ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេស​ឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា។ => បងប្អូនក្រុមវាលទី២១ (ភូមិបាលខណ្ឌដង្កោ)​ ចុះវាស់វែងដីធ្លី ជូនបងប្អូនប្រជាពលរដ្ឋ​ ស្ថិតនៅភូមិក្រញូង ឃុំពោធិអង្រ្គង ស្រុកបសេដ្ឋ ខេត្តកំពង់ស្ពឺ។ => វិញ្ញាបនបត្រសម្គាល់ម្ចាស់អចលនវត្ថុចំនួន ៣ ០១០ ក្បាលដី ត្រូវបានប្រគលជូនប្រជាពលរដ្ឋចំនួន ៣ភូមិស្ថិតនៅភូមិត្រគួន ភូមិនរាយណ៍ និងភូមិព្រៃតាភេម ក្នុងឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ => សាយ សំអាល់​ ៖ អាងប្រព្រឹត្តកម្មទឹកកខ្វក់នេះ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ។ => ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ => ថ្នាក់ដឹកនាំរដ្ឋបាលខេត្តត្បូងឃ្មុំ ទទួលជួបសំណេះសំណាល និងពិភាក្សាការងារជាមួយគណៈកម្មការទី៩ នៃរដ្ឋសភា => អភិបាលខេត្តត្បូងឃ្មុំ អញ្ជើញសម្ពោធឆ្លងសាលាធម្មសភា និងសមិទ្ធផលនានា នៅវត្តទីបរតនសោភ័ណ (ហៅវត្តកោះម៉ឺងនង់) ក្នុងឃុំកោះពីរ ស្រុកក្រូចឆ្មារ មានតម្លៃជាង១៤មុឺនដុល្លារ => បងប្អូនក្រុមវាល បន្តចុះវាស់វែង និងប្រមូលទិន្នន័យក្បាលដី ចុះបញ្ជីដីធ្លីមានលក្ខណៈជាប្រព័ន្ធ ជូនប្រជាពលរដ្ឋស្ថិតនៅសង្កាត់ព្រែកតាកូវ សង្កាត់ព្រែកអំពិល សង្កាត់បារុង និងសង្កាត់បាក់ដាវ ក្រុងអរិយក្សត្រ ខេត្តកណ្ដាល។ => ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ => សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសសហភាពសហព័ន្ធយុវជនកម្ពុជា បានអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជនកម្ពុជា នៅសាលសន្និសីទសណ្ឋាគារ សុខាភ្នំពេញ នាព្រឹកថ្ងៃទី ១៤ ខែមីនា ឆ្នាំ ២០២៤
0

តុលាការទីក្រុងប៉ារីស ប្រទេសបារាំង បើកសវនាការកាត់ទោសលោក សម រង្ស៉ី ក្នុងសំណុំរឿង «បរិហារកេរ្តិ៍ជាសាធារណៈលើបុគ្គល» ដែលប្តឹងដោយ សម្តេចតេជោ ហ៊ុន សែន

(ប៉ារីស) តុលាការទីក្រុងប៉ារីស ប្រទេសបារាំង បានបើកសវនាការមួយ នាថ្ងៃទី០១ ខែកញ្ញា ឆ្នាំ២០២២នេះ ដោយជំនុំជម្រះលើសំណុំរឿង លោក សម រង្ស៉ី មេក្រុមប្រឆាំងក្រៅច្បាប់ ក្រោមការចោទប្រកាន់ពីបទ «បរិហារកេរ្តិ៍ជាសាធារណៈលើបុគ្គល» ដែលប្តឹងដោយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក ឌី វិជ្ជា

នៅក្នុងសវនាការនេះ មានវត្តមានលោក សម រង្ស៉ី អមដោយមេធាវី ៣រូប, ក្រុមមេធាវីបារាំង ចំនួន៤រូបរបស់សម្តេចតេជោ ហ៊ុនសែន និងក៏មានវត្តមានចូលរួមក្រុមមេធាវីពីកម្ពុជា ដឹកនាំដោយលោក គី តិច ផងដែរ

លោក គី តិច ប្រធានក្រុមមេធាវីសម្តេចតេជោ ហ៊ុន សែន បានបញ្ជាក់ប្រាប់បណ្តាញព័ត៌មាន Fresh News ឱ្យដឹងថា បណ្តឹងនេះត្រូវបានប្តឹងតាំងពីឆ្នាំ២០១៩ ប៉ុន្តែដោយសារនីតិវិធីរបស់តុលាការបារាំង និងដោយសារតែបញ្ហាកូវីដ១៩ផងនោះ ទើបដំណើរការសវនាការទើបតែចាប់ផ្តើមធ្វើនៅថ្ងៃនេះ

លោក គី តិច បានបញ្ជាក់ថា នៅក្នុងសវនាការ ទាំងលោក សម រង្សី និងទាំងមេធាវីការពាររបស់សម រង្សី ត្រូវបានចៅក្រមជំនុំជម្រះ៣រូបសុទ្ធតែជាស្ត្រី ហៅឲ្យក្រោកឈរដើម្បីឆ្លើយតបនូវសំនួរមួយចំនួនរបស់ចៅក្រម ព្រមទាំងឲ្យបញ្ជាក់អំពី ភស្តុតាងផង  ក្នុងខណ:ពេលនោះលោក សម រង្សី ពុំអាចឆ្លើយតបឲ្យចំសំនួរ និងធ្វើអ្វីបានទាំងអស់ តែបែរជាប្រឹងនិយាយបង្វែងទៅជាប្រវត្តិតស៊ូ និងរឿងនយោបាយនៅកម្ពុជា ដែលប្រាកចាកឆ្ងាយពីអង្គហេតុទៅវិញ  បន្ថែមពីលើនោះមេធាវីរបស់សម្តេចតេជោ ហ៊ុន សែន  ក៏បានធ្វើការកត់សម្គាល់ពន្យល់ដល់សម រង្សី ឲ្យខិតខំរកភស្តុតាង អះអាងដោះបន្ទុកឲ្យចំអង្គហេតុ ដែលតុលាការបារាំងកំពុងលើកយកអង្គហេតុនេះ មកធ្វើសវនាការក្នុងពេលវេលានេះ ព្រមគ្នាជាមួយនេះ មេធាវីសម្តេចហ៊ុន សែន ក៏បានដាក់សំនួរទៅលើសម រង្សីបន្ថែម  ដែលធ្វើឲ្យសម រង្សី ទាល់ច្រកឆ្លើយដោះសារពុំរួច  ជំនួសដោយការយំសម្រក់ទឹកភ្នែក បង្ហាញឲ្យចៅក្រមអាណិត នៅចុងបញ្ចប់សវនាការ

ឆ្លងកាត់សវនាការ អស់រយ:ពេល ៤ម៉ោង ១៥នាទី និងបានស្តាប់ការអះអាងបញ្ជាក់ច្បាស់ៗ និងការសន្និដ្ឋានរបស់មេធាវីការពារសម្តេចតេជោ ហ៊ុន សែន និងលោកឌី វិជ្ជា និងបើប្រៀបធៀបទៅនឹងការឆ្លើយដោះសារបែបវង្វេងអង្គហេតុរបស់សម រង្សី និងសេចក្តីសន្និដ្ឋានប្រាកចាកកម្មវត្ថុបណ្តឹងរបស់មេធាវី ការពារ សម រង្សី នោះ  លោក គី តិច មានជំនឿជឿជាក់ថា តុលាការទីក្រុងបារីស នឹងធ្វើការពិនិត្យសម្រេចសេចក្តី ដោយត្រឹមត្រូវតាមផ្លូវច្បាប់  ផ្តល់យុត្តិធម៌ ជូនសម្តេច ហ៊ុន សែន និងលោកឌី វិជ្ជា

ទោះជាយ៉ាងនេះក្តី យើងនឹងរង់ចាំមើលតុលាការក្រុងប៉ារីស របស់បារាំង នឹងប្រកាសសាលក្រមទាក់ទងនឹងសំណុំរឿងនេះ « បរិហារកេរ្តិ៍ជាសាធារណៈលើបុគ្គល» នេះនៅថ្ងៃទី១០ ខែតុលា ឆ្នាំ២០២២ ខាងមុខនេះ។

សូមបញ្ជាក់ថា កាលពីខែសីហា ឆ្នាំ២០១៩ សម្តេចតេជោ ហ៊ុន សែន និង លោក ឌី វិជ្ជា តាមរយៈមេធាវីរាជរដ្ឋាភិបាលកម្ពុជា និងមេធាវីបារាំង បានដាក់ពាក្យបណ្តឹងជាផ្លូវការ២ដាច់ដោយឡែកពីគ្នា ដើម្បីប្តឹងបុគ្គល សម រង្ស៉ី ពីបទ «បរិហារកេរ្តិ៍ជាសាធារណៈចំពោះបុគ្គល» ទៅកាន់តុលាការទីក្រុងប៉ារីស ប្រទេសបារាំង

ការសម្រេចដាក់ពាក្យប្តឹងនេះ បានធ្វើឡើងបន្ទាប់ពី លោក សម រង្ស៉ី បានបង្ហោះបំផ្លើសការពិតដោយចោទប្រកាន់ថា សម្តេចតេជោហ៊ុន សែន ជាអ្នកនៅពីក្រោយការស្លាប់របស់ លោក ហុក ឡង់ឌី អតីតអគ្គស្នងការនគរបាលជាតិកម្ពុជា។

ពាក់ព័ន្ធនឹងករណីនេះ លោកសម រង្សី ត្រូវបានអយ្យការ និងចៅក្រមស៊ើបសួរ ទីក្រុងប៉ារីស ប្រទេសបារាំង កត់សម្គាល់ថា សមរង្សុី មានតម្រុយ  ភស្តុតាងគ្រប់គ្រាន់ និងស៊ីសង្វាក់ ដែលអាចបញ្ជាក់ថា បុគ្គលសម រង្ស៉ី បានប្រព្រឹត្តបទល្មើសដូចដែលបានចោទប្រកាន់ខាងលើ

Filed in: ព័ត៌មានថ្មីៗ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com