ត្បូងឃ្មុំ ៖ នៅក្នុងពិធីជួបសំនេះសំណាលជាមួយលោកគ្រូ អ្នកគ្រូ និងសិស្សានុសិស្សប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា ២០២១ – ២០២២ នាថ្ងៃទី០៥ ខែមករា ឆ្នាំ២០២៣ ឯកឧត្តមឧបនាយករដ្ឋមន្រ្តី ជា សុផារ៉ា បានជម្រុញដល់សិស្សានុសិស្សដែលទើបប្រឡងេជាប់ទាំងអស់ ត្រូវបន្តខិតខំរៀនសូត្របន្ថែមទៀត ដើម្បីខ្លួនឯង គ្រួសារ និងសង្គមជាតិទាំងមូល ។ ព្រោះថាប្រទេសជាតិយើងត្រូវការចាំបាច់ណាស់នូវធនធានមនុស្សដែលមាបគុណភាពសម្រាប់អភិវឌ្ឍន៍ប្រទេសជាតិទៅថ្ងៃអណាគត់ ។
ឯកឧត្តមឧបនាយករដ្ឋមន្រ្តីមានប្រសាសន៍លើកឡើងថា ប្រទេសជាតិយើងបានឆ្លងកាត់ ជាច្រើនដំណាក់កាលដ៏សែនជូចត់ ទំរាំមានការរីកចម្រើនដូចសព្វថ្ងៃនេះ ។ ហើយអ្វីដែលយើងកាន់តែសប្បាយទៀតនោះគឺការទទួលស្កាល់ជាអន្តរាជាតិ នូវការដឹកនាំប្រកបដោយគតិបណ្ឌិត របស់សម្តេចតេជោ ដែលបាននាំប្រទេសកម្ពុជាជាយើងទៅរកសុខសន្តិភាព និងភាពរីកចម្រើន លើគ្រប់វិស័យ។ សន្តិភាព ស្ថេរភាពនយោបាយ និងការអភិវឌ្ឍន៍លើគ្រប់វិស័យ គឺបានធ្វើឳ្យប្រពលរដ្ឋ ពិសេសក្មួយៗទាំងអស់គ្នាមានឳកាសគ្រប់បែបយ៉ាងទក្នុងការអភិវឌ្ឍន៍ចំនេះដឹង ។
បើតាមរបាយការរបស់លោក អ៊ិន ពៅសម្បត្តិ ប្រធានមន្ទីអប់រំយុវជន និងកីឡាខេត្តត្បូងឃ្មុំ បានឳ្យដឹងថា ឆ្នាំសិក្សា ២០២១–២០២២សិស្សដែលបានចុះឈ្មោះចូលរៀនចាប់ពីថ្នាក់មត្តេយ្យសិក្សា ដល់ថ្នាក់មធ្យមសិក្សាមានចំនួន ១៦៩,៨៤៩ នាក់ ខណៈឆ្នាំសិក្សា២០២២–២០២៣ នេះនៅមិនទាន់មានរបាយការណ៍នៅឡើយទេ ។ ដោយឡែកសិស្សប្រឡងមធ្យមសិក្សាទុតិយភូមិ មាន ៤,៨៧៦នាក់ ក្នុងនោះជាប់និន្ទេស A ២៩ នាក់ ស្រី ២១ នាក់ ។
