ទាន់ហេតុការណ៍
គ្រួសារ7NG ឧបត្ថម្ភម៉ាស់ចំនួន ៣០០កេសធំ ស្មើនឹង ៥០ម៉ឺនម៉ាស់ ជូនដល់រដ្ឋបាលខេត្តកណ្ដាល សម្រាប់ការពារជំងឺកូវីដ-១៩ => ឯកឧត្តម ភុន សារពេជ្រ ដឹកនាំក្រុមការងារយុវជនគណបក្សប្រជាជនកម្ពុជាខេត្តកំពត ចុះជួបជាងដែលកំពុងបង្ហោះរូបនាគលើបង្កាន់ដៃស្ពានបេតុង និង សំអាតស្ពានដែលដីនិងកំទេចថ្មធ្លាក់លើក្រាំងជាប់ស្អិត => ពិធីបុណ្យទក្ខិណានុប្បទាន និងឧទ្ទិសកុសល ជូនដល់ដួងវិញ្ញាណក្ខន្ធកម្មាភិបាល យុទ្ធជន ដែលបានពលីជីវិតចំនួន៤៤៧សព ក្នុងសម័យសង្គ្រាមចាប់ពីឆ្នាំ១៩៧៩ ដល់ចុងឆ្នាំ១៩៩៨ => រដ្ឋបាលខេត្តកណ្ដាលទទួលថវិកាពីសប្បុរសជន សម្រាប់ទិញវ៉ាក់សាំងការពារជំងឺកូវីដ-១៩ ជាមួយរាជរដ្ឋាភិបាលកម្ពុជា => រដ្ឋបាលខេត្តកណ្ដាលទទួលទឹកថ្នាំសម្លាប់មេរោគពីសមាគមន៍អភិវឌ្ឍន៍ពាណិជ្ជកម្ម ជាំងស៊ី ប្រចាំនៅកម្ពុជា សម្រាប់ការពារជំងឺកូវីដ-១៩ នៅខេត្តកណ្ដាល => ក្នុងកាលៈទេសៈនៃការរីករាលដាលក្នុងសហគមន៏នៃជម្ងឺកូវីដ-១៩ នាពេលនេះ សូមបងប្អូនចូលរួមអនុវត្តនូវវិធានសុខាភិបាលក្នុងការទប់ស្កាត់ការឆ្លងនៃជំងឺកូវីដ-១៩ ដើម្បីការពារខ្លួនយើង គ្រួសារយើង និងសង្គមជាតិយើង => ឯកឧត្តមបណ្ឌិត ម៉ៅ ភិរុណ ដឹកនាំសមាជិកក្រុមប្រឹក្សាខេត្ត ប្រធាន អនុប្រធាន មន្ទីរអង្គភាពជុំវិញខេត្ត អញ្ជើញគោរពវិញ្ញាណក្ខ័ន្ធ ឧបាសិកា មាស ចន្ថា ដែលត្រូវជាម្តាយឯកឧត្តម អំ សំអូន សមាជិកក្រុមប្រឹក្សាខេត្ត => លោក ជិន ប៊ុនធឿន អញ្ជើញជួបសំណេះសំណាល និងសាកសួរសុខទុក្ខបងប្អូនប្រជាពលរដ្ឋក្នុងមូលដ្ឋាន ភូមិជ្រោយអំពិល ក្នុងសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ => ឯកឧត្តម ហេង ណន ចូលរួមកិច្ចប្រជុំផ្សព្វផ្សាយ “របាយការណ៍ស្តីពីសភាពការណ៍ទូទៅ និងការងារគណបក្សឆ្នាំ២០២០ និងទិសដៅភារកិច្ចឆ្នាំ២០២១ របស់គណៈកម្មាធិការកណ្តាលគណបក្សប្រជាជនកម្ពុជា” => ឯកឧត្តម គង់ សោភ័ណ្ឌ អភិបាលខេត្តកណ្តាល បានដឹកនាំក្រុមការងារចុះពិនិត្យ និងបញ្ជូនបុគ្គលិកបម្រើការងារនៅភោជនីយដ្ឋានឡូហ្សិក២ ចំនួន៧៥នាក់ ដើម្បីដាក់ឱ្យធ្វើចត្តាឡីស័កនៅមណ្ឌលចត្តាឡីស័ក ស្ថិតក្នុងសាលាបឋមសិក្សាព្រែកតាពៅ
0

ឯកឧត្តម គង់ សោភ័ណ្ឌ អភិបាលខេត្តកណ្តាល អញ្ជើញជាអធិបតីភាព ក្នុងវគ្គផ្សព្វផ្សាយខ្លឹមសារ នៃច្បាប់ស្តីពីកិច្ចការពារអ្នកប្រើប្រាស់ និងបទប្បញ្ញាត្តិពាក់ព័ន្ធនឹងការធ្វើអាជីវកម្មប្រេងឥន្ធនៈ

ខេត្តកណ្តាល៖ នាព្រឹកថ្ងៃទី១៧ ខែកុម្ភៈ ឆ្នាំ២០២១នេះ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល អញ្ជើញជាអធិបតីភាព ក្នុងវគ្គផ្សព្វផ្សាយខ្លឹមសារ នៃច្បាប់ស្តីពីកិច្ចការពារអ្នកប្រើប្រាស់ និងបទប្បញ្ញាត្តិពាក់ព័ន្ធនឹងការធ្វើអាជីវកម្មប្រេងឥន្ធនៈ នៅសាលាខេត្តកណ្ដាល។ ដោយមានការចូលរួមពី លោក ឃួន សាវុធ អគ្គនាយករង នៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប) នៃក្រសួងពាណិជ្ជកម្ម មន្ត្រីពាក់ព័ន្ធ អាជ្ញាធរ ក្រុង-ស្រុក និងម្ចាស់អាជីវកម្មប្រេងឥន្ធនៈជាង ២០០នាក់ទៀត។
ក្នុងវគ្គផ្សព្វផ្សាយខ្លឹមសារ នៃច្បាប់ស្តីពីកិច្ចការពារអ្នកប្រើប្រាស់ និងបទប្បញ្ញាត្តិពាក់ព័ន្ធនឹងការធ្វើអាជីវកម្មប្រេងឥន្ធនៈឯកឧត្តម គង់ សោភ័ណ្ឌ បានបញ្ជាក់ថា ខ្លឹមសារនៃច្បាប់ស្តីពីកិច្ចការពារអ្នកប្រើប្រាស់ និងបទប្បញ្ញាត្តិពាក់ព័ន្ធ នឹងការធ្វើអាជីវកម្មប្រេងឥន្ធនៈ គឺជាប្រធានបទដែលមានសារៈសំខាន់មួយ ក្នុងការជម្រុញនិង ធានាឱ្យមានការប្រកួតប្រជែងអាជីវកម្មប្រកបដោយសមធម៌ ស្របពេលដែលវិស័យផ្គត់ផ្គង់ប្រេងឥន្ធនៈនៅក្នុងប្រទេសកម្ពុជា បានដើរតួនាទីជាចម្បងក្នុងការគាំទ្រដល់ការអភិវឌ្ឍសេដ្នកិច្ចជាតិ រាប់ចាប់ពីវិស័យកសិកម្ម កម្មន្តសាល ពាណិជ្ជកម្ម និងបរិស្ថាន ហើយប្រាកដណាស់ថាវិស័យប្រេងឥន្ធនៈមានឥទ្ធិពល ដល់ជីវភាព និងសុខមាលភាពរស់នៅរបស់ប្រជាពលរដ្ឋទូទៅ។
ឯកឧត្តមអភិបាលខេត្ត បានលើកទឹកចិត្ត និងផ្តាំផ្ញើដល់ម្ចាស់អាជីវកម្មទាំងអស់ ត្រូវយកចិត្តទុកដាក់ស្តាប់នូវខ្លឹមសារសំខាន់ៗ ដែលវាគ្មិនបានធ្វើបទបង្ហាញជូន ហើយត្រូវគោរពនិងអនុវត្តតាមច្បាប់ និងបទប្បញ្ញត្តិនានា ដែលបានផ្សព្វផ្សាយក្នុងវគ្គនេះឱ្យមានប្រសិទ្ធភាពខ្ពស់ ដើម្បីជាផលប្រយោជន៍ សង្គមជាតិយើងទាំងអស់គ្នា។ ឯកឧត្តមអភិបាលខេត្តក៏បានស្នើឲ្យស្ថាប័ន មានសមត្ថកិច្ចពាក់ព័ន្ធ ពិសេសអង្គភាព នៃសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំខេត្ត ត្រូវបន្តខិតខំពង្រឹងការងាររបស់ខ្លួន ដើម្បីទប់ស្កាត់ និងបង្ក្រាបឱ្យបានទាន់ពេលវេលា កុំឲ្យមានទំនិញមិនប្រក្រតី គ្មានគុណភាព មានការដាក់លក់លើទីផ្សាររបស់យើងជាខាច់ខាត។
លោក ឃួន សាវុធ អគ្គនាយករង នៃអគ្គនាយកដ្ឋាន (ក.ប.ប) នៃក្រសួងពាណិជ្ជកម្ម បានលើកឡើងថា វគ្គផ្សព្វផ្សាយលើការយល់ដឹងអំពីការផ្គត់ផ្គង់ប្រេងឥន្ធនៈថ្ងៃនេះ មានគោលបំណងបង្កើនសមត្ថភាពយល់ដឹង ដល់ភាគីពាក់ព័ន្ធឲ្យបានស៊ីជម្រៅពីការអនុវត្តច្បាប់ ដែលពាក់ព័ន្ធ ដើម្បីដំណើរការអាជីវកម្ម ចែកចាយប្រេងឥន្ធនៈនៅកម្ពុជា ឲ្យមានលក្ខណៈសមស្រប និងអនុលោមតាមលិខិតបទដ្ឋានគតិយុត្តនានារបស់កម្ពុជា។
លោកបានបន្តថា វគ្គនេះគឺជាឱកាសមួយដ៏សំខាន់ ក្នុងការផ្លាស់ប្តូរមតិយោបល់ និងចំណេះដឹង បទពិសោធន៍គ្នាទៅវិញទៅមក ដើម្បីឲ្យភាគីពាក់ព័ន្ធអាចធ្វើការកែលម្អទាំងផ្នែកគ្រប់គ្រងស្ថានីយប្រេងឥន្ធនៈ ក៏ដូចជាការធ្វើអាជីវកម្ម ក្នុងការដាក់លក់ផលិតផល និងប្រេងឥន្ធនៈឲ្យកាន់តែមានភាពសុក្រឹត្យ និងជំរុញការប្រកួតប្រជែងស្មោះត្រង់ រវាងបណ្ដាអាជីវករ ដែលកំពុងធ្វើអាជីវកម្ម ដើម្បីរួមចំណែកកាត់បន្ថយភាពក្រីក្រ និងអភិវឌ្ឍន៍សេដ្ឋកិច្ចនៅកម្ពុជា៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com