កម្លាំងអធិការនគរបាលស្រុកព្រៃឈរ ធ្វើការបង្ក្រាបនិងឃាត់ខ្លួនបានជនសង្ស័យចំនួន៥នាក់ពាក់ព័ន្ធករណី បទល្មើសប្រើប្រាស់នូវឧបករណ៍នេសាទខុសច្បាប់ (ឆក់ត្រជាក់)

ខេត្តកំពង់ចាម ៖ ដោយមានការចង្អុលបង្ហាញពីលោកវរសេនីយ៍ឯក កែវ ស៊ាងហ៊ាន់ អធិការនគរបាលស្រុកព្រៃឈរ និងបានកា​រ​​អនុញ្ញាតពី លោកហួត វុទ្ធី ព្រះរាជអាជ្ញាអមសាលាដំបូងខេត្តកំពង់ចាម កាលពីយប់ថ្ងៃទី២០ ខែធ្នូ ឆ្នាំ២០១៩វេលាម៉ោ​ង២​១ៈ​១​៦​ នាទីកម្លាំងជំនាញស្រុកចុះដឹកនាំកម្លាំងប៉ុស្តិ៍រដ្ឋបាលល្វា ធ្វើការចុះបង្រ្កាបបទល្មើសនេសាទខុសច្បាប់ នៅចំណុចបឹងណើក ភូមិត្រពាំងជីនាង ឃុំល្វាស្រុកព្រៃឈរ រហូតដល់វេលាម៉ោង២១ៈ២០នាទី បានធ្វើការឃាត់បានជនសង្ស័យចំនួន ៥នាក់រួមមាន ៖

១. ឈ្មោះពិន ឃីម ភេទប្រុស អាយុ៥០ ឆ្នាំ នៅភូមិត្រពាំងជីនាង ឃុំល្វា ស្រុកព្រៃឈរ ខេត្តកំពង់ចាម
២. ឈ្មោះភឿក សំអឿន ភេទប្រុស អាយុ ៣០ឆ្នាំ មានទីលំនៅភូមិស្ដុកអន្ទុង ឃុំល្វា ស្រុកព្រៃឈរ ខេត្តកំពង់ចាម
៣. ឈ្មោះបាន សុភី ភេទប្រុស អាយុ៣៨ឆ្នាំ មានទីលំនៅភូមិស្ដុកអន្ទុង ឃុំល្វាស្រុក ស្រុកព្រៃឈរ ខេត្តកំពង់ចាម
៤. ឈ្មោះហ៊ុន ថាន ភេទប្រុស អាយុ៣៦ឆ្នាំ មានទីលំនៅភូមិតាចាក់ ឃុំល្វា ស្រុកព្រៃឈរ ខេត្តកំពង់ចាម
៥. ឈ្មោះហ៊ុន ហ៊ាង ភេទប្រុស អាយុ៣៣ឆ្នាំ មានទីលំនៅភូមិលិចវត្ត ឃុំថ្មពូន ស្រុកព្រៃឈរ ខេត្តកំពង់ចាម
ក្នុងនោះវត្ថុតាងដកហូតបានរួមមាន ៖
១. អាគុយ៤០អំពែរ ចំនួន៣
២. ក្បាលអាំភ្លីឆក់ចំនួន១
៣. ពិលក្បាលកែវ១
៤. កាដុងជ័រដាក់ត្រីចំនួន១ កន្រ្តក់ជ័រចំនួន១
៥. កាំបិតតាំងតោចំនួន១
៦. ស្បៃអួនប្រវែង៩ ម៉ែត្រភ្ជាប់ដោយខ្សែភ្លើងសម្រាប់ឆក់
៧. ម៉ូតូចំនួន៤ គ្រឿងម៉ាកឌ្រីមសង់សេ១២៥ សេរីឆ្នាំ ២០០៥.២០០៨. ២០១៧. និងសេរីឆ្នាំ២០១៨

បច្ចុប្បន្នជនសង្ស័យ រួមនឹងវត្ថុតាងខាងលើ ត្រូវបានឃាត់រក្សាទុកនៅអធិការដ្ឋាននគរបាលស្រុកព្រៃឈរ ដើម្បីកសាងសំណុំរឿងចាត់ការតាមនីតិវិធីច្បាប់ ។