ខេត្តកណ្តាល ៖ ករណីគ្រោះថ្នាក់ចរាចរណ៍រថយន្តបុកម៉ូតូបណ្តាលរងរបួសធ្ងន់ម្នាក់និងកើតហេតុនៅ ថ្ងៃអង្គារ៍ ០៦រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៧ ខែធ្នូ ឆ្នាំ២០១៩ វេលាម៉ោង១៨:២០នាទី នៅលើដងផ្លូវជាតិលេខ១ ក្នុងចន្លោះគីឡូម៉ែត្រលេខ ២៤-២៥ ក្នុងភូមិដីឥដ្ឋកោះផុស៣ ឃុំដីឥដ្ឋ ស្រុកកៀនស្វាយ ខេត្តកណ្តាល ។
ប្រភពពីប្រជាពលរដ្ឋបានឱ្យដឹងថា នៅមុនពេលកើតហេតុខាងលើ គេឃើញមានម៉ូតូ០១គ្រឿងម៉ាកហុងដាគុបជ្រុងពណ៍ទឹកប៉ិចខៀវចាស់ ពាក់ស្លាកលេខ (កណ្តាល1A.7336) បើកបរដោយឈ្មោះ ប្រាក់ និត ភេទប្រុស អាយុ ៣៦ឆ្នាំ ជនជាតិខ្មែរ មានទីលំនៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយខេត្តកណ្តាល បើកបរក្នុងទិសដៅពីអ្នកលឿងទៅភ្នំពេញ (បញ្ច្រាសទិស) មកដល់ចំណុចកើតហេតុម៉ូតូបត់ឆ្លងផ្លូវពីត្បូងទៅជើង ក៍ត្រូវរថយន្ត០១គ្រឿងមិនស្គាល់អត្តសញ្ញាណ បើកបរទិសដៅភ្នំពេញទៅអ្នកលឿងបុកចំពេញទំហឹង បណ្តាលអោយអ្នកបើកបរម៉ូតូដួលរងរបួសធ្ងន់ ចំណែករថយន្តបើកគេច ពីកន្លែងកើតហេតុ ។
ក្រោយពីកើតហេតុ ជនរងគ្រោះត្រូវបានរថយន្តសង្គ្រោះដឹកយកទៅព្យាបាលនៅមន្ទីពេទ្យ ដោយឡែកម៉ូតូត្រូវបានកម្លាំងជំនាញសណ្តាប់ធ្នាប់ចរាចរណ៍ស្រុកកៀនស្វាយ ធ្វើការវាស់វែងយកទៅរក្សាទុកនៅអធិការដ្ឋាននគរបាលស្រុកកៀនស្វាយ ដើម្បីបន្តនិតិវិធី ។
បើតាមការសនិដ្ឋានរបស់សមត្ថកិច្ចថា ករណីខាងលើបណ្តាលមកពីអ្នកបើកបរម៉ូតូ បើកបរក្នុងស្ថានភាពស្រវឹង ពេលបត់ឆ្លងផ្លូវមិនពិនិត្យគ្រប់ជ្រុងជ្រោយ ចំណែកអ្នកបើកបររថយន្តបើកបរក្នុងល្បឿនខ្វះភាពប្រុងប្រយ័ត្ន ។
