ទាន់ហេតុការណ៍
ល្បីថាលោកស្រី ងួន គីថារី ហៅស្រីនិច្ច ហ៊ានបើកផ្សារអត់ច្បាប់និងធ្វើឲ្យប៉ះពាល់សុខភាពពលរដ្ឋយ៉ាងខ្លាំងនៅស្រុកបាធាយ! => រដ្ឋបាលខេត្តត្បូងឃ្មុំ ប្រារព្ធពីធីក្រុងពាលីលើករូបសេះ និងរូបសំណាក់ហ្លួងព្រះស្ដេចកន ធ្វើពីស្ព័ន បន្ទាប់ពីសាងសង់បាន ៩០ភាគរយ គ្រោងបញ្ចប់ការសាងសង់ នាពេលឆាប់ៗខាងមុខនេះ => ឯកឧត្តមហ៊ុន ម៉ាណែត អញ្ជើញក្នុងពិធីប្រកាសសមាសភាពក្រុមការងារគណបក្សចុះមូលដ្ឋានស្រុកតំបែរនិងពញាក្រែកដែលទទួលបន្ទុកលេីការងារយុវជន.! => ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ អញ្ជើញអមដំណើ ឯកឧត្តម សៅ សុខា អគ្គមេបញ្ជាការរងនិងជាមេបញ្ជាការកងរាជអាវុធហត្ថលើផ្ទៃប្រទេស ក្នុងពិធីប្រគល់ និង ទទួល អដ្ឋិធាតុ យុទ្ធជនកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩រូប ធ្វើ មាតុភូមិ និវត្តន៍ ពី ប្រទេស វៀតណាម មកកាន់ប្រទេសកម្ពុជា => ឯកឧត្តម ជា សុផារ៉ា ជួបសំណេះសំណាល ជាមួយសមាជិកគណបក្សថ្មី ជាយុវជនជិត៤ពាន់នាក់ ក្នុងស្រុកមេមត់ ខេត្តត្បូងឃ្មុំ => ទូក ង ចំណុះ២២នាក់ថ្មីស្រឡាង០១គ្រឿង ក្រោមការឧបត្ថម្ភទាំងស្រុងពីសំណាក់អភិបាលខេត្តត្បូងឃ្មុំ កំពុងផលិតឡើង ដើម្បីថែរក្សាវប្បធម៍ និងសម្រាប់ចូលរួមប្រកួតក្នុងបុណ្យអ៊ុំទូកនាឆ្នាំក្រោយ => រដ្ឋមន្ត្រីក្រសួងអភិវឌ្ឍន៍ជនបទ និងអភិបាលខេត្តត្បូងឃ្មុំ បើកការដ្ឋានស្ដារឡើងវិញផ្លូវជនបទក្រាលបេតុង ប្រវែងជាង១០គីឡូម៉ែត្រ នៅក្នុងស្រុកក្រូចឆ្មារ => => រដ្ឋបាលខេត្តត្បូងឃ្មុំ រៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តត្បូងឃ្មុំ អាណត្តិទី៣ ដើម្បីដោះស្រាយទុក្ខកង្វល់របស់ប្រជាពលរដ្ឋនៅតាមមូលដ្ឋាន ស្រុកអូររាំងឪ => ក្រុមការងារយុវជនគណបក្សខេត្តត្បូងឃ្មុំ បើកកិច្ចប្រជុំប្រចាំខែ និងប្រកាសកែសម្រួលសមាសភាពក្រុមការងារក្បាលម៉ាសុីនចំនួន១១៨រូប
0

ប្រកាសទទួលស្គាល់ បំណែងចែកភារកិច្ច គណៈអភិបាល ខេត្តត្បូងឃ្មុំ ចុះជួយមូលដ្ឋានក្រុង ស្រុក, ឯកឧត្តមបណ្ឌិត ជាម ច័ន្ទសោភ័ណ ណែនាំឲ្យក្រុមការងាររួមសាមគ្គីគ្នាជាធ្លុងមួយ ត្រូវដោះស្រាយ និងលុបបំបាត់បញ្ហានានានៅមូលដ្ឋាន


(ត្បូងឃ្មុំ) ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ នាថ្ងៃទី៣១ ខែតុលា ឆ្នាំ២០២២នេះ បានអញ្ជើញជាអធិបតីក្នុងពិធីប្រកាសទទួលស្គាល់ បំណែងចែកភារកិច្ច គណៈអភិបាលខេត្តត្បូងឃ្មុំ ចុះជួយមូលដ្ឋានក្រុង ស្រុក ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រ ចតុកោណដំណាក់កាលទី៤ របស់រាជរដ្ឋាភិបាលកម្ពុជា។

លោក សេង ជ័យវុធ នាយករដ្ឋបាលសាលាខេត្តត្បូងឃ្មុំ បានឡើងអានសេចក្តីសម្រេចប្រកាសទទួលស្គាល់ក្រុមការងារចុះជួយទាំង០៧ក្រុងស្រុក រួមមានៈ

*ក្រុមការងារចុះជួយមូលដ្ឋានស្រុកអូររាំងឪ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ ជាប្រធាន ខណៈឯកឧត្តម ម៉ៅឌុង អភិបាលរងខេត្ត ជាសមាជិក

* ក្រុមការងារចុះជួយមូលដ្ឋានស្រុកត្បូងឃ្មុំ ឯកឧត្តមឧបនាយករដ្ឋមន្ត្រី ជា សុផារ៉ា ជាប្រធាន ខណៈឯកឧត្តម កេង ប៊ុនណាអភិបាលរងខេត្ត ជាសមាជិក

*ក្រុមការងារចុះជួយមូលដ្ឋានក្រុងសួង ឯកឧត្តមឧបនាយករដ្ឋមន្ត្រី ជា សុផារ៉ា ជាប្រធាន ខណៈឯកឧត្តម ពាង ណារិទ្ធអភិបាលរងខេត្ត និងឯកឧត្តម ប៉េង សម្បត្តិ អភិបាលរងខេត្ត ជាសមាជិក

*ក្រុមការងារចុះជួយស្រុកក្រូចឆ្មារ ឯកឧត្តមឧបនាយករដ្ឋមន្ត្រី ជា សុផារ៉ា ជាប្រធាន ខណៈឯកឧត្តម ហុក ពេជ្រហោះអភិបាលរងខេត្ត ជាសមាជិក

*ក្រុមការងារចុះជួយស្រុកមេមត់ ឯកឧត្តមឧបនាយករដ្ឋមន្ត្រី ជា សុផារ៉ា ជាប្រធាន ខណៈឯកឧត្តម ចេង ប៊ុណ្ណារ៉ា អភិបាលរងខេត្តនិងឯកឧត្តម ណុប ឡង់ឌី អភិបាលរងខេត្ត ជាសមាជិក

*ក្រុមការងារចុះជួយស្រុកពញាក្រែក ឯកឧត្តម វង សូត ជាប្រធាន ខណៈឯកឧត្តម គន់ រ័ត្នមុនី អភិបាលរងខេត្ត និងឯកឧត្តម ម៉ាត់ហ្គោហ្វូត អភិបាលរងខេត្ត ជាសមាជិក

*ក្រុមការងារចុះជួយស្រុកតំបែរ ឯកឧត្តម ឌិត ឌីណា ជាប្រធាន ខណៈលោកជំទាវ នី ចាន់ធីតា អភិបាលរងខេត្ត ជាសមាជិក។

មានប្រសាសន៍នាឱកាសនោះ ឯកឧត្តមបណ្ឌិត ជាម ច័ន្ទសោភ័ណ បានធ្វើការជំរុញដល់គណៈអភិបាលខេត្តត្បូងឃ្មុំទាំង១០រូបព្រមទាំងលោកលោកស្រី នាយកនាយករងរដ្ឋបាល នាយកនាយករងទីចាត់ការសាលាខេត្ត កងកម្លាំងទាំង០៣ប្រភេទ ប្រធានអនុប្រធានមន្ទីរអង្គភាពជុំវិញខេត្ត អភិបាលអភិបាលរងក្រុង/ស្រុក ក្រុមប្រឹក្សឃុំ មេឃុំ ចៅសង្កាត់ និងអ្នកពាក់ព័ន្ធទាំងអស់ មានវត្តមាននាពេលនេះ ក៏ដូជាជាសមាជិកនៃក្រុមការងារចុះជួយមូលដ្ឋានទាំង០៧ក្រុងស្រុក ត្រូវមានសាមគ្គីភាពផ្ទៃក្នុងឲ្យបានល្អ រួមសហការគ្នាជាធ្លុងមួយ ចុះជួបដោះស្រាយរាល់បញ្ហាប្រឈមនានារបស់ពលរដ្ឋក្នុងមូលដ្ឋានឲ្យមានប្រសិទ្ធភាពបំផុត។

ឯកឧត្តមបណ្ឌិត សង្កត់ធ្ងន់ថា <<មន្ត្រីជាខ្ញុំបម្រើរបស់ពលរដ្ឋ មិនមែនជាចៅហ្វាយរបស់ពលរដ្ឋនោះទេ ត្រូវតែបម្រើឲ្យអស់ពីចិត្តពីដៃពីជើងដោយស្មោះត្រង់ ពេលពលរដ្ឋមានទុក្ខ ត្រូវមានវត្តមានពួកយើង>>

ជាមួយគ្នានោះ ឯកឧត្តមបណ្ឌិត អភិបាលខេត្ត គូសបញ្ជាក់ថា លោកលោកស្រី ក្រុមការងារទាំងអស់ពិសេសមេឃុំចៅសង្កត់ចាំបាច់ចុះឲ្យដល់មូលដ្ឋានឲ្យដល់ខ្នងផ្ទះ ជួយផ្សព្វផ្សាយគោលនយោបាយរាជរដ្ឋាភិបាល ឲ្យបងប្អូនជ្រួតជ្រាប កុំឲ្យជនអគតិប្រើគោលនយោបាយប្រជាភិថុត បង្ខូចមួលបង្កាច់រាជរដ្ឋាភិបាលស្របច្បាប់ ក្នុងគោលបំណងកេងចំនេញនយោបាយ ដើម្បីតែចង់បានសន្លឹកឆ្នោត។

បន្ថែមពីនោះ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត បានជំរុញឲ្យក្រុមការងារត្រូវចុះក្តាប់ជាប់នូវបញ្ហាប្រឈមពលរដ្ឋដោះស្រាយឲ្យបាន ធានាសុខុមាលភាពទាំងរាំងកាយនិងសតិអារម្មណ៍ពលរដ្ឋ ពិសេសពាំនាំសារនានារបស់រាជរដ្ឋាភិបាល ក្រសួងស្ថាប័ន រដ្ឋបាលខេត្ត ជូនដល់ពលរដ្ឋនូវគោលនយោបាយល្អៗដែលបានដាក់ចេញ នូវកិច្ចខិតខំប្រឹងប្រែងយ៉ាងច្រើនសម្រាប់ជួយលើកកម្ពស់ជីវភាពប្រជាពលរដ្ឋ ជាក់ស្តែងក្រោមការយកចិត្តទុកដាក់ខ្ពស់របស់សម្តេចតេជោ ហ៊ុន សែន ប្រមុខកម្ពុជា បានដាក់ចេញនូវគោលនយោបាយគាំពារសង្គមរតាមរយៈក្រ១ ក្រ២ ការឧបត្តម្ភនៃរដូវកាលកូវីដ១៩ជាដើម ដែលសុទ្ធសឹងជាការចំណាយថវិការបស់រាជរដ្ឋាភិបាលរាប់រយលានដុល្លារ ដើម្បីជួយដល់បងប្អូនយើង។

ជាចុងក្រោយ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត ក៏បានក្រើនរំលឹកដល់កងកម្លាំងមានសមត្ថកិច្ច និងអាជ្ញាធរមូលដ្ឋានមេឃុំចៅសង្កាត់ ត្រូវបន្តសហការគ្នាដោះស្រាយបញ្ហានានាដែលជាទុក្ខកង្វល់របស់ពលរដ្ឋ ជាពិសេសអនុវត្តន៍ឱ្យខានតែបាន នូវគោលនយោបាយ ភូមិឃុំមានសុវត្ថិភាពរបស់រាជរដ្ឋាភិបាលកម្ពុជាដែលបានដាក់ចេញ ត្រូវលុបបំបាត់បង្ក្រាបរាល់ការប្រព្រឹត្តបទល្មើសផ្សេងៗ ចោរលួច ឆក់ ប្លន់ ល្បែងស៊ីសងគ្រប់ប្រភេទ ធ្វើអោយភូមិ/ឃុំ ប្រែជាភូមិ ឃុំ ស្អាតធានាបានសន្តិសុខសុវត្ថិភាព ជូនបងប្អូនប្រជាពលរដ្ឋ៕

Filed in: ព័ត៌មានថ្មីៗ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com