ទាន់ហេតុការណ៍
ឯកឧត្តម នូវ ប៉េងច័ន្ទតារា អញ្ជើញចូលរួមកិច្ចប្រជុំផ្សព្វផ្សាយសារាចរណែនាំលេខ ០១៥ របស់ក្រសួងសេដ្ឋកិច្ច និងហិរញ្ញវត្ថុ ស្តីពីការអនុវត្តច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២១ របស់រដ្ឋបាលថ្នាក់ក្រោមជាតិ => ឯកឧត្តម ឈិន កេតនា និង ឯកឧត្តម គង់ សោភ័ណ្ឌ អញ្ជើញដឹកនាំកិច្ចប្រជុំត្រួតពិនិត្យស្ដីពីកិច្ចការត្រៀមសម្រាប់ពិធីបុណ្យមាឃបូជា នៅភ្នំព្រះរាជទ្រព្យ => ឯកឧត្ដម នុត ពុធដារ៉ា អញ្ជើញបើកកិច្ចប្រជុំស្ដីពី ការត្រៀមរៀបចំទិវាអន្តរជាតិរំលឹកដល់ជនរងគ្រោះដោយគ្រោះថ្នាក់ចរាចរណ៍លើកទី១៥ => ឯកឧត្តម សោម ពិសិដ្ឋ អញ្ជើញជាអធិបតីក្នុងពិធីប្រគល់វិញ្ញាបនបត្របញ្ជាក់ការសិក្សាថ្នាក់ជាន់ខ្ពស់បច្ចេកទេសជូនដល់និស្សិតសាលាដុនបូស្កូខេត្តកែប => សម្ដេចព្រះឧត្តមមុនី ជា សំអាង និង ឯកឧត្តម គង់ សោភ័ណ្ឌ អញ្ជើញនិមន្តជាព្រះធិបតី និងអធិបតីភាព ក្នុងពិធីបើកឲ្យប្រើប្រាស់ឡើងវិញនូវមហាកុដិ វត្តទួលព្រះរាជា => ឧត្តមសេនីយ៍ឯក យឹម លាង និង ឯកឧត្ដម នៃ ចារី អញ្ជើញដឹកនាំកិច្ចប្រជុំផែនការការពារសន្តិសុខសណ្តាប់ធ្នាប់ ពិធីបុណ្យមាឃបូជា នៅបរិវេណ ព្រះមហាសត្យមុនីចេតិយ => ឯកឧត្ដម គីម រិទ្ធី អភិបាលរងខេត្តកណ្តាល បានអញ្ជើញដឹកនាំកិច្ចប្រជុំ ការប្រកួតកីឡាទូកប្រពៃណីខ្នាតអន្តរជាតិ " ទូកនាគ " ទូកកានូ -កាយ៉ាក់ ជ្រើសរើសជើងឯកថ្នាក់ជាតិ " ពានរង្វាន់ សម្ដេចក្រឡាហោម ស ខេង " លើកទី៧ => ឯកឧត្តម ជ្រុន ថេរ៉ាវ៉ាត អញ្ជើញជាអធិបតី ក្នុងពិធីសំណេះសំណាល និងប្រកាសទទួល ស្គាល់ក្រុមជំនួយការផ្នែកស្ថាប័ន-ក្រសួងនៃយុវជនគណបក្សថ្នាក់កណ្តាល => សារគន្លឹះរបស់ឯកឧត្តម ហ៊ុន ម៉ាណែត ថ្លែងអំពីការប្តេជ្ញាចិត្តខ្ពស់ក្នុងការការពារជាតិ គោរពច្បាប់ ស្របតាមស្មារតីនៃរដ្ឋធម្មនុញ្ញ បាននាំមកនូវការអភិវឌ្ឍគួរជាទីមោទនៈ => ឯកឧត្តម គង់ សោភ័ណ្ឌ អភិបាលខេត្តកណ្តាល និងឯកឧត្តម នូ សាខន សមាជិកក្រុមប្រឹក្សាខេត្ត ចូលរួមពិធីបុណ្យខួបគម្រប់ ១០០ថ្ងៃ ឧទ្ទិសកុសលជូនឧបាសិកា ឌិន ឯម
0

សម្តេចក្រឡាហោម ស ខេស ស្នើដល់ប្រទេសក្នុងតំបន់ និងសមាជិកនៅក្នុងអនុតំបន់ទន្លេមេគង្គ បន្តកិច្ចសហប្រតិបត្តិការគាំទ្រគ្នាទៅវិញទៅមកក្នុងការងារប្រយុទ្ធប្រឆាំងឧក្រិដ្ឋកម្មឆ្លងដែន និងគ្រឿងញៀនខុសច្បាប់

រាជធានីភ្នំពេញ ៖ តាមរយៈកិច្ចប្រជុំថ្នាក់រដ្ឋមន្រ្តីអាស៊ាន ស្តីពីការប្រឆាំងឧក្រិដ្ឋកម្មឆ្លងដែនលើកទី១៤ តាមប្រព័ន្ធសន្និសីទវីដេអូ នាព្រឹកថ្ងៃទី២៦ ខែវិច្ឆិកា ឆ្នាំ២០២០នេះ សម្ដេចក្រឡាហោម ស ខេង បានលើកឡើងពីសកម្មភាព និងលទ្ធផល ដែលកម្ពុជាសម្រេចបានក្នុងបរិបទនៃឧក្រិដ្ឋកម្មឆ្លងដែន ដែលក្នុងនោះរួមមាន បញ្ហាគ្រឿងញៀន ដោយកម្ពុជាមើលឃើញនូវគ្រោះថ្នាក់ និងមហន្តរាយសង្គមធ្ងន់ធ្ងរដែលបង្កឡើងដោយបញ្ហាគ្រឿងញៀននេះ រាជរដ្ឋាភិបាលកម្ពុជា បានដាក់ចេញនូវយន្តការជាក់លាក់ ទាំងនៅថ្នាក់ជាតិ និងថ្នាក់ក្រោមជាតិ តាមរយៈការអនុវត្តយុទ្ធនាការប្រយុទ្ធប្រឆាំងគ្រឿងញៀនខុសច្បាប់រៀងរាល់៦ខែម្តង ដោយចាប់តាំងពីបានបង្កើតឡើងនៅក្នុងឆ្នាំ២០១៧ យុទ្ធនាការនេះត្រូវបានចាត់តាំងអនុវត្តចំនួន ៥លើក ដោយបានរឹបអូសគ្រឿងញៀន គ្រប់ប្រភេទជាច្រើនតោន និងបានបញ្ជូនជនល្មើសទៅផ្តន្ទាទោសជាច្រើនរយនាក់។

ជាមួយគ្នានោះសម្តេចបានស្នើដល់ប្រទេសក្នុងតំបន់ ជាពិសេស រដ្ឋសមាជិកនៅក្នុងអនុតំបន់ទន្លេមេគង្គ សូមបន្តកិច្ចសហប្រតិបត្តិការគាំទ្រគ្នាទៅវិញទៅមកក្នុងការងារប្រយុទ្ធប្រឆាំងគ្រឿងញៀនខុសច្បាប់ឲ្យកាន់តែសកម្មថែមទៀត ដើម្បីភាពសុខដុមរមនារបស់ប្រជាជន។

សម្តេចក្រឡាហោម បានលើកឡើងផងដែរថា កម្ពុជាក៏សម្រេចបានសមិទ្ធផលលិខិតុបករណ៍ច្បាប់សំខាន់ៗមួយចំនួន រួមមាន ច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ និងច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ។ ច្បាប់ទាំងនេះនឹងជួយឱ្យកម្ពុជាមានមូលដ្ឋានគតិយុត្តរឹងមាំទទួលស្គាល់ពីអន្តរជាតិ ក្នុងការជួយពង្រឹងប្រព័ន្ធហិរញ្ញវត្ថុ និងធនាគារឱ្យមានស្ថិរភាព ចូលរួមចំណែកគាំទ្រកំណើនសេដ្ឋកិច្ច ព្រមទាំងរក្សាកេរ្តិ៍ឈ្មោះកម្ពុជាលើឆាកអន្តរជាតិ និងបញ្ជាក់កាន់តែច្បាស់ពីឆន្ទៈរបស់កម្ពុជា ក្នុងការចូលរួមជាមួយប្រទេសនានាទាំងក្នុងតំបន់ និងសកលលោក លើការងារប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ ការសម្អាតប្រាក់ និងហិរញ្ញប្បទានភេរវកម្ម ស្របតាមការវិវឌ្ឍន៍នៃស្ថានភាពសង្គម និងការកំណត់របស់សហគមន៍អន្តរជាតិ ដើម្បីបំផ្លាញប្រភពធនធានហិរញ្ញវត្ថុដែលជាបង្អែកគាំទ្រឱ្យសកម្មភាពប្រព្រឹត្តបទល្មើសរបស់ឧក្រិដ្ឋជន ដែលបច្ចុប្បន្ននេះយើងកំពុងបន្តរៀបចំលិខិតបទដ្ឋានក្រោមច្បាប់ពាក់ព័ន្ធ ដើម្បីគាំទ្រដល់ការអនុវត្តន៍ពេញលេញ និងប្រកបដោយប្រសិទ្ធភាព។

សម្តេចក្រឡាហោម បានមានប្រសាសន៍ដែរថា កម្ពុជាក៏កំពុងដំណើរការរៀបចំច្បាប់ប្រឆាំងបទល្មើសបច្ចេកវិទ្យាព័ត៌មាន ដែលត្រូវបានតាក់តែងឡើងដោយឈរលើមូលដ្ឋាននៃអនុសញ្ញាអន្តរជាតិប៊ុយដាប៉េស ស្តីពីឧក្រិដ្ឋកម្មអ៊ិនធឺណិត ឆ្នាំ២០០១ និងក៏មានការចូលរួមផ្តល់ធាតុចូលពីសំណាក់ក្រុមហ៊ុនបច្ចេកវិទ្យាធំៗល្បីៗមួយចំនួន ដូចជាក្រុមហ៊ុន Facebook, Google, Amazon ជាដើម ។ កម្ពុជានឹងជំរុញឱ្យសេចក្តីព្រាងច្បាប់ប្រឆាំងបទល្មើសបច្ចេកវិទ្យាព័ត៌មាននេះបានអនុម័ត និងដាក់ឱ្យប្រើប្រាស់បានឆាប់ ដើម្បីធានាដល់សន្តិសុខ និងសុវត្ថិភាពនៃលំហអ៊ីនធឺណិត បញ្ចៀសបានហានិភ័យនានាពីការវាយប្រហារភេរវកម្មបច្ចេកវិទ្យា ព្រមទាំងដើម្បីការពារក៏ដូចជាជំរុញការធ្វើពាណិជ្ជកម្ម និងឧស្សាហកម្ម តាមប្រព័ន្ធអេឡិចត្រូនិក ប្រកបដោយសុវត្ថិភាព និងរួមចំណែកធានាដល់ដំណើរការរៀបចំរដ្ឋាភិបាលឌីជីថលរបស់កម្ពុជាប្រកបដោយប្រសិទ្ធភាព​៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com