ត្បូងឃ្មុំ៖ឯកឧត្តមបណ្ឌិតហ៊ុនម៉ាណែតស្នើដល់ប្រជាពលរដ្ឋបន្តគាំទ្រគណបក្សប្រជាជនកម្ពុជានិងសម្ដេចតេជោនាយករដ្ឋមន្ត្រីដើម្បីបន្តការពារសុខសន្តិភាពស្ថេរភាពនយោបាយនិងការអភិវឌ្ឍលើគ្រប់វិស័យនៅក្នុងព្រះរាជាណាចក្រកម្ពុជាបន្តទៀតគណៈសុខសន្តិភាពពិតជាមានតម្លៃមិនអាចកាត់ថ្លៃបានសម្រាប់ប្រទេសជាតិនិងប្រជាពលរដ្ឋយើង។ការអំពាវនាវបែបនេះរបស់ឯកឧត្តមបណ្ឌិតហ៊ុនម៉ាណែតគឺបានធ្វើឡើងក្នុងឱកាសអញ្ជើញជាអធិបតីតំណាងដ៏ខ្ពង់ខ្ពស់សម្ដេចតេជោនិងសម្ដេចគតិព្រឹទ្ធបណ្ឌិតសម្ភោធសមិទ្ធិផលនានានឹងកាត់ឫសសីមាឆ្លងព្រះវិហារនៅវត្តបុព្វកសុវារីហៅវត្តជីទ្រុនស្ថិតនៅភូមិជីទ្រុនឃុំត្រពាំងព្រីងស្រុកតំបែរខេត្តត្បូងឃ្មុំនៅថ្ងៃទី១១ខែមិនាឆ្នាំ២០២២។
ឯកឧត្តមហ៊ុនម៉ាណែតបានលើកឡើងទៀតថាជាការពិតប្រទេសជាតិយើងកំពុងមានសុខសន្តិភាពហើយសុខសន្តិភាពនេះបានដើរតួនាទីយ៉ាងសំខាន់ក្នុងការរស់នៅរបស់ប្រជាពលរដ្ឋនិងការអភិវឌ្ឍហេដ្ឋារចនាសម្ព័ន្ធគ្រប់ប្រភេទក្នុងនោះសុខមាលភាពរបស់បងប្អូនប្រជាពលរដ្ឋត្រូវបានរាជរដ្ឋាភិបាលដែលមានសម្ដេចតេជោហ៊ុនសែនជាប្រមុខបានយកចិត្តទុកដាក់យ៉ាងខ្លាំងពិសេសការទប់ស្កាត់ការឆ្លងរីករាលដាលជំងឺកូវីដ–១៩ដោយសម្ដេចបានជំរុញឲ្យមានការចាក់វ៉ាក់សាំងចាប់កុមារអាយុ៣ឆ្នាំឡើងទៅរហូតធ្វើឲ្យប្រទេសជាតិមានស្ថានភាពល្អប្រសើរឡើងវិញលើគ្រប់វិស័យពិសេសដំណើរការឲ្យប្អូនដែលជាទំពាំងស្នងឬស្សីបានចូលសិក្សារៀនសូត្រជាធម្មតាវិញ ។ដូច្នេះសូមបងប្អូនប្រជាពលរដ្ឋមេត្តាចូលរួមរស់នៅមានអនាម័យខ្ពស់និងអនុវត្តតាមការណែនាំរបស់ក្រសួងសុខាភិបាលពិសេសត្រូវទៅចាក់វ៉ាក់សាំងឲ្យបានគ្រប់គ្នាទាំងដូសដំបូងនិងដូសជំរុញដើម្បីទប់ស្កាត់ការឆ្លងរីករាលដាលជំងឺកូវីដ–១៩ហើយបាននៅក្នុងព្រះរាជាណាចក្រកម្ពុជាយើងព្រោះយើងមិនអាចហាមឃាត់ការឆ្លងរីករាលដាលជំងឺនេះបានឡើយគឺមានតែបងប្អូនប្រជាពលរដ្ឋចូលរួមអនុវត្តតាមការណែនាំរបស់ក្រសួងសុខាភិបាលឲ្យបានគ្រប់គ្នាតែប៉ុណ្ណោះ។
ឯកឧត្តមបណ្ឌិតបន្តទៀតថាបទទោះបីជាប៉ុន្មានឆ្នាំចុងក្រោយនេះប្រទេសកម្ពុជាបានរងផលប៉ះពាល់ដោយសារជំងឺកូវីដ–១៩យ៉ាងណាក្តីតែមិនបានរាំងស្ទះដល់ការអភិវឌ្ឍន៍សេដ្ឋារតន៍ចនាសម្ព័ន្ធផ្សេងនោះទេ។ពោលគឺយើងនៅតែអាចបន្តនិងការអភិវឌ្ឍន៍ហេដ្ឋារចនាសម្ព័ន្ធផ្សេងៗបម្រើដល់ផលប្រយោជន៍បងប្អូនប្រជាពលរដ្ឋជាបន្តបន្ទាប់ទាំងក្នុងអាណាចក្រនិងពុទ្ធចក្រជាក់ស្ដែងនៅថ្ងៃនេះសមិទ្ធិផលជាច្រើននិងព្រះវិហារត្រូវបានកសាងឡើងក្រោមការចូលរួមរបស់បងប្អូនពុទ្ធបរិស័ទទាំងជិតទាំងឆ្ងាយដើម្បីបម្រើឱ្យវិស័យព្រះពុទ្ធសាសនាដែលជាសាសនារបស់រដ្ឋ។
