ទាន់ហេតុការណ៍
រដ្ឋមន្ត្រីក្រសួងយុត្តិធម៌ ប្រកាសផ្ទេរ និងចូលកាន់មុខតំណែងប្រធានសាលាដំបូងខេត្តត្បូងឃ្មុំ ឯកឧត្តម ជា វណ្ណៈ ជំនួសឯកឧត្តម ជុំ ស ផ្លាស់ទៅខេត្តបាត់ដំបងវិញ => មហាជសូមសំណូមពរដល់ លោកឈឿន សុចិត្ត និងលោកគង់ សោភ័ណ្ឌ មេត្តាជួយទប់ស្កាត់និងបង្ក្រាបបនល្បែងជល់មាន់អនឡាញនៅក្នុងស្រុកល្វាឯមផងទាន។ => ឯកឧត្តម ជា សុផារ៉ា បើកយុទ្ធនាការឃោសនារកសំឡេងឆ្នោតទ្រង់ទ្រាយធំ ក្នុងខេត្តត្បូងឃ្មុំ ដឹកនាំសមាជិកសមាជិកាគណបក្សប្រជាជនកម្ពុជាប្រមាណ២មុឺននាក់ នៅក្រុង-ស្រុកចំនួន០៤ => គម្រោងមូលនីធិអភិវឌ្ឍន៍ឃុំ/សង្កាត់ លើការស្ថាបនាផ្លូវ ចំនួន ៤ គម្រោង ត្រូវបានដំណើរការដាក់ដេញថ្លៃជាសាធារណៈ មានចំនួន៤ឃុំដូនតី ឃុំវាលម្លូរ ឃុំកណ្តោលជ្រុំ និង ឃុំកក់ ស្រុកពញាក្រែក ខេត្តត្បូងឃ្មុំ => ឯកឧត្តមបណ្ឌិត ហ៊ុន ម៉ាណែត សម្ពោធដាក់ឱ្យប្រើប្រាស់អគារធនធាន ១ខ្នង និងសមិទ្ធផលនានា ក្នុងវិទ្យាល័យ ប៊ុន រ៉ានី ហ៊ុនសែន អម្ពរវ័នជំនីក ក្នុងស្រុកក្រូចឆ្មារ ខេត្តត្បូងឃ្មុំ => ឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ អញ្ចើញសំណេះសំណាលសួរសុខទុក្ខជាមួយកងកម្លាំងនគរបាល នៅវរសេនាតូចនគរបាលការពារព្រំដែនគោកលេខ៦១៧ និង៦១៥ => មុខសញ្ញាសង្ស័យប្រើប្រាស់ និងចែកចាយគ្រឿងញៀន ចំនួន២នាក់ត្រូវបានសមត្ថកិច្ចចាប់ឃាត់ខ្លួន នៅចំណុចចំការស្វាយចន្ទីខាងក្រោយភូមិជ័យសុខសាន្ត ឃុំត្រពាំងព្រីង ស្រុកតំបែរ => ខេត្តត្បូងឃ្មុំ ប្រារពពិធីរំលឹកលឹកខួបអនុស្សាវរីយ៍លើកទី ១៣៦ ទិវាពលកម្មអន្តរជាតិ ១ ឧសភា ឆ្នាំ២០២២ ក្រោមប្រធានបទ "សន្តិភាព សុខភាព និងសន្តិសុខការងារ" => ការប្រព្រឹត្តិអំពើពុករលួយដោយបើកចំហរ ក្រោមរួបភាពលុយទឹកតែ កំពុងបំផ្លាញផលប្រយោជន៍ប្រជាពលរដ្ឋ និងការខិតខំរបស់រាជរដ្ឋាភិបាល យ៉ាងពេញបន្ទុកនៅខេត្តកំពង់ចាម => ក្រុងសួងកំពុងប្រែមុខមាត់ថ្មីបន្ទាប់ពីមានការកសាងនូវហេដ្ឋារចនាសម័ន្ធផ្សេងៗជាច្រើន ពិសេសផ្លូវថ្នល់ដោយប្រែក្លាយពីផ្លូវដី ទៅជាផ្លូវបេតុង និងផ្លូវកៅស៊ូ
0

រដ្ឋបាលខេត្តត្បូងឃ្មុំ ប្រារព្ធពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១និងលើកទិសដៅឆ្នាំ២០២២ ក្រោមអធិបតីភាព ឯកឧត្តម ជា សុផារ៉ាឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ

ត្បូងឃ្មុំ)នាព្រឹកថ្ងែទី០២ខែមីនាឆ្នាំ២០២២ឯកឧត្តមជាសុផារ៉ាឧបនាយករដ្ឋមន្ត្រីរដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំបានអញ្ជើញជាអធិបតីភាពក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១និងលើកទិសដៅការងារឆ្នាំ២០២២របស់រដ្ឋបាលខេត្តត្បូងឃ្មុំនាព្រឹកថ្ងៃទី០២ខែមីនាឆ្នាំ២០២២នៅសាលប្រជុំសាលាខេត្តត្បូងឃ្មុំ។

ក្នុងសុន្ទរកថាបិទសន្និបាតនាឱកាសនោះឯកឧត្តមឧបនាយករដ្ឋមន្ត្រីជាសុផារ៉ាបានថ្លែងថាផ្អែកលើបញ្ហាប្រឈមជាសកលនិងផ្អែកតាមទិសដៅការងារឆ្នាំ២០២២ដែលបានឯកភាពគ្នាក្នុងអង្គសន្និបាតនោះលោកបានផ្តល់នូវគោលការណ៍ណែនាំជាគន្លឹះសំខាន់ៗចំនួនប្រាំបួនចំណុចសំខាន់ៗមានដូចជាការពង្រឹងសន្តិភាពស្ថិរភាពនយោបាយនិងសន្តិសុខសណ្តាប់ធ្នាប់សាធារណៈក្នុងនោះអាជ្ញាធរដែនដីនិងកងកម្លាំងមានសមត្ថកិច្ចគ្រប់លំដាប់ថ្នាក់ក្នុងខេត្តត្បូងឃ្មុំត្រូវបន្តចូលរួមថែរក្សាការពារសុខសន្តិភាពស្ថិរភាពនយោបាយឯករាជ្យបូរណភាពទឹកដីអធិបតេយ្យភាពជាតិត្រូវការពារសន្តិសុខជាតិឱ្យបានរឹងមាំសំដៅធានានូវប្រក្រតីភាពនៃស្ថាប័នជាតិការពារព្រះមហាក្សត្រការពាររបបរាជានិយមអាស្រ័យរដ្ឋធម្មនុញ្ញបន្តជំរុញលើកកម្ពស់លិទ្ធប្រជាធិបតេយ្យសេរីពហុបក្សការពារនិងលើកស្ទួយសិទ្ធិសេរីភាពគ្រប់បែបយ៉ាងរបស់ប្រជាពលរដ្ឋនិងការពង្រឹងនិតិរដ្ឋស្របតាមរដ្ឋធម្មនុញ្ញនិងច្បាប់ជាធរមាន។

ជាមួយគ្នានោះត្រូវបង្កើនការគ្រប់គ្រងសភាពការណ៍នៅមូលដ្ឋានដើម្បីបង្ការទប់ស្កាត់រាល់សកម្មភាពនានារបស់ក្រុមប្រឆាំងជ្រុលនិយមដែលប្រឌិតបំផុសបំផុលញុះញង់ប៉ុនប៉ងបង្កឱ្យមានភាពចលាចលវឹកវរក្នុងសង្គម។

បង្កើនការរក្សាសន្តិសុខសណ្តាប់ធ្នាប់សាធារណៈនិងសុវត្ថិភាពសង្គមឱ្យបានល្អប្រសើរគ្រប់មូលដ្ឋានជាពិសេសត្រូវបង្កើនកិច្ចសហការក្នុងចំណោមកងកម្លាំងមានសមត្ថកិច្ចអាជ្ញាធរនិងបំផុសឱ្យមានការចូលរួមពីប្រជាពលរដ្ឋក្នុងការអនុវត្តគោលនយោបាយភូមិឃុំសង្កាត់មានសុវត្ថិភាពដើម្បីបង្ការទប់ស្កាត់បង្ក្រាបសកម្មភាពលួចឆក់ប្លន់ល្បែងស៊ីសងខុសច្បាប់ក្រមក្មេងទំនើងគ្រប់មូលដ្ឋានទូទាំងខេត្ត។

រួមគ្នាបង្ការទប់ស្កាត់និងបង្ក្រាបការជួញដូរការប្រើប្រាស់គ្រឿងញៀនខុសច្បាប់នៅតាមមូលដ្ឋាននីមួយៗឱ្យបានជាប់ជាប្រចាំនិងមានប្រសិទ្ធភាពខ្ពស់។

ទន្ទឹមនេះឯកឧត្តមឧបនាយករដ្ឋមន្ត្រីជាសុផារ៉ាបានគូសបញ្ជាក់ថាប្រទេសកម្ពុជានឹងមានព្រឹត្តិការណ៍ធំៗចំនួន២គឺការទទួលតួនាទីជាប្រធានប្តូរវេនរបស់អាស៊ាននិងការរៀបចំដំណើរបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នាថ្ងៃទី៥ខែមិថុនាឆ្នាំ២០២២ខាងមុខ។ហេតុនេះអាជ្ញាធរនិងកងកម្លាំងមានសមត្ថកិច្ចគ្រប់លំដាប់ថ្នាក់ត្រូវលើកកម្ពស់ការរក្សាសន្តិសុខសណ្តាប់ធ្នាប់សាធារណៈដើម្បីចូលរួមបន្តបរិយាយកាសល្អប្រសើរជាទូទៅដល់ការរៀបចំកិច្ចប្រជុំនិងការរៀបចំព្រឹត្តិការណ៍នានាក្នុងពេលដែលកម្ពុជាទទួលធ្វើជាប្រធានប្តូរវេនរបស់អាស៊ាន។មួយវិញទៀតត្រូវផ្តល់នូវការគាំទ្រនិងសហការជាមួយ..ចាត់ចែងអនុវត្តកិច្ចការនានាស្របតាមច្បាប់តម្រូវដើម្បីធានាឱ្យការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ឆ្នាំ២០២២ប្រព្រឹត្តទៅប្រកបដោយសុវត្ថិភាពមានលក្ខណៈសេរីត្រឹមត្រូវនិងយុត្តិធម៌។

ក្នុងឱកាសនោះដែរឯកឧត្តមបណ្ឌិតជាមច័ន្ទសោភ័ណអភិបាលខេត្តត្បូងឃ្មុំបានថ្លែងសុន្ទរកថាក្នុងឱកាសបិទសន្និបាតនោះថាជាការឆ្លើយតបទៅនឹងប្រធានបទដែលបានពិភាក្សារួចមកអង្គសន្និបាតបានលើកឡើងនូវសំណូមពរនិងកំណត់ទិសដៅអនុវត្តបន្តសម្រាប់ឆ្នាំ២០២២ដោយផ្តោតលើបញ្ហាសំខាន់ៗចំនួន២១ចំណុចក្នុងនោះត្រូវបន្តខិតខំរួមគ្នាថែរក្សាការពារសនិ្តសុខសណ្តាប់ធ្នាប់សារណៈស្ថិរភាពនយោបាយសុវត្ថិភាពសង្គមនិងពង្រឹងការអនុវត្តគោលយោបាយភូមិឃុំសង្កាត់មានសុវត្ថិភាពដើម្បីធានាបាននូវសុខុដុមរមនាជូនប្រជាពលរដ្ឋរស់នៅក្នុងមូលដ្ឋានមានភាពកក់ក្តៅនិងផ្តល់ទំនុកចិត្តដល់ភ្ញៀវជាតិអន្តរជាតិវិនិយោគិនធុរជនដៃគូអភិវឌ្ឍន៍សំដៅលើកកម្ពស់វឌ្ឍនភាពខេត្តលើគ្រប់វិស័យ។ផ្តល់កិច្ចគាំទ្រនិងសហការជាមួយ..ក្នុងការអនុវត្តកិច្ចការនានាស្របតាមច្បាប់តម្រូវរួមនឹងធានារក្សាសន្តិសុខសណ្តាប់ធ្នាប់និងសុវត្ថិភាពក្នុងដំណើរការបោះឆ្នោតជ្រើសរើសក្រុមបឹ្រក្សាឃុំសង្កាត់អាណតិ្តទី៥ដែលនឹងប្រព្រឹត្តនៅនាថ្ងៃទី០៥ខែមិថុនាឆ្នាំ២០២២ខាងមុខនេះឱ្យប្រព្រឹត្តទៅប្រកបដោយសុវត្ថិភាពលក្ខណៈសេរីត្រឹមត្រូវនិងយុត្តិធម៌។

ឯកឧត្ដមបណ្ឌិតអភិបាលខេត្តបានអំពាវនាវបន្តផ្សព្វផ្សាយវិធានការសុខាភិបាលក្នុងការចូលរូមទប់ស្កាត់ការឆ្លងរាលដាលនៃជំងឺកូវីដ១៩ព្រមទាំងជំរុញបងប្អូនប្រជាពលរដ្ឋទៅទទួលការចាក់វ៉ាក់សាំងការពារកូវីដ១៩បានគ្រប់ដូសគ្រប់ៗគ្នា។យកចិត្តទុកដាក់អនុវត្តកម្មវិធីនយោបាយនិងយុទ្ធសាស្រ្តចតុកោណដំណាក់កាលទី៤របស់រាជរដ្ឋាភិបាលកម្ពុជាដើម្បីកំណើនការងារសមធម៌និងប្រសិទ្ធភាពសំដៅលើកកម្ពស់កម្រិតជីវភាពរស់នៅរបស់ប្រជាពលរដ្ឋនិងកាត់បន្ថយភាពក្រីក្រឱ្យបានអត្រាទាបផងដែរ៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com