ទាន់ហេតុការណ៍
អនុមោទនាបិណ្ឌទី១១៖ អភិបាលខេត្តត្បូងឃ្មុំ អំពាវនាវឲ្យលោកតាលោកយាយ ចង់ចាំពាក្យ«អរគុណសន្តិភាព» ដក់ជាប់ក្នុងបេះដូងជានិច្ច => អាជ្ញាធរក្រុងសួង សហការជាមួយមន្ទីទេសចរណ៍រៀបចំទិវាពីភពលោកស្អាតដើម្បីបញ្ជ្រាបការយល់ដឹងដល់ប្រជាពលរដ្ឋ => អភិបាលខេត្តត្បូងឃ្មុំ សំណេះសំណាល ចែកថវិកា-ប្រេងសាំង លើកទឹកចិត្តដល់ថ្នាក់ដឹកនាំ និងមន្ត្រីសាលាខេត្ត ក្នុងឱកាសបុណ្យភ្ជុំបិណ្ឌ => អភិបាលខេត្តត្បូងឃ្មុំ៖ កងកម្លាំងគ្រប់ប្រភេទត្រូវតែបង្ក្រាបល្បែងស៊ីសង ខុសច្បាប់គ្រប់ប្រភេទឲ្យអស់ចេញពីមូលដ្ឋាន => មហាជសំណូមពរ ដល់ឯកឧត្តមឯម កុសល និងឯកឧត្តមអ៊ុនចាន់ដា សូមមេត្តា មានវិធានការណ៌ តាមផ្លូវច្បាប់ ចំពោះជនទាំងឡាយណា ដែរបានឃុបឃិតគ្នា អោយមានបទល្មើសល្បែងស៊ីសងជល់មាន់ នៅក្នុងឃុំខ្នារស ដោយផ្គើននិងបទបញ្ជារបស់សម្តេចនាយករដ្ឋមន្ត្រីហ៊ុនសែន។ => នាយឧត្តមសេនីយ៍ គន់ គីម និងអភិបាលខេត្តត្បូងឃ្មុំ អញ្ជើញប្រកាសទទួលស្គាល់អនុប្រធាន គណៈកម្មាធិការ សមាគមអតីតយុទ្ធជនកម្ពុជាខេត្តត្បូងឃ្មុំ និងសំណេះសំណាលជាមួយសមាជិកសមាគម => ថ្នាក់ដឹកនាំខេត្តត្បូងឃ្មុំ អញ្ជើញចូលរួមកាន់បិណ្ឌវេនទី៣ នៅវត្តដំរិល ស្ថិតនៅឃុំដំរិល ស្រុកអូរាំងឳ ខេត្តត្បូងឃ្មុំ => ឧបនាយករដ្ឋមន្ត្រី ជា សុផារ៉ា និងថ្នាក់ដឹកនាំខេត្តត្បូងឃ្មុំ អញ្ជើញចូលរួមកាន់បិណ្ឌវេនទី២ នៅវត្តចំនួន០៣ => ពិធីប្រកាសផ្ទេរភារកិច្ចតែងតាំងមុខតំណែងនិងបំពាក់ឋានន្តរស័ក្តិ ជូនមន្រ្តីនគរបាលជាតិ នៃស្នងការដ្ឋាននគរបាលខេត្តត្បូងឃ្មុំ => តុលាការទីក្រុងប៉ារីស ប្រទេសបារាំង បើកសវនាការកាត់ទោសលោក សម រង្ស៉ី ក្នុងសំណុំរឿង «បរិហារកេរ្តិ៍ជាសាធារណៈលើបុគ្គល» ដែលប្តឹងដោយ សម្តេចតេជោ ហ៊ុន សែន
0

នាយឧត្តមសេនីយ៍ គន់ គីម និងអភិបាលខេត្តត្បូងឃ្មុំ អញ្ជើញប្រកាសទទួលស្គាល់អនុប្រធាន គណៈកម្មាធិការ សមាគមអតីតយុទ្ធជនកម្ពុជាខេត្តត្បូងឃ្មុំ និងសំណេះសំណាលជាមួយសមាជិកសមាគម

(ត្បូងឃ្មុំ) ថ្ងៃទី ១៥ ខែកញ្ញា ឆ្នាំ ២០២២ នេះ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា និង ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាអធិបតីភាព ពិធីប្រកាសទទួលស្គាល់អនុប្រធាន គណៈកម្មាធិការ សមាគមអតីតយុទ្ធជនកម្ពុជាខេត្តត្បូងឃ្មុំចំនួន ២៨ រូប និងសំណេះសំណាលសួរសុខទុក្ខជាមួយបងប្អូនអតីតយុទ្ធជន គ្រួសារអ្នកពលីមរណៈ ជនពិការ និងនិវត្តន៍ជន មន្រ្តីរាជការស៉ីវិលទូទាំងខេត្ត នៅសាលប្រជុំធំ នៃស្នងការដ្ឋាននគរបាលខេត្តត្បូងឃ្មុំ

ពិធីនេះមានការអញ្ជើញចូលរួម ពីសំណាក់ ឯកឧត្តមឧត្តមសេនីយ៍ ប្រតិភូអមដំណើរ ឯកឧត្តម អភិបាលរងខេត្ត លោកលោកស្រីឯកឧត្តម លោកអនុប្រធាន គណៈកម្មាធិការ .. ខេត្ត  ប្រធានអនុប្រធាន និងសមាជិក លេខាធិការដ្ឋាន  .. ខេត្តប្រធានអនុប្រធាន  គណៈកម្មាធិការ ក្រុងស្រុក ប្រធានអនុប្រធាន  លេខាធិការដ្ឋាន .. ក្រុងស្រុក និងប្រធានសាខា.. ឃុំសង្កាត់  ប្រធានគណៈកម្មាធិការ ... ក្រុង/ស្រុក ប្រធាន អនុប្រធានមន្ទីរជុំវិញខេត្ត បងប្អូនយុទ្ធជនពិការ និវត្តន៍ជននិងអ្នកពាក់ព័ន្ធជាច្រើនរូប។

បន្ទាប់ពី ឯកឧត្តមឧត្តមសេនីយ៍ត្រី ម៉ុន មាគ៌ា  ប្រធានគណៈកម្មាធិការ ... ខេត្ត បានអានរបាយការណ៍សកម្មភាពរបស់សមាគមអតីតយុទ្ធជនកម្ពុជាខេត្តត្បូងឃ្មុំ រួចមក ថ្លែងនាឱកាសនោះ ឯកឧត្តម នាយឧត្តមសេនីយ៍ គន់ គីម បានមានប្រសាសន៏លើកឡើងថាជួសមុខឱ្យសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានសមាគមអតីតយុទ្ធជនកម្ពុជា ក៏ដូចជាថ្នាក់ដឹកនាំគ្រប់ជាន់ថ្នាក់ មិនដែលភ្លេចនូវគុណូបការៈ ដែលបងប្អូនបានខិតខំនាពេលកន្លងមក គឺនៅតែចងចាំ នៅតែដឹងគុណជាប់ជានិច្ចចំពោះបងប្អូនអតីតយុទ្ធជន គ្រួសារអ្នកពលីមរណៈ ជនពិការ និងនិវត្តន៍ជន មន្រ្តីរាជការស៉ីវិលទាំងអស់ និងបានជំរុញឱ្យអាជ្ញាធរពាក់ព័ន្ធទាំងអស់ បន្តយកចិត្តទុកដាក់លើជីវភាព និងការរស់នៅរបស់អតីតយុទ្ធជន។

ឯកឧត្តមទេសរដ្ឋមន្ត្រី ក៏បានលើកឡើងដែរថា ក្នុងនាមជាសេនាធិការរបស់សម្តេចតេជោលើការងារអតីតយុទ្ធជននេះ លោកតែងទទួលបានការដាស់តឿន និងក្រើនរំលឹកជាប់ជានិច្ចពីសំណាក់សម្តេចតេជោ ឱ្យយកចិត្តទុកដាក់ គិតគូរលើសុខទុក្ខ ជីវភាព និងការរស់នៅរបស់អតីតយុទ្ធជន ជាពិសេសត្រូវប្រឹងប្រែងដោះស្រាយបញ្ហាប្រឈមរបស់អតីតយុទ្ធជន និងប្រឹងប្រែងលើកកម្ពស់ជីវភាពរបស់ពួកគេឱ្យបានប្រសើរ តាមរយៈការផ្តល់ដីសម្បទានសង្គមកិច្ច ផ្តល់ផ្ទះ និងជំរុញការដាំដុះបង្កបង្កើនផលជាដើម។

បន្ថែមពីនេះ ឯកឧត្តមទេសរដ្ឋមន្ត្រី គន់ គីម ក៏បានជំរុញដល់ថ្នាក់ដឹកនាំសមាគមអតីតយុទ្ធជនកម្ពុជាខេត្តត្បូងឃ្មុំ បង្កើនការយកចិត្តទុកដាក់ចំពោះអតីតយុទ្ធជនដែលខ្វះខាត យុទ្ធជនជួបការលំបាក ឬបញ្ហានានា ហើយត្រូវឆ្លើយតប ដោះស្រាយឱ្យបានទាន់ពេលវេលាជូនពួកគេ ជាពិសេសសម្រាប់អតីតយុទ្ធជនអត់ទីលំនៅ អត់ដីសម្រាប់បង្កបង្កើនផលជាដើម ត្រូវស្រង់ទិន្នន័យ ហើយរៀបចំសង់ផ្ទះ និងបែងចែកដីសម្បទានសង្គមកិច្ចជូន។

សូមបញ្ជាក់ថា ឯកឧត្តមទេសរដ្ឋមន្ត្រី គន់ គីម ក្នុងពិធីប្រកាសទទួលស្គាល់ទទួលស្គាល់អនុប្រធាន គណៈកម្មាធិការ សមាគមអតីតយុទ្ធជនកម្ពុជាខេត្តត្បូងឃ្មុំចំនួន ២៨ រូប និងបាននាំយកអំណោយរបស់សម្ដេចតេជោ ជូនបងប្អូនអតីតយុទ្ធជន គ្រួសារអ្នកពលីមរណៈ ជនពិការ និងនិវត្តន៍ជន មន្រ្តីរាជការស៉ីវិលទូទាំងខេត្ត ចំនួន ១២៨នាក់ ក្នុងមួយនាក់ទទួលបានថវិកា ចំនួន ១០០,០០០៛ អង្ករ០១បេ (២៥ .) និងមីចំនួន ០១កេស សរុបជាថវិកា ចំនួន ២១,៨៨៨,០០០ រៀល

Filed in: ព័ត៌មានថ្មីៗ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com