(ភ្នំពេញ) ៖ លោក សុន កាក់សាន ដែលអះអាងថាជាមេធាវីរបស់លោក អេង សុភាព បានប្រតិកម្មខ្លាំងជុំវិញអង្គភាពសារព័ត៌មាន អអេហ្វ អិន បានចុះផ្សាយព័ត៌មានកាលពីថ្ងៃទី១២ ខែធ្នូ ឆ្នាំ២០២២ម្សិលមិញ ជុំវិញបញ្ហា កម្លាំងកងរាជអាវុធហត្ថរាជធានីភ្នំពេញ បានឃាត់ខ្លួនបុរសម្នាក់ឈ្មោះ អេង សុភាព ភេទប្រុស អាយុ៤៥ឆ្នាំ ពាក់ព័ន្ធករណី ឆបោក និងមិនបំពេញកាត្វកិច្ចចំពោះឧបករណ៍ដែលអាចជួញដូរបាន រួចបញ្ជូនទៅកាន់តុលាការនៃអយ្យការអមសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់។
យោងតាមចំណាត់ការផ្ទាល់របស់កងរាជអាវុធហត្ថរាជធានីភ្នំពេញ និងលិខិតកោះហៅរបស់កងរាជអាវុធហត្ថរាជធានីភ្នំពេញ។ស្រាប់តែនៅរសៀលម៉ោង ០១៖៣៣ ថ្ងៃទី១៣ ខែធ្នូ ឆ្នាំ២០២២ មេធាវីម្នាក់ឈ្មោះ សុន កាក់សាន ជានាក់ការពារក្ដីឲ្យឈ្មោះ អេងសុភាព បានខលមកអ្នកសារព័ត៌មានដោយពុំដឹងច្បាប់ទាល់តែសោះ គឺមិនបានបំភ្លឺជូនអ្នកសារព័ត៌មាននោះទេ បែជាមកចោទសួរដេញចោទអ្នកសារព័ត៌មានថា មិនសួរភាគីម្ខាងទៀត ទាំងដែលភាគីឈ្មោះ អេង សុភាព កំពុងត្រូវបានឃាត់ខ្លួននៅឡើយ។
ពាក់ព័ន្ធករណីនេះ លោកមេធាវី សុន កាក់សាន បានខលមកអ្នកសារព័ត៌មានទាំងពុំដឹងរឿងកូនក្ដីច្បាស់លាស់នោះទេ ដោយបានសួរអ្នកសារព័ត៌មានថា “បទឆបោកហ្នឹង ឆបោករឿងអីគេ, ឆបោកមិចអត់សួរនាំគេ ឆបោកសែក១០ម៉ឺនហ្នឹងរបស់អ្នកណា ការងារពាក់ព័ន្ធរឿងអី, លិខិតហ្នឹងគេថាមិច?” ក្នុងលិខិតកងរាជអាវុធហត្ថបានបញ្ជាក់ថាជាករណីឆបោក ប៉ុន្ដែលោកមេធាវីពុំបានមើលលិខិតនេះច្បាស់លាស់នោះទេ ថែមទាំងបានបោះសម្ដីថា “អេង សុភាព ចេញមូលប្បទានបត្រក្នុងនាមក្រុមហ៊ុន ដើម្បីទៅដកឯកសារជាមួយដៃរគូរគាត់ វាអត់មានពាក់ព័ន្ធឆបោកអីដល់ចឹងណា បើបងចេញសារព័ត៌មានថា គាត់ចេញមូលប្បទានបត្រហ្នឹងពាក់ព័ន្ធនឹងលុយ១០ម៉ឺនហ្នឹង ហើយពាក់ព័ន្ធជាមួយដៃរគូរគាត់អាហ្នឹងត្រូវ ពាក់ព័ន្ធករណីឆបោកវាមាននិយមន័យបែបម៉េច បំភ្លៃព័ត៌មានអ៎ា”។
មេធាវីពុំដឹងរឿងកូនក្ដីបែបនេះ បានបន្ថែមថា “បងទៅនិយាយខុសការពិត, បងអែងស្ដាប់តែម្ខាងអត់ស្ដាប់ម្ខាងដូចម្ដេចហៅថា ជញ្ជីងខ្ញុំមិនមែននិយាយថាអីទេ ប៉ុន្ដែគ្រាន់តែសរសេរអីស្ដាប់តែម្ខាង បងមុនចុះត្រូវសួរខាងនោះនិយាយថាមិច អេង សុភាព និយាយថាមិចអាហ្នឹងបានត្រូវ ដល់បងនិយាយឆបោកចឹងចេញដាក់ទៅតាមព័ត៌មានចេញតាមបណ្ដាញសង្គម បងអេងមកចោទគេរួចហើយមកនិយាយអត់បានដឹងទាំងអស់” មើលខ្ញុំសួរមើលករណីឆបោកហ្នឹង ឆបោកអីគេ ខ្ញុំមិនបានមើលមិច បើខ្ញុំអ្នកកាន់រឿង”។
មេធាវីរូបនេះ បានប្រើសិទ្ធលើសពីអ្វីដែលខ្លួនមាន ដោយភ្ជាប់សារសម្ដេចនាយកមកប្រើទៀត ដោយបានបង្គាប់ប្រើសម្ដីធ្ងន់ៗឲ្យអ្នកសារព័ត៌មានប្រើនីតិវីធីប្រៀបដូចតុលាការ “ព័ត៌មានត្រូវសួរដើមបណ្ដឹង ចុងចម្លើយបានដឹង បើចុះៗដើម្បីតែគេមើលព័ត៌មានបងឯងមិចត្រូវ ត្រូវចុះសងខាង បងឯងចុះតែម្ខាង បងឯងអត់ត្រូវទេណា ត្រូវចុះដោយភាគីសងខាង បងស្គាល់ប៉ះពាល់កិត្តិយសគេទេ”។
ពាក់ព័ន្ធករណីនេះផងដែរ អង្គភាពព័ត៌មាន អអេហ្វអិន សូមជម្រាបជូនលោកមេធាវីពុំដឹងអីរូបនេះឲ្យដឹងច្បាស់ថា សារព័ត៌មានពុំអាចចោទនរណាតាមអំពើរចិត្តបានទេ ហើយសារព័ត៌មានពុំមែនជាតុលាការ ដើម្បីកាត់សេចក្ដីឲ្យនរណាម្នាក់ឈ្នះ ឬចាញ់ក្ដីបានោះទេ។ប៉ុន្ដែករណីការឃាត់ខ្លួនលោក អេង សុភាព ការចុះផ្សាយតាមកងរាជអាវុធហត្ថរាជធានីភ្នំពេញ ដោយមានឯកសារត្រឹមត្រូវពាក់ព័ន្ធនឹងករណី “ឆបោក និងមិនបំពេញកាត្វកិច្ចចំពោះឧបករណ៍ដែលអាចជួញដូរបាន” ដោយពុំបានបន្ថែមបន្ថយសេចក្ដីអ្វីទាល់តែសោះប៉ុន្ដែដោយសារមេធាវី សុន កាក់សាន មិនដឹងធ្វើមេធាវីយ៉ាងម្ដេចទេ បានជានិយាយស្ដីគ្មានក្រមសីលធម៌ និងពុំយល់ច្បាប់ស្ដីពីរបបអ្នកសារព័ត៌មាន និយាយគ្មានដឹងប្រភពព័ត៌មានច្បាស់លាស់ បែបចាកប្រធានបទ។
ទាក់ទិនករណីនេះផងដែរ សូមឯកឧត្តម លី ច័ន្ធតុលា ប្រធានគណៈមេធាវីនៃព្រះរាជាណាចករកម្ពុជា មេត្តាពិនិត្យករណីវិជ្ជាជីវៈរបស់លោកធាវី សុន កាក់សាន នេះផង ព្រោះនេះជាករណីមួយដែលប៉ះពាល់ដល់វិជ្ជាជីវៈមេធាវីកម្ពុជាខ្លាំងមែនទែន។
ប្រជាពលរដ្ឋ និងអ្នកសារព័ត៌មានជាច្រើនអង្គភាពរង់ចាំមើលថា តើករណីខាងលើនេះនឹងទៅជាយ៉ាងណា មិនត្រឹមតែប៉ុណ្ណោះអង្គភាព អអេហ្វអិននឹងធ្វើបច្ចុប្បន្នភាពជុំវិញរឿង១០ម៉ឺនដុល្លារនេះ៕
