ត្បូងឃ្មុំ៖ក្រោយពីមានក្រុមហ៊ុនម៉ៅការដេញថ្លៃស្ថាបនាផ្លូវមួយចំនួនបង្ករភាពអនាធិបតេយ្យក្នុងកម្មវិធីដេញថ្លៃមន្រ្តីជំនាញនិងប្រធានគណៈកម្មការលទ្ធកម្មបានរិតបន្តឹងនូវនិតិវិធីដើម្បីឳ្យដំណើរការដេញថ្លៃប្រព្រឹត្តិទៅរលួននិងមានតម្លាភាពជាក់ស្តែងនៅថ្ងៃទី០២ខែមិថុនាឆ្នាំ២០២២ក្នុងកម្មវិធីដេញថ្លៃស្ថាបផ្លូវនៅសាលាឃុំជីរោទី២មានម្ចាស់ចំនួន៣០ក្រុមហ៊ុនដែលបានចុះវត្តមានក្នុងចំណោមក្រុមហ៊ុនទាំង៣០នេះមានក្រុមហ៊ុនចំនួន៤
១.ក្រុមហ៊ុនសេនសុវណ្ណារ៉ាចុះបញ្ជីនៅខេត្តត្បូងឃ្មុំ
២.ក្រុមហ៊ុនជាគឹមសាងចុះបញ្ជីនៅខរត្តកំពង់ឆ្នាំង
៣.ក្រុមហ៊ុនហ៊ាងលន់ចុះបញ្ជីនៅខេត្តព្រៃវែងដែលបុគ្គលឈ្មោះយ៉ានយឿនមកជាតំណាង
៤.ក្រុមហ៊ុនហុងលីហួរចុះបញ្ជីនៅខេត្តកំពង់ចាម)ដែលបានបានគេចវេសមិនព្រមដាក់សំណើដេញថ្លៃទេ
ដូចនេះបើតាមការសន្និដ្ឋានក្រុមហ៊ុនទាំងនោះមិនមានឯកសារគ្រប់គ្រាន់នៅក្នុងស្រោមសំបុត្រទេគឺគាត់មានគោលបំណងមកអង្គុយអុកឡុកនិងទាមទាផលប្រយោជន៍ផ្សេងៗនៅក្នុងពេលកិច្ចលទ្ធកម្ម។
លោកជាប៊ុនពៅមេឃុំជីរោទី២និងជាប្រធានគណៈកម្មការលទ្ធកម្មបានលើកឡើងថាក្រុមហ៊ុនចំនួន៥បានដាក់សំណើរដេញថ្លៃខុសនិតិវិធីហើយលោកមិនអនុញ្ញាតិឳ្យចូលរួមក្នុងឃុំរបស់លោកទៀតនោះទេព្រោះក្រុមហ៊ុនទាំងនោះមានចេតនាបង្ករភាពអនាធិបតេយ្យដល់កម្មវិធីដេញថ្លៃ។លោកបន្តថាក្រោយមានការសម្រេចនេះក្រុមចំនួន៤បានទទួលយកកំហុសតែមានក្រុម១គឺក្រុមហ៊ុនវ៉ាន់សុធីបានបន្តការអុកឡុកច្រងែងច្រងាងគ្មានច្បាប់ទំលាប់មកលើរូបលោករបៀបមនុស្សព្រៃមិនស្គាល់ច្បាប់ទំលាប់មិនសមជាក្រុមហ៊ុនដែលត្រូវអនុញ្ញាតិឳ្យចូលរួមដេញថ្លៃលើកក្រោយទៀតនោះទេ។
ជុំវិញបញ្ហានេះម្ចាស់ក្រុមហ៊ុនម៉ៅការដេញថ្លៃមួយចំនួនបានខ្សឹបប្រាប់ឳ្យដឹងថាម្ចាស់ក្រុមហ៊ុនវ៉ាន់សុធីនិងក្រុមហ៊ុនចំនួន៤ទៀតដែលមានរាយឈ្មោះដូចខាងលើតែងបង្ករភាពអនាធិបតេយ្យក្នុងកម្មវិធីដេញថ្លៃជាច្រើនដងមកហើយដោយនេះមិនមែនជាលើកទី១នោះទេជាក់ស្តែងនៅថ្ងៃទី៣១ខែឧសភាឆ្នាំ២០២២នៅឃុំក្រូចឆ្មារស្រុកក្រូចឆ្មារក៏មានសកម្មភាពស្រដៀងនេះដែរតែមកដល់ពេលនេះមិនទាន់មានមន្ត្រីជំនាញណាចាត់វិធានការចំពោះម្ចាស់ក្រុមហ៊ុនវ៉ាន់សុធីនៅឡើយទេ។
លោកស៊ឺងគីរីវណ្ឌីអនុប្រធានទីចាត់ការផែនការវិនិយោគសាលាខេត្តត្បូងឃ្មុំដែលចូលរួមជាអធិប្បតីក្នុងកម្មវិធីដេញថ្លៃខាងលើបានលើកឡើងថាក្រុមហ៊ុនទាំងអស់ដែលមិនពេញចិត្តចំពោះការសម្រេចរបស់ប្រធានគណៈកម្មការលទ្ធកម្មគឺមានសិទ្ធិតវ៉ាតែមិនមែនមកច្រងែងច្រង៉ាងបង្ករភាពអនាធិតេយ្យបែបនេះទេ។
ប្រជាពលរដ្ឋសង្ឃឹមថាអាជ្ញាធរពាក់ព័ន្ធនិងចាត់វិធានការផ្លូវច្បាប់ចំពោះក្រុមហ៊ុនវ៉ាន់សុធីនិងក្រុមហ៊ុនចំនួន៤ទៀតដើម្បីកុំឳ្យបង្ករភាពអនាធិបតេយ្យបំផ្លាញការខិតខំប្រឹងប្រែងរបស់រាជរដ្ឋាភិបាលក្នុងការបម្រើផលប្រយោជន៍ប្រជាពលរដ្ឋនៅថ្នាក់មូលដ្ឋាននេះ។
