ខេត្តកំពង់ចាម៖ មន្ត្រីពាក់ព័ន្ធមួយចំនួន និងក្រុមអ្នកម៉ៅការដេញថ្លៃជួសជុលស្ថាបនាផ្លូវក្នុងខេត្តកំពង់ចាមកំពុងប្រព្រឹត្តិអំពើពុករលួយដោយចំហរបំផ្លាញផលប្រយោជន៍ប្រជាពលរដ្ឋនៅមូលដ្ឋានបំផ្លាញសេចក្តីទុកចិត្តរបស់ប្រជាពលរដ្ឋមកលើរាជរដ្ឋាភិបាលដោយពួកគេបានយកថវិការថ្នាក់ក្រោមជាតិក្រោមរូបភាពលុយទឹកតែមកចែកគ្នាខណៈថវិការទាំងនោះរាជរដ្ឋាភិបាលបានដាក់ចេញសម្រាប់អភិវឌ្ឍន៍ស្ថាបនាផ្លូវឃុំ/សង្កាត់បម្រើដល់ផលប្រយោជន៍ប្រចាំថ្ងៃរបស់ប្រជាពលរដ្ឋប្រកបបររកស៊ីចិញ្ចឹមជីវិត។
ជាក់ស្តែងនៅថ្ងៃទី៣០ ខែសីហា ឆ្នាំ២០២២មានការដាក់ឳ្យដេញថ្លៃគម្រោងស្ថាបនាផ្លូវ ចំនួនពីរកម្រោង រៀបចំការដេញថ្លៃ នៅសាលាស្រុក ស្រីសន្ធរ ខេត្តកំពង់ចាមដែលមានក្រុមហ៊ុនចូលរួមដេញថ្លៃមិនក្រោម៥ក្រុមហ៊ុននោះទេតែក្រុមហ៊ុនមួយចំនួនទៀតពួកគេគ្រាន់តែមកសំកុកចាំទាមទាលុយពីក្រុមហ៊ុនណាដែលដេញថ្ងៃបានតែប៉ុណ្ណោះ។
ជុំវិញក្រុមមនុស្សដែលមកសំកុកចាំទាមទាលុយទឹកតែទាំងនោះត្រូវបានប្រភពច្បាស់ការបង្ហើបឳ្យដឹងថាគ្រប់អ្នកម៉ៅការដេញថ្លៃដែលមានបំណងចង់បានកម្រោងត្រូវតែចរចាជាមុនសិនដោយត្រូវតែដក់ភាគរយមកចែកឳ្យមនុស្សទាំងនោះបើមិនដូច្នេះទេគឺមិនអាចដេញថ្លៃបានដោយស្រួលឡើយពោលគឺពួកគេនឹងចូលអុកឡុកបង្ករភាពរញេរញ៉ៃពេញកម្មវិធីដេញថ្លៃជាក់ជាមិនខានហើយម្យ៉ាងទៀតពួកគេនឹងដាក់តម្លៃទាបរួចរត់ចោលតែម្តងដោយធ្វើយ៉ាងណាឳ្យការដេញថ្លៃមិនអាចដំណើរការទៅបាន។ប្រភពខាងលើឳ្យដឹងទៀតថាក្រុមអ្នកម៉ៅការទាំងនោះមិនខ្វល់ពីផលប្រប្រយោជន៍របស់ប្រជាពលរដ្ឋនោះទេធ្វើយ៉ាងណាឳ្យតែពួកគេអាចយកប្រាក់របស់រដ្ឋមកចែកគ្នាបាន។
ករណីខាងលើនេះអ្នកយកព័ត៌មានយើងមិនអាចទំនាក់ទំនងសុំការបំផ្លឺពីប្រធានទីចាត់ការផែនការវិនិយោគខេត្តកំពង់ចាមបានទេតែយ៉ាងណាសូម ឯកឧត្តមអ៊ុនចាន់ដាអភិបាលនៃគណៈអភិបាលខេត្តមេត្តាពិនិត្យលទ្ធភាពអន្តរាគមន៍បំបាត់នូវការប្រព្រឹត្តិអំពើពុករលួយដោយបើចំហរក្រោមរូបភាពលុយទឹកតែរបស់ក្រុមអ្នកម៉ៅការខាងលើនេះផងព្រោះថាពួកគេកំពុងធ្វើឳ្យប៉ះពាល់យ៉ាងធ្ងន់ធ្ងរដល់ការខិតប្រឹងប្រែងរបស់រាជរដ្ឋាភិបាលនិងផលប្រយោជន៍ប្រជាពលរដ្ឋនៅមូលដ្នាននិងម្យ៉ាងគឺបានបំផ្លាញសេចក្តីទុកចិត្តរបស់ប្រជាពលរដ្ឋមកលើរាជរដ្ឋាភិបាលក្រោមការដឹកនាំរបស់សម្តេចតេជោដែលបានយកចិត្តទុកដាក់យ៉ាងខ្លាំងពីផលប្រយោជន៍សុខសុវត្ថិភាពនឹងសុខមាលភាពរបស់ប្រជាពលរដ្ឋ។
