ទាន់ហេតុការណ៍
អភិបាលខេត្តត្បូងឃ្មុំ ជំរុញឲ្យមន្ត្រីជំនាញ ឆ្លើយតបឲ្យទាន់ពេលវេលា ជូនកសិករចំពោះគ្រោះមហន្តរាយធម្មជាតិនានា និងបន្តជម្រុញបង្កើនការដាំដុះកសិកម្ម និងផលិតកម្មសត្វគ្រប់ប្រភេទ => ឯកឧត្តមបណ្ឌិត ជាម ច័ន្ទសោភ័ណ ជួបសំណេះសំណាល ផ្តល់រង្វាន់ដល់ប្រតិភូកីឡាខេត្តត្បូងឃ្មុំ១២៧នាក់ ទទួលជ័យលាភីមេដាយសរុប១៧គ្រឿង ក្នុងការប្រកួតកីឡាជាតិលើកទី៣ និងកីឡាជនពិការលើកទី១ => ម្ចាស់ជើងឯកកីឡាបាល់ទាត់ពានរង្វាន់ឯកឧត្តមបណ្ឌិត ហ៊ុន ម៉ាណែត អបអរថ្ងៃជ័យជំនះ៧មករា រដូវកាលទី២ ឆ្នាំ២០២៣ ក្នុងស្រុកក្រូចឆ្មារ ខេត្តត្បូងឃ្មុំ ត្រូវបានរកឃើញហើយ ក្រោមក្រសែភ្នែកអ្នកចូលរួមទស្សនាផ្ទាល់ប្រមាណ ១៥,000នាក់ => ហ្គេមបាញ់ត្រីជាច្រើនទូបង្កប់ក្នុងផ្សារទំនើបបឹងត្របែកផ្សារផ្លាហ្សាបើកលេងដោយរលូនមិនរំខានទៅដល់មន្ត្រីពាក់ព័ន្ធក្នុងមូលដ្ឋានខណ្ឌចំការមន!!! => ប្រធានក្រុមការងារយុវជនគណបក្សខេត្តត្បូងឃ្មុំ ជួបសំណេះសំណាល និងប្រគល់ថវិការបស់ឯកឧត្តមបណ្ឌិត ហ៊ុន ម៉ាណែត ជូនដល់ក្រុមការងារគណបក្សឃុំ-សង្កាត់ទាំង៦៤ និងសកម្មជនយុវជនសាខាបក្សភូមិទាំង៨៧៣ភូមិ នៅទូទាំង => សន្តិភាព ស្ថេរភាពនយោបាយ និងការអភិវឌ្ឍន៍លើគ្រប់វិស័យ គឺជាកត្តាចំបងដែលធ្វើឲ្យប្រទេស កម្ពុជាស្មើមុខស្មើមាត់លើឆាកអន្តរជាតិ => អភិបាលខេត្តត្បូងឃ្មុំ ផ្ដល់ជូនកុំព្យូទ័រយួរដៃម្នាក់មួយគ្រឿង និងថវិកាដែលជាអំណោយរបស់ឯកឧត្តមបណ្ឌិត ហ៊ុន ម៉ាណែត ដល់សិស្សទាំង២៩នាក់ ដែលប្រឡងជាប់បាក់ឌុប និទ្ទេស A នៅក្នុងខេត្ត => កម្លាំងកងរាជអាវុធហត្ថខេត្តកំពង់បង្ក្រាបបានរថយន្តដឹកឈើមួយគ្រឿងបើទោះបីខំបំភាន់ភ្នែកមន្ត្រីជំនាញយ៉ាងណា នៅតែជាប់អន្ទាក់ដ៏ដែល => អភិបាលខេត្តត្បូងឃ្មុំ អញ្ជើញបើកបវេសនកាលឆ្នាំសិក្សា២០២២-២០២៣ នៅវិទ្យាល័យសម្តេចតេជោ ហ៊ុន សែន សួង => រដ្ឋបាលខេត្តត្បូងឃ្មុំ ប្រារព្ធពិធីអបអរសាទរខួបលើកទី១៦ ទិវាជាតិប្រយុទ្ធប្រឆាំងអំពើជួញដូរមនុស្ស ១២ ធ្នូ ឆ្នាំ២០២២ ក្រោមប្រធានបទៈ" រួមគ្នាលុបបំបាត់អំពើជួញដូរមនុស្ស ឆ្ពោះទៅសម្រេចគោលដៅអភិវឌ្ឍន៍ជាតិ ប្រកបដោយចីរភាព"
0

ប្អូនស្រីមេឃុំចំបក់លោកស្រី ចាន់ សារ៉ាន់ ពិតជាមិនធម្មតារំលោភយកដីគេហើយ និងបញ្ជាសមត្ថកិច្ចឲ្យចាប់ប្រជាពលរដ្ឋជាង១០នាក់ទៀត

(ខេត្តតាកែវ) ហេតុការណ៍ដ៏សែនហួសចិត្ត និងអយុត្ដិធម៌ពន់ពេកក្រៃ ត្រឹមជាប្អូនស្រីលោក ចាន់ យ៉ែម មេឃុំចំបក់ ស្រុកបាទី ខេត្ដតាកែវ អាចបញ្ជាសមត្ថកិច្ចគ្រប់ពេលវេលា និងបានបញ្ជាឲ្យសមត្ថកិច្ច ឃាត់ខ្លួនម្ចាស់ដីចំនួន១១នាក់ គ្រាន់តែចង់បានដីខាងមុខផ្ទះដើម្បីចេញចូលតែប៉ុណ្ណោះ។

យោងតាមការរៀបរាប់ទាំងអួលដើមកទឹកភ្នែងរលីងរលោងរបស់សាច់ញាតិទាំង១១នាក់ ដែលគេចាប់ខ្លួន បានប្រាប់អង្គភាពព័ត៌មានយើង ឲ្យបានដឹងថា ដីរបស់ពួកគាត់នេះមានក្បាល៣០ម៉ែត្រ និងបណ្តោយពីផ្លូវទៅ១៥ម៉ែត្រ ហើយគាត់បានកាន់កាប់តាំងពីឆ្នាំ១៩៧៩មកម្លេះ ដោយគាត់បានដាំដំណាំស្វាយនិងចេក ព្រមទាំងមានធ្វើកូនរោងនៅអាស្រ័យផងដែរ មិនដែលមានបញ្ហា ឬអាជ្ញាធរណាចុះមករករឿងអ្វីនោះទេ។

រហូតមកដល់ឆ្នាំ២០១៩ មានបុគ្គលឈ្មោះ ចាន់ សាវ៉ាន់ ដែលត្រូវជាប្អូនស្រីបង្កើតរបស់លោកមេឃុំចំបក់ឈ្មោះ ចាន់ យ៉ែម បានទិញដីនៅជាប់ខាងក្រោយគាត់។ ចាប់តាំងពីបុគ្គលនេះមកធ្វើផ្ទះរស់នៅកន្លែងនេះ គឺតែងតែមានរឿងរ៉ាវរកាំរកូសឈ្លោះទាស់ទែងជាមួយពួកគាត់ និងអ្នកជិតខាងរឿងដីនេះរហូតមិនចេះចប់ឡើយព្រោះថា ផ្ទះរបស់គាត់នៅខាងក្រោយអត់មានផ្លូវចេញចូលឡើយ។ ហើយកន្លងមកបុគ្គលនេះក៏ធ្លាប់សុំដីរបស់ពួកខ្ញុំចំនួន៤ម៉ែត្រដើម្បីធ្វើផ្លូវចេញចូលផ្ទះ ពួកខ្ញុំក៏យល់ព្រមប្រគល់ដីជូន៤ម៉ែត្រតាមការស្នើរសុំតែបុគ្គលនេះបែជាមិនយកវិញដោយគាត់ចង់បាន៦ម៉ែត្រទៅវិញ។

មិនត្រឹមតែប៉ុណ្ណោះ បុគ្គលនេះបានបោះពាក្យសម្ដីថា

ហើយបុគ្គលនេះបានបោះសំដីមកទៀតថា បើមិនអោយគេទេ គេនិងយកទាំងអស់តែម្តងដោយរឿងរ៉ាវនេះចេះតែរកាំរកូសអូសបន្លាយរហូតមកដល់ថ្ងៃទី៧ខែធ្នូរ ឆ្នាំ២០២២ វេលាម៉ោង៩ព្រឹកស្រាប់តែបុគ្គលនេះបានអោយគ្រឿងចក្រ (អាអុិច) មកបំផ្លិចបំផ្លាញវាយកំទេចដំណាំ កូនខ្ទមនិងវាយបំបែកពាងរបស់ពួកគាត់អស់ចំនួន១០ ហើយបានអោយឡានបែនដឹកដីមកចាក់លុបពីលើដីដំណាំរបស់ពួកគាត់ទាំងបំពានទៀតផង មិនតែប៉ុណ្ណោះបុគ្គលនេះបានបញ្ជាអោយកំលាំងសមត្តកិច្ចចំរុះចុះមកការពារ និងចាប់ពួកគាត់ដែលជាម្ចាស់ដីទាំងចាស់ទាំងក្មេងចំនួន១១នាក់វ៉ៃខ្នោះដល់ក្នុងផ្ទះឃាត់ខ្លួនបញ្ចូនទៅអធិការដ្ឋាននគរបាលស្រុកបាទី ឃុំឃាំង យ៉ាងឃោឃៅបំផុត។

ហើយរហូតមកដល់ពេលនេះអ្នកទាំង១១នាក់នោះក៏មិនដឹងសុខទុក្ខឬសុវត្ថិភាពយ៉ាងណានោះទេ ហើយវាពិតជាអយុត្តិធម៍និងខ្លោចផ្សារបំផុតសំរាប់ពួកគាត់ដែលជាប្រជាពលរដ្ឋស្លូតត្រង់រស់នៅក្រោមដំបូលសន្តិភាព របស់សម្តេច អគ្គសេនាបតីតេជោ ហ៊ុន សែនដែលលោកតែងតែថែរក្សាសន្តិភាព និងផ្តល់នៅម្លប់ដ៏ត្រជាក់ដល់ប្រជាពលរដ្ឋរបស់សម្តេចដល់សព្វថ្ងៃនេះឯង។

ពួកគាត់ទាំងអស់គ្នាដែលជាពលរដ្ឋស្លូតត្រង់ និងជាម្ចាស់ដីក៏សុំលើកដៃសំពះអំពាវនាវក៏ដូចជាគោរពស្នើរសុំទៅដល់សម្តេចអគ្គសេនាបតីតេជោ ហ៊ុន សែន ព្រមទាំងលោកជំទាវ កិត្តិបណ្ឌិត ប៊ុន រ៉ានី ហ៊ុនសែន ព្រមទាំងលោក អ៊ុច ភា ដែលជាអភិបាលគណះអភិបាល និង លោកព្រះរាជអាជ្ញាអមសាលាដំបូងខេត្តតាកែវ មេត្តាជួយរកយុត្តិធម៍និងសម្របសម្រួលជួយដល់ប្រជាពលរដ្ឋចំនួន១១នាក់ដែលត្រូវបានអជ្ញាធរ សមត្តកិច្ចធ្វើការចាប់ឃាត់ខ្លួននោះដោះលែងអោយពួកគាត់មានសេរីភាពវិញផងទាន៕

Filed in: ព័ត៌មានថ្មីៗ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com