ខេត្តបាត់ដំបង ៖ ថ្ងៃទី១៧ ខែធ្នូ ឆ្នាំ២០១៩ វេលាម៉ោង ១៥:៣0នាទីនៅចំនុច ក្រុមទី៥ ភូមិគោកត្រប ឃុំតាម៉ឺន ស្រុកថ្មគោល ខេត្តបាត់ដំបង កម្លាំងជំនាញនគរបាលប្រឆាំងគ្រឿងញៀន នៃអធិការដ្ឋាននគរបាលស្រុកថ្មគោល សហការជាមួយប៉ុស្តិ៍នគរបាលគោកឃ្មុំ ប៉ុស្តិ៍នគរបាលតាម៉ឺន ចុះប្រតិបត្តិការ បង្រ្កាបករណីរក្សាទុកនូវសារធាតុញៀនខុសច្បាប់ ក្នុងបទល្មើសជាក់ស្តែង ក្នុងករណីចុះបង្ក្រាបសមត្ថកិច្ចបានធ្វើការឃាត់ខ្លួនជនសង្ស័យ ១នាក់ ដែលមាន ឈ្មោះឡាំ ចិនអាង ភេទប្រុសអាយុ២៦ឆ្នាំភូមិគោកត្រប ឃុំតាម៉ឺន ស្រុកថ្មគោល ខេត្តបាត់ដំបង ។
+ ចំពោះវត្ថុតាង ដែលសមត្ថកិច្ច ចាប់យករួមមានៈ
១. ម៉្សៅក្រាមពណ៍សថ្លាច្រកក្នុងថង់ចំនួន0២ថង់សង្ស័ថាមានសារធាតុញៀន ទំងន់៥៣.២៦ក្រាម។
– ដែកកេះចំនួន០៤
– ទូរសព្ទ៏ដៃចំនួន០១គ្រឿង
– ដបសំរាប់ជក់ចំនួន០១
– ម៉ូតូ០១គ្រឿងម៉ាក ហុងដាឌ្រីមចាស់ពណ៌ខ្មៅ ពាក់ស្លាកលេខ (បាត់ដំបង 1G 1472)
បច្ចុប្បន្ន ជនសង្ស័យនិង វត្ថុតាងសមត្ថកិច្ចជំនាញកំពុងកសាងសំណុំរឿងទៅស្នងការដ្ឋាននគរបាលខេត្ត ដើម្បីចាត់ការតាមនីវិធីច្បាប់ ។
