ទាន់ហេតុការណ៍
អនុវត្ត​តាមបទបញ្ជារបស់លោកឧត្តមសនីយ៍ទោ​ សុខ​ សំណាង​ ស្នងការខេត្ត​ ជនសង្ស័យគ្រឿងញៀនម្នាក់ត្រូវសមត្ថកិច្ចស្រុកត្រាំកក់បង្ក្រាបបាន => បើករថយន្តជ្រុលបុកក្បាលពុំនូសចែកទ្រូងផ្លូវ បណ្តាលឲ្យរងការខូចខាតយ៉ាងដំណំ! => មន្ទីរសាធារណការនិងដឹកជញ្ជូនខេត្តព្រះវិហារធ្វើការជួសជុលផ្លូវជង្ហុកសំបុកមាន់ និងបាក់ស្រុតក្រោយជំនន់ទឹកភ្លៀងធ្វើឲ្យខូចនាពេលថ្មីៗនេះ => ស្នងការនគរបាលខេត្តតាកែវជម្រុញឲ្យមន្ត្រីនគរបាល នៅជាប់មូលដ្ឋានត្រូវក្តាប់សភាពការឲ្យបានចំពោះសកម្មភាពរបស់ក្រុមជនអមិត្តដែលមានគោលបំណងប្រឆាំងនឹងរាជរដ្ឋាភិបាលស្របច្បាប់ => ពេទ្យសត្វបន្ទាយមានជ័យ ចុះទិញសត្វជ្រូក២៩ក្បាលសង្ស័យមានផ្ទុក ជម្ងឺប៉េសជ្រូកអាហ្វ្រិក => ពិធីបុណ្យកឋិនទានផ្តេីមដោយ ឯកឧត្តម កិត្តិបណ្ឌិត ហ៉ីង ប៊ុនហៀង និងលោកជំទាវ ប៉ែន ចន្ធី ព្រមទាំងបុត្រ ដង្ហែទៅវេប្រគេនព្រះសង្ឃគង់ចាំព្រះ​​​​វ​ស្សាវត្តតុំ និងសម្ភោធមហាកុដ្ឋ => បង្រ្កាបទីតាំងរ៉ែមាសខុសច្បាប់នៅស្រុកសំបូរ ដែលកំពុងលួចធ្វើអាជីវកម្ម ក្បែរតំបន់ក្រុមហ៊ុនរ៉ែរបស់ចិន => ជនសង្ស័យ១នាក់ ពាក់ព័ន្ធករណីប្រើប្រាស់និងជួញដូរ ចែកចាយគ្រឿងញៀនដោយខុសច្បាប់ទៅតុលាការ => រដ្ឋ​បាល​ខេត្ត​កំពត ប្រារព្ធ​ពិធី​គោរពព្រះ​វិញ្ញាណក្ខ័ន្ធនិង​ថ្វាយ​ព្រះរាជកុសលដ៏ថ្លៃថ្លាជូនព្រះករុណា"ព្រះបរមរតនកោដ្ឋ​"គម្រប់៧ឆ្នាំ => ថ្ងៃនេះច្រើនម្លេះ !នគរបាលខណ្ឌសែនសុខ បានបញ្ជូ​ន​ជនសង្ស័យ២១នាក់ ទៅកាន់​តុ​លាការ៣ករណីផ្សេងគ្នា
0

​ទំនង​ជា​ឈ្មោះ សេន ឡាំ ម្ចាស់​ក្រុមហ៊ុនក្លូ​អូ​វីន ចំណាយ​ដើមទុន​ទៅលើ​លោក អ៊ុន ចាន់​ដា​អភិបាល​ខេត្ត​ព្រះវិហារ ច្រើន​ណាស់​ហើយ​មើល​ទៅ​បាន​ជា​បើកដៃ​ឲ្យ​ក្រុមហ៊ុន​ក្លូ​អូ​វីន​ផ្លាញ​ព្រៃឈើ​ក្នុង​ឃុំ​គូលែន​ខាង​ជើងស្រុក​គូលែន​តាម​អំពើ​ចិត្ត

ប្រភព​ពី​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ក្នុង​ឃុំ​គូលែន​ខាងជើង ស្រុក​គូលែន បានឲ្យដឹងថា ទំនង​ជា​ឈ្មោះ សេន ឡាំ ម្ចាស់​ក្រុមហ៊ុនក្លូ​អូ​វីន ចំណាយ​ដើមទុន​ទៅលើ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​តាម​លំដាប់លំដោយ​ទើប​មាន​មន្ត្រី​ជំនាញ​ឬ​សមត្ថកិច្ច​ណា​ទប់ស្កាត់​ទាល់តែសោះ​។ ជាក់ស្ដែង​កាលពី​យប់​ថ្ងៃទី​២៧ ខែ​មេសា ឆ្នាំ​២០១៩ ក្រុមហ៊ុនក្លូ​អូ​វីន បាន​ដឹក​ម៉ាស៊ីន​អារឈើ​តាម​គោយន្ត​ចូល​ទៅ​ទីតាំង​ក្រុមហ៊ុន​យ៉ាង​រលូន​ដោយ​គ្មាន​ញញើត​អ្វី​ទាំងអស់ ព្រោះ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ហ៊ាន​ទប់ស្កាត់​ទេ​។ សូម្បីតែ​លោក អ៊ុន ចាន់​ដា អភិបាល​ខេត្ត​ព្រះវិហារ ក៏​ដូចជា​ប្រធាន​មន្ទីរ​កសិកម្ម និង​មេ​រដ្ឋបាល​ព្រៃឈើ​ខេត្ត​ព្រះវិហារ ក៏​រក្សា​ភាព​ស្ងៀមស្ងាត់​ហើយ​បណ្ដោយ​ឲ្យ​ក្រុមហ៊ុនក្លូ​អូ​វីន ដែល​មាន​ម្ចាស់​ឈ្មោះ សេន ឡាំ បន្ត​បំផ្លាញ​ព្រៃឈើ​ក្នុង​ស្រុក​គូលែន យ៉ាង​មហន្តរាយ​។​

​ប្រភព​ពី​មន្ត្រី​អង្គការ​ក្រៅ​រដ្ឋាភិបាល​នៅ​ខេត្ត​ព្រះវិហារ បានឲ្យដឹងថា បច្ចុប្បន្ន​ក្រុមហ៊ុនក្លូ​អូ​វីន ដែល​មាន​ម្ចាស់​ឈ្មោះ សេន ឡាំ កំពុង​បំផ្លាញ​ព្រៃឈើ​នៅ​ឃុំ​គូលែន​ខាងជើង ស្រុក​គូលែន ខេត្ត​ព្រះវិហារ ដោយ​គ្មាន​ញញើត​អ្វី​ទាំងអស់​។

​ទន្ទឹមនឹងនេះ​មជ្ឈដ្ឋាន​នានា​បាន​រិះគន់ថា បទបញ្ជា​របស់​លោក អ៊ុន ចាន់​ដា អភិបាល​ខេត្ត​ព្រះវិហារ កំពុង​ក្លាយទៅជា​រឿង​ឥតន័យ ព្រោះ​ក្រុមហ៊ុនក្លូ​អូ​វីន របស់​ឈ្មួញ​ឈ្មោះ សេន ឡាំ នៅតែ​ហ៊ាន​ធ្វើ​សកម្មភាព​កាប់​ឈើ អារច្រៀក​ឈើ និង​ដឹកជញ្ជូន​ឈើ​ដោយ​គ្មាន​ញញើត​អ្វី​ទាំងអស់​។ ដូច្នេះ​ថ្នាក់ដឹកនាំ​ក្រសួងមហាផ្ទៃ មិន​គួរ​មើលរំលង​ភាព​អសកម្ម​របស់លោក អ៊ុន ចាន់​ដា អភិបាល​ខេត្ត​ព្រះវិហារ នោះទេ​ព្រោះ​លោក អ៊ុន ចាន់​ដា នៅតែ​បណ្ដោយ​ឲ្យ​ក្រុមហ៊ុនក្លូ​អូ​វីន របស់​ឈ្មួញ សេន ឡាំ បំផ្លាញ​ព្រៃឈើ​ក្នុង​ឃុំ​គូលែន​ខាងជើង ស្រុក​គូលែន​។​

​ប្រភព​ពី​ប្រជាពលរដ្ឋ​ក្នុង​ឃុំ​គូលែន​ខាងជើង បានឲ្យដឹងថា ឈ្មោះ សេន ឡាំ ដែល​ជា​ម្ចាស់​ក្រុមហ៊ុនក្លូ​អូ​វីន មាន​អាយុប្រមាណ​៥០​ឆ្នាំ ធ្វើ​សកម្មភាព​បំផ្លាញ​ព្រៃឈើ​ក្នុង​ឃុំ​គូលែន​ខាងជើង ស្រុក​គូលែន ច្រើន​ឆ្នាំ​មក​ហើយ​ព្រោះ​មាន​ការឃុបឃិត​ពី​មន្ត្រី​ជំនាញ​និង​សមត្ថកិច្ច​ពុករលួយ​។ ជាក់ស្ដែង​កន្លងមក​ក្រុមហ៊ុនក្លូ​អូ​វីន របស់​ឈ្មួញ សេន ឡាំ អាច​ដឹក​ជញ្ជូន​ឈើមូល​ធំៗ​ចូល​ទៅ​អារច្រៀក​ក្នុង​ទីតាំង​ក្រុមហ៊ុន​របស់​ខ្លួន​យ៉ាង​សុខ​ស្រួល​ដោយ​គ្មាន​ញញើត​អ្វី​ទាំងអស់​។ មន្ត្រី​អង្គការ​ក្រៅ​រដ្ឋាភិបាល និង​ប្រជាពលរដ្ឋ​ក្នុង​ខេត្ត​ព្រះវិហារ បាន​អំពាវនាវ​ឲ្យ​ថ្នាក់ដឹកនាំ​ក្រសួង​កសិកម្ម ថ្នាក់ដឹកនាំ​ក្រសួង​មហាផ្ទៃ ពិនិត្យ​ឡើង​វិញ​ចំពោះ​បញ្ហា​ខាងលើ​នេះ ព្រោះ​ក្រុមហ៊ុនក្លូ​អូ​វីន របស់​ឈ្មួញ សេន ឡាំ កំពុង​បំផ្លាញ​ព្រៃឈើ​នៅ​ខេត្ត​ព្រះវិហារ លោក អ៊ុន ចាន់​ដា អភិបាល​ខេត្ត​ព្រះវិហារ ព្រមទាំង​មន្ត្រី​ជំនាញ​និង​សមត្ថកិច្ច​ពាក់ព័ន្ធ​បែរ​ជា​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់​។​

Filed in: សូមរាយការណ៍

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com