ខេត្តរតនគីរី ៖ មេប៉ុស្ត៍ច្រករបៀងភ្នំក្រហមឈ្មោះចាន់ដារា ហៅ យ៉ាត កំពុងបានសិទ្ធិអំណាចពីលោកមួន សេងសុពិសិដ្ឋ ជាមេវរះការពារព្រុំដែនគោកលេខ៦២៣ដែលទើបនិងឡើងកាន់តំណែងថ្មី ជាខ្នងបង្អែកយ៉ាងរឹងមាំ បើកភ្លើងខៀវអោយឈ្មួញដឹកឈើខុសច្បាប់ដូចហែកឋិន ទាំងឡាននិងម៉ូតូតាម ច្រករបៀងភ្នំក្រហមស្ថិតនៅភូមិប៉ក់ធំ ឃុំប៉ុកញ៉ៃ ស្រុកអូយ៉ាដាវ។
ទង្វើបើកឲ្យមានបទល្មើសដឹកឈើឆ្លងដែនបែបនេះ ត្រូវបានប្រជាពលរដ្ឋនិងសមត្ថកិច្ចតូចតាចដែលខ្សឹបប្រាប់អង្គភាពសុំមិនបញ្ចេញឈ្មោះបានលើកឡើងថា គឺលោក មួន សេងសុពិសិដ្ឋ មេវរៈការពារព្រំដែនគោក៦២៣ជាអ្នកឆក់យកឱកាសឲ្យលោកជាមេប៉ុស្តិ៍រកលុយឲ្យលោក ដើម្បីស្រង់ដើមដែលលោកចំណាយលុយយ៉ាងច្រើនតូយកតំណែងបានឡើងជាមេវីរៈថ្មីៗនេះ។
យោងតាមប្រភពរាយការណ៍មកអង្គភាពយើងថា ក្រុមឈ្មួញដឹក
តាមរថយនឡង់គ្រីស័រកែច្នៃក្នុងមួយយប់ៗ០៣ទៅ០៤គ្រឿងរីឯម៉ូតូចាប់ពី៥០ទៅ៦០គ្រឿងជាមធ្យមជាក់ស្ដែងដូចក្នុងរូបភាពឡានដឹកឈើខុសច្បាប់នៅចំណុចផ្លូវចូលច្រករបៀងភ្នំក្រហមតែម្ដង។
ទាក់ទិននឹងករណីរជំនួញឈើខុសច្បាប់ខាងលើនេះទើបនឹងចាប់ផ្ដើមបើកអោយមានចរាចណ៍ចេញក្នុងខែមេសា ២០១៩នេះចំនួន០១គ្រឿងប្រភេទរថយន្តកែច្នៃខ្នាតយក្យរួមទាំងម៉ូតូជាច្រើនគ្រឿង ប្រភពបានបន្តទៀតថាឈើខុសច្បាប់ហូរចូលប្រទេសវៀតណាមតាមច្រករបៀងខាងលើក្នុងមួយថ្ងៃៗមិនក្រោម២០០ម៉ែត្រគូបទៅ៣០០ ម៉ែត្រគូបទេ។
បទល្មើសដឹកឈើឆ្លងដែនខុសច្បាប់ខាងលើ អង្គភាពយើងមិនអាចសុំការបកស្រាយបានពីលោកយ៉ាតមេប៉ុស្តិ៍ភ្នំក្រហមនិងលោក មួន សេងសុពិសិដ្ឋបញ្ជាការវរះ៦២៣បានទេដោយមិនស្គាល់លេខទូរស័ព្ទ៕
