រាជធានីភ្នំពេញ ៖ កាលពីថ្ងៃទី ២០ ខែ ធ្នូ ឆ្នាំ ២០១៩ វេលាម៉ោង ២១ៈ ៣០ នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួនបានជនសង្ស័យចំនួន ០១ នាក់នៅចំណុចស្ថានីយ៍ប្រេងឥន្ធនៈតូតាល់ មុខស្ថានីយ៍រថភ្លើង សង្កាត់ស្រះចក ខណ្ឌដូនពេញ រាជធានីភ្នំពេញ ដែលបានប្រព្រឹត្តបទល្មើស អំពើលួចមានស្ថានទម្ងន់ទោស ដោយសារការប្រព្រឹត្តអំពើហិង្សា (ឆក់កាបូប ពណ៌ត្នោត) ប្រព្រឹត្តនៅចំណុចលើផ្លូវបេតុង ភូមិត្រពាំងសំព័រ សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីថ្ងៃទី១៨ ខែធ្នូ ឆ្នាំ២០១៩ វេលាម៉ោង ១៦ៈ៣០ នាទី និងចាប់យកសម្ភារៈមួយចំនួន បញ្ជូនមកការិយាល័យដើម្បីចាត់ការតាមនីតិវិធីមានឈ្មោះ ជឹម ដេវីត ភេទ ប្រុស អាយុ ១៩ ឆ្នាំ ជនជាតិ ខ្មែរ មុខរបរ បុគ្គលិកក្រុមហ៊ុនលាភភ័ព្វសំណាង ស្នាក់នៅផ្ទះជួលគ្មានលេខ ផ្លូវBT ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
សម្ភារៈចាប់យករួមមាន ម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០២០ តួម៉ាស៊ីនលេខ ៩៤៩៦៤៤៤ ពាក់ស្លាកលេខ ភ្នំពេញ ១FO ៥៥៩២ ប័ណ្ណសម្គាល់យានយន្តពាក់ស្លាកលេខភ្នំពេញ ១FO ៥៥៩២ ចំនួន ០១ សន្លឹក ,ទូរសព្ទ័ដៃម៉ាក VIVO ពណ៌ខ្មៅ លាយឈាមជ្រូក ស៊ីមកាតលេខ ០៩៦ ៤១៣៤០៣៤ ,ខ្សែដៃធ្វើពីលោហៈធាតុ ពណ៌លឿងស្លេក ចំនួន ០១ ខ្សែ ,ចិញ្ចៀនធ្វើពីលោហៈធាតុពណ៌លឿងស្លេក មានដាំត្បូងពណ៌ស ចំនួន ០១ វង់ ,អត្តសញ្ញាណប័ណ្ណសញ្ជាតិខ្មែរ លេខ០១១៣០៥៥៧៩ ឈ្មោះ សៅ លក្ខិណា ចំនួន ០១ សន្លឹក , កូនកាបូប ពណ៌ខ្មៅចំនួន ០១ និងប្រាក់រៀលចំនួន ៣៣៥០០ រៀល ។
ជនរងគ្រោះឈ្មោះ ឡង់ សារឿន ភេទស្រី អាយុ៤១ឆ្នាំ ជនជាតិខ្មែរ ស្នាក់នៅផ្ទះលេខ១៦៨ ផ្លូវបេតុង ភូមិចុងខ្សាច់ សង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ មុខរបរគ្រូបង្រៀន។ សម្ភារៈបាត់បង់ប្រាក់ដុល្លារ ចំនួន ៥០០ដុល្លារអាមេរិក ,ប្រាក់អូស្រ្តាលី ចំនួន ១១០០ ,ប្រាក់រៀល ចំនួន ៧០០ ០០០ រៀល ,ទូរសព្ទ័ដៃ ចំនួន ០៣ គ្រឿងម៉ាកអាយហ្វូនស៊ីច ចំនួន ០១ គ្រឿង ,អាយហ្វូនហ្វាយ ចំនួន ០១ គ្រឿង និងសាំសុង ចំនួន ០១ គ្រឿង , កាតធនាគារអេស៊ីលីដា ចំនួន ០១ សន្លឹក , កាតអេធីអ៊ឹម ចំនួន ០១ សន្លឹក , កាតគ្រីម៉ូតូ ចំនួន ០១ សន្លឹក , បុងប្រេងតេលា ចំនួន ៦០០លីត្រ ,អត្តសញ្ញាណប័ណ្ណគ្រូបង្រៀនចំនួន ០១សន្លឹក ,កាត បសសចំនួន ០១សន្លឹក ,កាត សបស ចំនួន ០១សន្លឹក ,អត្តសញ្ញាណប័ណ្ណចំនួន ០៣សន្លឹក ,បណ្ណ័បើកបររថយន្តចំនួន ០១សន្លឹក ,ប័ណ្ណបើកបរម៉ូតូចំនួន ០១សន្លឹក ,ផៅវ័របេងចំនួន ០១ ,កាតជំរឿនចំនួន ០១សន្លឹក ។
បច្ចុប្បន្នជនសង្ស័យ និងវត្ថុតាងខាងលើ ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញបានកសាងសំណុំរឿង បញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ។
