)អោយដឹងថា ទីតាំងបើកល្បែងស៊ីសងជល់មាន់ខុសច្បាប់ តាម {ទូរទស្សន៍ អនឡាញ}កំពុងតែពេញនិយមនិងរីកដូចផ្សិតក្នុងទឹកដីស្រុកត្បូងឃ្មុំ ជាក់ស្ដែង ទីតាំងបនល្បែងមួយកន្លែងកំពុងបើកដំណើរការល្បែងស៊ីសងជល់មាន់ និងល្បែងផ្សេងៗជាច្រើនប្រភេទបង្កប់ក្នុងរោងកាហ្វេរមួយកន្លែងមានឈ្មោះ ក្រូច កឿង ដែលស្ថិតនៅក្នុងភូមិ ខ្នារ ឃុំ ស្រឡប់ ស្រុកត្បូងឃ្មុំ ខេត្តត្បូងឃ្មុំកំពុងតែបើកដំណើរការយ៉ាងរលូន មានទាំងសម្លេងហ៊ោកញ្ជ្រៀវអឺងកងប៉ុន្តែសំឡេងហ៊ោរទាំងនោះ មិនបានរំខានទៅដល់ត្រចៀករបស់អាជ្ញាធរ ក្នុងស្រុកត្បូងឃ្មុំនេះទេ។
ពលរដ្ឋនៅមូលដ្ឋានបាននិយាយតៗគ្នាថាលោក មេប៉ុស្តិ៍ឃុំស្រឡប់ហាក់បីដូចជាអសមត្ថភាពនឹងការចុះបង្ក្រាបទីតាំងល្បែងស៊ីសងទាំងនោះឬក៏ទទួលបានសំណែនពីម្ចាស់ទីតាំងល្បែងស៊ីសងទាំងនោះរួចទៅហើយបានជាមិនមានវិធានការឬសុំគោលការពីថ្នាក់លើដើម្បីធ្វើការបង្ក្រាប?
ចំណែកឯលោកសេង សុខឃឿន អភិបាលស្រុកត្បូងឃ្មុំដូចជាមិនអើរពើរនឹងយកចិត្តទុកដាក់ក្នុងការអនុវត្តគោលការភូមិ ឃុំ សង្កាត់មានសុវត្ថិភាពទាំង៧ចំណុចនេះសោះដែលចេញដោយក្រសួងមហាផ្ទៃឬក៏ត្រូវថ្នាំសណ្ដំពីម្ចាស់ទីតាំងទាំងនោះហើយទើបគ្មានវិធានការណាចុះបង្ក្រាបទាល់តែសោះ?ពោលគឺបណ្ដោយឲ្យបើកលេងល្បែងសុីដោយសេរីឬក៏អសមត្ថភាពក្នុងការចុះបង្ក្រាប។បងប្អូនប្រជាពលរដ្ឋនៅក្នុងមូលដ្ឋានដាក់ការសង្ស័យថា៖លោកមេប៉ុស្តិ៍និងលោកអធិការស្រុកមានការឃុបឃិតគ្នានិងបើកភ្លើងខៀវជាប្រព័ន្ធដើម្បីបង្កើតបទល្មើសក្នុងមូលដ្ឋានដើម្បីទទួលបានលាភសក្ការៈទើបមិនមានការចុះបង្ក្រាបកន្លែងណាមួយបានទាល់តែសោះ?
ពលរដ្ឋក្នុងមូលដ្ឋានក៏ដូចជាមហាជន ស្នើសុំលោក ម៉ុន មាគា៍ ស្នងការនគរបាលខេត្តត្បូងឃ្មុំ មេត្តាជួយចាត់មន្ត្រីជំនាញនៃស្នងការដ្ឋានចុះស្រាវជ្រាវដើម្បីទប់ស្កាត់និងបង្ក្រាបរាល់បទល្មើសល្បែងស៊ីសងនៅក្នុងស្រុកត្បូងឃ្មុំនិងគោរពទៅតាមការណែនាំដល់ខ្ពង់ខ្ពស់ពីសម្ដេចក្រឡាហោម ស ខេង ដើម្បី រក្សាសន្តិសុខសុវត្ថិភាពជូនបងប្អូនប្រជាពលរដ្ឋនៅក្នុងមូលដ្ឋាននិងគោរពតាមគោលនយោបាយភូមិ/ឃុំ/រឺស្រុកមានសុវត្ថភាពទាំង៧ ចំណុចឲ្យមានប្រសិទ្ធភាពខ្ពស់និងរួមចំណែកបញ្ជៀសករណីអំពើចោរកម្មផ្សេងៗដូចជា៖លួច–ឆក់–ប្លន់–គាស់ផ្ទះនិងជាពិសេសអំពើហិង្សាក្នុងគ្រួសារដោយផ្ដើមចេញពីល្បែងទាំងនេះព្រោះថាល្បែងជាដើមចមនេះការបង្ករបង្កើតបទល្មើស៕
