ពលរដ្ឋនាំគ្នាដាក់ការសង្ស័យ លោកវរសេនីយ៍ឯក ឯម វឌ្ឍនា អធិការនគរបាលស្រុកស្ទឹងត្រង់ ជាអ្នកកាងបទល្មើសល្បែងស៊ីសងជល់មាន់ និងអាប៉ោងខុសច្បាប់ បើកលេងនៅក្នុងទឹកដី ឃុំព្រែកកក់ ស្រុកស្ទឹងត្រង់ ហើយមើលទៅ បានគ្មាន អាជ្ញាធរមានសមត្ថកិច្ចមូលដ្ឋាន ណាហ៊ានចុះធ្វើការបង្រ្កាប!

ខេត្តកំពង់ចាម ÷ ឈ្មោះ វ៉ាន់ ជាម្ចាស់ទីតាំងល្បែងមួយនេះមានខ្នងបង្អែកធំហើយ បានមានទីតាំងសម្រាប់ផ្លាស់ប្ដូរលេងមានច្រើនកន្លែងនោះ(ទី១)ចំណុចចំការកៅស៊ូ ស្ថិតនៅភូមិគីឡូបី (ទី២)នៅភូមិព្រះ (ទី៣)ស្ថិតនៅភូមិអណ្ដូងស្វាយ ទីតាំងល្បែងនេះស្ថិតនៅក្នុងទឹកដី ឃុំព្រែកក់ ស្រុកស្ទឹងត្រង់ ខេត្តកំពង់ចាម តែម្តងបច្ចុប្បន្ននេះ នៅតែបន្តបើកល្បែងសុីសងជល់មាន់ និងអាប៉ោងខុសច្បាប់យ៉ាងសកម្ម ទោះបីមានអ្នកសារព័ត៌មាន ជាច្រើនអង្គភាព បានចុះផ្សាយពាក់ព័ន្ឋទីតាំងល្បែងខុសច្បាប់របស់ ឈ្មោះ វ៉ាន់ ម្នាក់នេះយ៉ាងណាក៍ដោយ លោកវរសេនីយ៍ឯក ឯម វឌ្ឍនា អធិការនគរបាលស្រុកស្ទឹងត្រង់ នៅតែរក្សាភាពស្ងៀមស្ងាត់ មិនចាត់វិធានការបង្ក្រាបឡើយ! ឬមួយអាងឪពុក ជាស្នងការនគរបាលខេត្តកំពង់ចាម ទេដឹង? បានហ៊ានបណ្តោយឲ្យទីតាំងល្បែងមួយនេះបើកលេងយ៉ាងអនាធិបតេយ្យ។

បើយោងតាមប្រជាពលរដ្ឋនិងអ្នកធ្លាប់បានចូលទៅលេងល្បែងនៅទីកន្លែងនោះរាយការណ៍មកថា ÷ ឈ្មោះ វ៉ាន់ ជាម្ចាស់ទីតាំងល្បែងខាងលើនេះ កំពុងតែកៀងគរគ្នីគ្នាមកជួបជុំ!បើកល្បែងខុសច្បាប់ នៅក្នុងទឹកដី ឃុំព្រែកកក់ ស្រុកស្ទឹងត្រង់ បានយ៉ាងរំភើយ! ឬមួយដោយសារឈ្មោះ វ៉ាន់ ម្ចាស់ទីតាំងល្បែងមួយនេះ បានផ្ដល់លាភសក្ការៈប្រចាំខែ ទៅឲ្យ អាជ្ញាធរមានសមត្ថកិច្ចក្នុងមូលដ្ឋានឃុំព្រែកកក់ ស្រុកស្ទឹងត្រង់ ខេត្តកំពង់ចាម ជាថ្នូរដើម្បីមិនឲ្យបង្រ្កាប!ទីតាំងល្បែងមួយនេះហើយ ទើបម្ចាស់ទីតាំងល្បែងមួយនេះហ៊ាននាំគ្នាបើកលេងជល់មាន់ ភ្នាល់ចាក់លុយ ក្នុង១គូៗ រាប់ លាន.រៀល) ទៅដល់ រាប់ ពាន់.ដុល្លារ.ចំណែកអាប៉ោងក៍ចាក់លុយធំៗដូចគ្នាផងដែល ហើយទីតាំងល្បែងមួយកន្លែងនេះបើកលេងតែងតែនាំគ្នាស្រែកហ៊ោកញ្ជៀវយ៉ាងសប្បាយហាក់ដូចមិនខ្លាចញញើត អាជ្ញាធរមានសមត្ថកិច្ចមូលដ្ឋាន ចាត់វិធានការបង្រ្កាបនោះឡើយ។

ជុំវិញករណីនេះប្រជាពលរដ្ឋដែលរស់នៅក្នុងមូលដ្ឋាន ឃុំព្រែកកក់ ស្រុកស្ទឹងត្រង់ បាននាំគ្នាធ្វើការសំណូមពរទៅដល់ ឯកឧត្តមអ៊ុន ចាន់ដា អភិបាលនៃគណៈអភិបាលខេត្តកំពង់ចាម ជាពិសេស ឧត្តមសេនីយ៍ទោ ឯម កុសល់ ជាស្នងការនគរបាលខេត្តកំពង់ចាមរួមទាំង ឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម គួរតែមានវិធានការចាត់កម្លាំងជំនាញ ក្រោមឪវាទ ចុះធ្វើការបង្ក្រាប!ទីតាំងល្បែងជល់មាន់ និងអាប៉ោងខុសច្បាប់ មួយកន្លែង បានកំពុងបើកលេងនៅក្នុងមូលដ្ឋានខាងលើនេះដើម្បីឲ្យស្របតាមគោលនយោបាយភូមិ ឃុំ ឲ្យមានសុវត្ថិភាពទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ ផងទាន បច្ចុប្បន្ននេះកំពុងធ្វើឲ្យប្រជាពលរដ្ឋរស់នៅមានការព្រួយបារម្ភនិងភ័យខ្លាច អំពីបញ្ហាអសន្តិសុខ និងបទល្មើសផ្សេងៗ(ពោលគឺ) លួច ឆក់ ប្លន់ និងអំពើហិង្សាក្នុងគ្រួសារ ជាដើម៕