សង្វៀនបញ្ជល់មាន់ដុះស្លែ ដ៏ធំមួយកន្លែងបើកលេងល្បែងភ្នាល់គ្រប់ប្រភេទ ជាយូរយាណាស់មកហើយ តែសមត្ថកិច្ចហាក់បីដូចជាមិនអើពើរចំពោះបញ្ហានេះទាល់តែសោះ ឬក៏ឆ្នាំងបាយរបស់សមត្ថកិច្ចមូលដ្ឋាន

ខេត្តត្បូងឃ្មុំ ៖ ប្រជាពលរដ្ឋរស់នៅក្នុងភូមិទួលទ្រា ឃុំជប់ ស្រុកត្បូងឃ្មុំ ខេត្ដត្បូងឃ្មុំ កំពុងតែមានការភ័យខ្លាចជារាងរាល់ថ្ងៃ ដោ​យ​សាតែនៅក្នុងភូមិឃុំពួកគាត់ កើតមានសង្វៀនបញ្ជល់មាន់ដុះស្លែ ដ៏ធំមួយកន្លែងបើកលេងល្បែងភ្នាល់គ្រប់ប្រភេទ ជាយូរ​យា​ណាស់មកហើយ តែសមត្ថកិច្ចហាក់បីដូចជាមិនអើពើរចំពោះបញ្ហានេះទាល់តែសោះ ឬក៏ឆ្នាំងបាយរបស់សមត្ថកិច្ចមូលដ្ឋានក្នុង​ស្រុក ?

ប្រភពពីបងប្អូនប្រជាពលរដ្ឋដែលរស់នៅក្នុងភូមិទួលទ្រា ឃុំជប់ បាននិយាយស្ទើតែគ្រប់មាត់ថា ! គ្មានអ្នកណាហ៊ានបង្រ្កាបទេ ព្រោះ​លោក ទ្រី និងអធិការស្រុកត្បូងឃ្មុំ ជាមិត្តភ័ក្កស្លាប់រស់នឹងគ្នា តើអ្នកណាហ៊ាន ? ជារៀងរាល់ថ្ងៃមានក្រុមញៀនល្បែងភ្នាល់ជា​ច្រើន ចេញចូលទៅកន្លែងសង្វៀនបញ្ជល់មាន់ របស់ឈ្មោះ ទ្រី និងឈ្មោះ ធា ដែលកំពុងបើកសង្វៀនភ្នាល់មាន់ អាប៉ោង បៀរ ជា​រៀងរាល់ថ្ងៃ ដើម្បីលេងល្បែងភ្នាល់គ្នាដាក់លុយធំៗ និងមានការហ៊ោកញ្ជៀវ យ៉ាងសប្បាយចាប់ពីម៉ោង ១២ថ្ងៃត្រង់ រហូតដល់ព្រលប់ នៅចំណុចក្នុងចំការចំប៉ី ស្ថិតក្នុងភូមិទួលទ្រា ឃុំជប់ ស្រុកត្បូងឃ្មុំ ខេត្ដត្បូងឃ្មុំ ដោយសេរី មិនខ្លាចញញើត សមត្ថកិច្ចប​ន្តិ​​​ចនោះទេ ទោះបីជាកន្លងមក ធ្លាប់មាននគរបាល ជាច្រើនធ្លាប់ចុះទៅដល់កន្លែងនោះក៏ដោយ តែដូចជាមិនមានអ្វីប្លែកប​ន្តិ​ចសោះ កន្លែងមួយនេះនៅតែបន្តបើកលេងល្បែងបានរាល់ថ្ងៃដ៏ដែល ។

ប្រជាពលរដ្ឋដាក់ការសង្ស័យទៅលើលោកស្នងការខេត្ដត្បូងឃ្មុំថា ! តែលោកស្នងការ អាចមានបញ្ហាអ្វីទេដឹង បានជាកន្លងមកធ្លា​ប់​មានកម្លាំងនគរបាល ដែលជាកូនចៅក្រោមឱវាទរបស់លោក ធ្លាប់ចុះទៅបង្ក្រាបដែរ តែការចុះទៅបង្ក្រាបនោះហាក់បីដូ​ច​​​ជា មិនមានប្រសិទ្ធភាពបន្តិចសោះ គ្រាន់តែប៉ូលីសចេញ ល្បែងបើកលេងបានដ៏ដែល  ។

ប្រជាពលរដ្ឋបានដាក់ជាសំនួរថា! តើម្ចាស់សង្វៀនបញ្ជល់មាន់ និងបើកលេងល្បែងភ្នាល់បៀរអាប៉ោង ចាស់វស្សា ដែលមានឈ្មោះ ទ្រី និងឈ្មោះ ធានេះ មានអំណាចអ្វី ? រឺត្រូវជាអ្វី ? ជាមួយលោកស្នងការខេត្ដត្បូងឃ្មុំ បានជាលោកស្នងការ មិនហ៊ានធ្វើការ​បង្ក្រាប កន្លែងលេងល្បែងមួយនេះ ឱ្យមានប្រសិទ្ធភាព ដើម្បីសុខសុវត្ថិភាពដល់ពលរដ្ឋបែបនេះ ។

ប្រជាពលរដ្ឋសុំសូមណូមពរដល់ លោក ឯកឧត្តមអភិបាល នៃគណៈអភិបាលខេត្ត ត្បូងឃ្មុំ( ឯកឧត្តមបណ្ឌិត ជាម ច័ន្ទសោភ័ណ ) ដែលជារៀងរហូតមក លោកតែងតែយកចិត្ដទុក្ខដាក់ គិតគូរពីសុខទុក្ខប្រពលរដ្ឋ សូមលោក ឯកឧត្ដមអភិបាល មេត្ដាជួយមានចំណាត់ការ និងចាត់វិធានការដល់មន្ត្រីក្រោមឱវាទ របស់លោក ឲ្យមានចំណាត់ការបង្ក្រាប កន្លែងលេងល្បែងភ្នាល់ ខា​ង​លើ​ អោយមានប្រសិទ្ធភាពខ្ពស់ផង ដើម្បីសុខសុវត្ថិភាពប្រជាពលរដ្ឋ និងស្របទៅតាមការដាក់ចេញភូមិឃុំមានសុវត្ថិភាពទាំ​ង​៩​​​​​ចំណុច ៕