ខេត្តតាកែវ ៖ ដោយមានការយកចិត្តទុកដាក់ខ្ពស់ចំពោះការបង្ក្រាបបទល្មើសជួញដូរគ្រឿងញៀននៅតាមមូលដ្ឋានពីសំណាក់ឯកឧត្ត ឧត្តមសេនី យ៍ ទោ សុខ សំណាង ស្នងការនគរបាលខេត្តតាកែវ នៅថ្ងៃព្រហស្បត្តិ៍៤រោជ ខែអស្សុជឆ្នាំកុរ ឯកស័ក ពស២៥៦៣ ត្រូវនឹងថ្ងៃទី១៧ ខែតុលា ឆ្នាំ ២០១៩ ។
នៅវេលាម៉ោង៩ និង០០នាទី កម្លាំងអធិការដ្ឋាននគរបាលស្រុកត្រាំកក់ សហការជាមួយកម្លាំងប៉ុស្តិ៍នគរបាលរដ្ឋអង្គតាសោម ដឹកនាំបញ្ជាដោយលោក វរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានស្រាវជ្រាវបង្ក្រាបមុខសញ្ញាជួញដូរគ្រឿងញៀនមួយនាក់(មុខសញ្ញាជួញដូរសកម្ម)នៅចំណុច កុងសុីកាប់ជ្រូកស្ថិតនៅភូមិត្រពាំងខ្លូត ឃុំអង្គតាសោម ស្រុកត្រាំកក់ ។ជនសង្ស័យមានឈ្មោះ ង៉ែត វណ្ណារ៉ា ភេទប្រុសអាយុ៣៧ឆ្នាំ បច្ចុប្បន្នរស់នៅភូមិអង្គតាសោម ឃុំអង្គតាសោម ស្រុកត្រាំកក់ ។ក្រោយឃាត់ខ្លួន កម្លាំងជំនាញដកហូតបានម៉្សៅក្រាមពណ៌ ស ថ្លាចំនួន៣កញ្ចប់តូច ។
បច្ចុប្បន្នជនសង្ស័យកម្លាំងកំពុងសាកសួរដើម្បីកសាងសំណុំរឿងតាមនិតិវិធីច្បាប់ និងបន្តស្រាវជ្រាវរកបក្សពួកជនល្មើសដើម្បីផ្តន្ទាទោសតាមច្បាប់ ។
