(ត្បូងឃ្មុំ)៖ គម្រោងសាងសង់ផ្លូវបេតុងអាមេ ចំនួន ១ គម្រោង ក្នុង ស្រុកក្រូចឆ្មារ ត្រូវបានដំណើរការដាក់ដេញថ្លៃជាសាធារណៈ នាព្រឹកថ្ងៃទី ១៨ ខែសីហា ឆ្នាំ២០២២នេះ នៅសាលាឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ គម្រោងសាងសង់ផ្លូវបេតុងអាមេ ចំនួន០១ គម្រោង មាន ប្រវែង ២០០ ម ដើម្បីអភិវឌ្ឍន៍ហេដ្ឋារចនាសម្ព័ន្ធនានាក្នុងមូលដ្ឋានភូមិទី១និងភូមិ២ ឃុំស្វាយ ឃ្លាំង ស្រុកក្រូចឆ្មារក្រោមវត្តមាន លោក ស៊ឹម ប៊ុនអៀន អភិបាលរងស្រុកក្រូចឆ្មារ លោក សឺង គិរីវណ្ឌី នាយករងទីចាត់ការផែនការ និងវិនិយោគខេត្តនិង លោក គេង យូហ៊ត មេឃស្វាយឃ្លាំង ដោយមានការចូលរួមពីគណកម្មការឃុំ មន្រ្តីបច្ចេកទេស តំណាងក្រុមហ៊ុនដេញថ្លៃ និងអ្នកពាក់ព័ន្ធ ផងដែរ ។
នាឱកាសនោះ លោក សឺង គិរីណ្ឌី នាយករងទីចាត់ការផែនការ និងវិនិយោគ បានមានប្រសាសន៏សង្កត់ធ្ងន់ថា រាល់ការបើកសំណើរដាក់ដេញថ្លៃ លើគម្រោងមូលនីធិឃុំ/សង្កាត់ ចាំបាច់ត្រូវអនុវត្តន៏គោរពតាមគោលការណ៏អោយបានត្រឹមត្រូវ ទៅតាមនីតិវិធីលទ្ធកម្ម ដែលមានចែងក្នុងសៀវភៅណែនាំស្ដីពីការអនុវត្តន៏គម្រោងមូលនីធិឃុំ/សង្កាត់ជាធរមាន ធានាបានតម្លាភាព យុត្តិធម៌គុណភាព ដែលរដ្ឋបាលមូលដ្ឋានទទួលយកបានទាំងអស់គ្នា។ ជាមួយគ្នាលោកអភិបាលស្រុកក៏បានសំណូមពរដល់អ្នកចូលរួមទាំងអស់ សូមបន្តចូលរួមអនុវត្តអោយបានខ្ជាប់ខ្ជូនតាមវិធានរបស់រាជរដ្ឋាភិបាល ក៏ដូចជាក្រសួងសុខាភិបាល ដើម្បីសហគមកម្ពុជាជៀសផុតពីជំងឺកូវីដ–១៩ បន្ទាប់មានការស្រាកស្រានបានមួយរយៈនាពេលកន្លងមក។
ដោយបន្ទាប់ពីបានដំណើរការបើកឯកសារសម្រាប់ដាក់ដេញថ្លៃ របស់បណ្តាក្រុមហ៊ុនដែលបានចូលរួមដេញថ្លៃរួចមក លោក គេងយូហ៊ត មេឃស្វាយឃ្លាំង ក៏បានមានប្រសាសន៏លើកឡើងថា តាមទិដ្ឋភាពជាក់ស្តែងការដេញថ្លៃ គម្រោងមូលនិធិឃុំ/សង្កាត់ នេះគឺបានប្រព្រឹត្តទៅប្រកបដោយតម្លាភាព និងត្រឹមត្រូវតាមច្បាប់និងលក្ខខណ្ឌនៃការដេញថ្លៃ ខណៈប្រធានគណៈកម្មការលទ្ធកម្ម និងអ្នកចូលរួមទាំងអស់ យល់ព្រមទទួលយកគម្រោង ។
លោកមេឃុំ ក៏បានបន្តថា ក្រោយពីដំណើរការដេញថ្លៃ ត្រូវបានបញ្ចប់ សូមលោក–លោកស្រី ជាក្រុមហ៊ុនទទួលបានសិទ្ធទទួលការទាំងអស់ ត្រូវអនុវត្តន៏អោយបានត្រឹមត្រូវតាមបទដ្ឋានបច្ចេកទេស ដោយធ្វើយ៉ាងណា អនុវត្តគម្រោងសាងសង់ផ្លូវទាំងនេះប្រកបដោយគុណភាព បម្រើផលប្រយោជន៏ជូនប្រជាពលរដ្ឋបានយូអង្វែង ទន្ទឹមគ្នានេះសូមបន្តចូលរួមជាមួយរាជរដ្ឋាភិបាលក៏ដូចជាក្រសួងសុខាភិបាល ដើម្បីសហគមកម្ពុជាជៀសផុតពីជំងឺកូវីដ–១៩ ទទួលបានការអភិវឌ្ឍន៍បន្ថែមទៀត ។
សូមជម្រាបថា៖ ជាលទ្ធផលក្នុងកិច្ចដំណើរការបើកសំណើរដេញថ្លៃគម្រោងសាងសង់ផ្លូវបេតុងអាមេ ចំនួន ០១ គម្រោង មានប្រវែង ២០០ ម បានទៅលើលោក លោក អ៉ឹង ចាន់ឡា តំណាងក្រុមហ៊ុន អ៉ឹង ចាន់ឡា មានប៊ីតក្រុមហ៊ុនដាក់ចូលរួមដេញថ្លៃ សរុបចំនួន ០៣ប៊ីត ផងដែរ៕
