ត្បូងឃ្មុំ ៖ ដើម្បីបន្តអនុវត្តន៍ឳ្យបានជោគជ័យ នូវគោលនយោបាយរបស់រាជរដ្ឋាភិបាលដែលប្រកាន់ភ្ជាប់ការសាមគ្គីភាពជាតិ ដើម្បីប្រមូលកម្លាំងប្រជាជាតិទាំងមូលជាធ្លុងមួយពីគ្រប់មជ្ឈដ្ឋាន គ្រប់និន្នាការនយោបាយ ទាំងក្នុង និងក្រៅប្រទេស ធ្វើឳ្យប្រទេសមានឯកភាព អធិបតេយ្យភាព បូរណៈភាព ដែនដី សុខសន្តិភាព ប្រជាធិបតេយ្យ និងវឌ្ឍនភាពថ្កើងថ្កាន រដ្ឋបាលខេត្តត្បូងឃ្មុំ នៅថ្ងៃទី០១ខែមិនា ឆ្នាំ២០២៣ បានបើកិច្ចប្រជុំផ្សព្វផ្សាយដាក់ឳ្យប្រើប្រាស់កម្មវិធីវិនិយោគ ៣ ឆ្នាំរំកិលខេត្ត ឆ្នាំ២០២៣–២០២៥ ។ កម្មវិធីនេះធ្វើឡើងក្រោមអធិបតីភាពឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ ។
ឯកឧត្តមបណ្ឌិតអភិបាលខេត្តមានប្រសាសន៍លើកឡើងថា ប្រទេសជាតិយើងមានសុខសន្តិភាព ដែលធ្វើឳ្យប្រជាពលរដ្ឋមានឳកាសអភិវឌ្ឍន៍សេដ្ឋគ្រួសារឳ្យមានភាពល្អប្រសើរឡើងជាលំដាប់ កត្តាទាំងនេះគឺដោយសារតែរាជរដ្ឋាភិបាលក្រោមការដឹកនាំរបស់សម្តេចតេជោ បានដាក់ចេញនូវយុទ្ធសាស្ត្រ យ៉ាងត្រឹមត្រូវប្រកបដោយគតិណ្ឌិត មិនថាបញ្ហាអភិវឌ្ឍន៍ ឬបញ្ហាសុខមាលភាពរបស់ប្រជា ពលរដ្ឋនោះទេ គឺសម្តេចបានយកចិត្តទុកដាក់យ៉ាងខ្លាំង ។
ឯកឧត្តមបន្តថា គ្រប់មន្ទីពាកើព័ន្ធទាំងអស់ត្រូវស្វែងរកដៃគូរគាំទ្រនូវគម្រោងអតិភាព ដោយត្រូវរៀបចាំធ្វើយ៉ាងណាឳ្យគេគាំទ្រគម្រោងរបស់យើង ព្រោះថាប៉ុន្មានឆ្នាំកន្លងមកនេះបញ្ហាជំងឺកូវីដ–១៩ បានធ្វើឳ្យប៉ះពាល់យ៉ាងខ្លាំងដល់សេដ្ឋកិច្ចជាតិ និងគ្រួសារប្រជាពលរដ្ឋរបស់យើង ។ តែយ៉ាងណា ក្រោមការដឹកនាំរបស់សម្តេចតេជោ សេដ្ឋកិច្ចប្រទេសជាតិយើងនៅតែបន្តកើនឡើងបើទោះបីតិចតួចក្តី ដែលនេះគឺជាការដឹកនាំប្រកមដោយគតិបណ្ឌិតរបស់សម្តេចតេជោ ។
ដោយឡែក គ្រប់មន្ទីជំនាញទាំងអស់ ពិសេសមន្ទីផែនការត្រូវអនុវត្តនូវផែនការប្រកបប្រសិដ្ឋភាព តម្លាភាព និងដោយសមធម៌ដោយត្រូវតាមដានត្រួតពិនិត្យឳ្យបានច្បាស់លាស់ ដោយត្រូវបង្កើតក្រុមការងារត្រួតពិនិត្យឳ្យបានច្បាស់លាស់ ។ ក្នុងនោះត្រូវអនុវត្តថវិការគម្រោងឳ្យមានការឆ្លើយតបតាមតម្រូវការរបស់មូលដ្ឋាន ពោលគឺតម្រូវតាមសំណូមពររបស់ប្រជាពលរដ្ឋដើម្បីកាត់បន្ថយភាពក្រីក្រ បានយ៉ាងពិតប្រាកដ ។
