ទាន់ហេតុការណ៍
កាកបាទក្រហមកម្ពុជា បានផ្តល់ថវិ​កាចំនួន ១លានដុល្លារ ប្រចាំឆ្នាំ២​០​២​​​​​០ ដល់មូលនិធិគន្ធបុប្ផាកម្ពុជា ដើ​ម្បីចូលរួមលើកកម្ពស់សុខុមាលភាពកុមាររាប់លាននាក់នៅកម្ពុជា => សហព័ន្ធកីឡាជាតិអាចដំណើរការ​ហា​ត់ហ្វឹកហ្វឺន នីងការប្រកួតលីគរប​ស់ខ្លួនឡើងវិញជាជំហានៗជាមួយស​ហ​ព័ន្ធកីឡាជាតិចំនួន៣៤នៅមជ្ឈ​ម​ណ្ឌលជាតិហ្វឹកហ្វឺនកីឡា => រដ្ឋមន្រ្តីក្រសួងកសិកម្ម អញ្ជើញចុះត្រួតពិនិត្យមណ្ឌលចិញ្ចឹមអណ្តើកស​រ​សៃ(អណ្តើកហ្លូង) របស់អង្គការសមា​គមអភិរក្សសត្វព្រៃ (Wildlife Co​n​servation Society,WCS) នៅខេត្តកោះកុង => វឌ្ឍនភាពនៃការអភិវឌ្ឍដំណាំកសិ-ឧស្សាហកម្ម និងកែច្នៃកសិផលស​ម្រា​​​ប់នាំចេញរបស់ក្រុម Greenri​c​h​ Group Co., Ltd => រាជរដ្ឋាភិបាលលើកទឹកចិត្តប្រជាព​ល​រដ្ឋឲ្យចូលរួមវិនិយោគនៅក្នុងក្រុ​ម​​​ហ៊ុនផ្សារមូលបត្រ ដើម្បីជាប្រយោ​ជន៍ទទួលបានដើមទុនសម្រាប់ពង្រី​កអាជីវកម្មរបស់ខ្លួនឲ្យកាន់តែប្រ​សើ​រ និងរឹងមាំ => ក្រសួងមហាផ្ទៃ ណែនាំប្រធានក្រុម​កា​រងាររាជរដ្ឋាភិបាលចុះមូលដ្ឋានរា​ជ​ធានីខេត្ត កំណត់អត្តសញ្ញាណកម្មគ្រួសារក្រីក្រ ក្នុងអំឡុងពេលនៃការរីករាលដាលជំងឺប្រភេទថ្មី => ឯកឧត្តម ខៀវ កាញារីទ្ធ ទទួលសៀវ​ភៅជាភាសាអង់គ្លេសមានចំណងជើ​ង​ថា “The Journey Of A Down-To-Earth Diplomat” ចំនួន ៨០​ច្បា​ប់ ពីឯកឧត្តម ហោ ណាំបូរ៉ា => លោកជំទាវ ហ៊ុន ម៉ាណា ប្រធានក​ម្មវិធីផ្ទះទេវតា ដឹកនាំក្រុមការងាប្រគ​ល់ផ្ទះចំនួន ០៣ខ្នងជូនទុរគតជន ជ​ន​ចាស់ជរាគ្មានទីពឹង នៅខេត្តស្វាយរៀង => សហព័ន្ធកីឡាលើកទម្ងន់កម្ពុជា ត្រៀ​មបញ្ជូនអត្តពលិក១៣នាក់ទៅ​ហ្វឹ​កហាត់នៅក្រៅប្រទេស គឺប្រទេ​ស​ចិន និងប្រទេសកូរ៉េខាងត្បូង ដើម្បីត្រៀមលក្ខណៈសម្បត្តិចូលរួមប្រកួតកីឡា អាស៊ីអាគ្នេយ៍លើកទី៣១ ឆ្នាំ​២​០២១ (SEA GAMES 2021 ) => សាខាកាកបាទក្រហមខេត្តកំពង់​ចា​​​​​ម នាំអំណោយចែកជូនបងប្អូនប្រជាពលរដ្ឋដែលរងគ្រោះដោយខ្យ​ល់​កន្ត្រាក់ ក៏ដូចជាចាស់ជរាគ្មានទី​ពឹ​ង ជនពិការ ស្រ្តីម៉េម៉ាយមានកូនច្រើន អ្នកជំងឺរាំរ៉ៃចំនួន ៦០គ្រួសារ នៅស្រុកបាធាយ
0

​សម្តេច​តេជោ ហ៊ុន សែន អញ្ជើញ​ដឹកនាំ​គណៈប្រតិភូ​កម្ពុជា​ទៅ​ចូលរួម​វេទិកា «​ខ្សែក្រវាត់ និង​ផ្លូវ​» លើក​ទី​២​នៅ​ទីក្រុង​ប៉េកាំង ប្រទស​ចិន

នៅ​ព្រឹក​ថ្ងៃ​ព្រហស្បតិ៍ ៦​រោច ខែ​ចេត្រ ឆ្នាំ​កុរ ឯ​កស័ក ព​.​ស​២៥៦២ ត្រូវ​នឹង​ថ្ងៃទី​២៥ ខែ​មេសា ឆ្នាំ​២០១៩​នេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ដឹកនាំ​គណៈប្រតិភូ​ដែល​ជា​មន្ត្រីជាន់ខ្ពស់ របស់​រាជរដ្ឋាភិបាល​កម្ពុជា ធ្វើ​ដំណើរ​ឆ្ពោះ​ទៅ​កាន់​ទីក្រុង​ប៉េកាំង ប្រទេស​ចិន ដើម្បី​ចូលរួម​វេទិកា «​ខ្សែក្រវាត់ និង​ផ្លូវ​» លើក​ទី​២ រួម​និង​កិច្ចប្រជុំ​សំខាន់ៗ​ជាច្រើន​ផ្សេង​ទៀត ចាប់ពី​ថ្ងៃ​ទី​២៥ ដល់​ថ្ងៃ​ទី​២៩ ខែ​មេសា ឆ្នាំ​២០១៩​។

​យោង​តាម​កម្មវិធី នៅក្នុង​សម័យប្រជុំ​ជាន់ខ្ពស់​នៃ​វេទិកា​ខ្សែក្រវ៉ាត់ និង​ផ្លូវ​លើក​ទី​២​នេះ សម្តេច​តេជោ​នាយករដ្ឋមន្ត្រី នឹង​ថ្លែង​សុន្ទរកថា​ពី​មូលបទ​របស់​វេទិកា «​កិច្ចសហប្រតិបត្តិការ​ខ្សែក្រវ៉ាត់ និង​ផ្លូវ​៖ បង្កើត​ជោគវាសនា​រួម​ដ៏​ត្រចះត្រចង់​»​។ នៅ​ថ្ងៃ​បន្ទាប់​នៅ​ក្នុង​សម័យប្រជុំ​តុមូល​របស់​ថ្នាក់ដឹកនាំ សម្តេច​តេជោ​នាយករដ្ឋមន្ត្រី​នឹង​អញ្ជើញ​ចែករំលែក​ទស្សនវិស័យ​លើ​មូលបទ «​ការជំរុញ​ការតភ្ជាប់ ដើម្បី​ស្វែងរក​ធនធាន​ថ្មី​សម្រាប់​ការរីកចម្រើន​»​។​

​បន្ទាប់​ពី​អញ្ជើញ​ចូលរួម​វេទិកា​ខ្សែក្រវ៉ាត់ និង​ផ្លូវ​លើក​ទី​២ សម្តេច​តេជោ​នាយករដ្ឋមន្ត្រី និង​ប្រមុខរដ្ឋ​/​រដ្ឋាភិបាល​ផ្សេង​ទៀត នឹង​អញ្ជើញ​ចូលរួម​ពិធី​បើក​ពិព័រណ៍​សាក​វប្បកម្ម​អន្តរជាតិ​២០១៩ ដែល​នៅក្នុង​ឱកាស​នោះ សម្តេច​តេជោ​ប្រមុខរាជ​រដ្ឋាភិបាល នឹង​សម្ពោធ​ពន្លា​ជាតិ​របស់​កម្ពុជា​។​

​សម្តេច​តេជោ​នាយករដ្ឋមន្ត្រី នឹង​មាន​ជំនួប​ទ្វេភាគី​ដាច់ដោយឡែក​ពី​គ្នា​ជាមួយ​លោក​ប្រធានាធិបតី ស៊ី ជីន​ពីង​, លោកនាយក​រដ្ឋមន្ត្រី លី ខឺ​ឈាង​, លោក វ៉ាង ហ៊ុន​នី​ង សមាជិក​ការិយាល័យ​នយោបាយ និង​ជា​លេខា​នៃ​លេខាធិការដ្ឋាន​បក្ស​កុម្មុយនីស្ត​ចិន​។ សម្តេច​តេជោ​នាយករដ្ឋមន្ត្រី​ក៏​នឹង​ជួប​ជាមួយ លោក លី យ៉ុង អគ្គនាយក​អង្គការ​ឧស្សាហកម្ម​អង្គការសហប្រជាជាតិ ព្រមទាំង​ទទួល​ការ​ចូល​ជួប​សម្តែង​ការគួរសម​ពី​តំណាង​ក្រុមហ៊ុន​ចិន​មួយចំនួន​។

​ក្នុង​កំឡុងពេល​នៃ​ដំណើរ​ទស្សនកិច្ច​នេះ នឹង​មាន​ការចុះហត្ថលេខា​លើ​ឯកសារ​មួយចំនួន​ស្តី​ពី​ជំនួយ​របស់​ចិន ព្រម​ទាំង​គម្រោង​កិច្ចសហប្រតិបត្តិការ​នា​នា​ផងដែរ​។ លើសពីនេះទៅទៀត សម្តេច​តេជោ​នាយករដ្ឋមន្ត្រី នឹង​ថ្លែង​សុន្ទរកថា​សំខាន់​មួយ​នៅក្នុង​ពិធី​ជួប​ជាមួយ​និស្សិត និង​សាស្ត្រាចារ្យ នៅ​សកល​វិទ្យាល័យ​ប៉េកាំង ហើយ​ក្នុង​ឱកាស​ដ៏​ឧត្តុង​ឧត្តម​នោះ​សម្តេច​តេជោ​នាយករដ្ឋមន្ត្រី នឹង​ទទួលបាន​នូវ​ការប្រគល់​គោរម​ងារ «​សាស្ត្រាចារ្យ​កិត្តិយស​ផ្នែក​ទំនាក់ទំនង​អន្តរជាតិ​» ពី​សាកលវិទ្យាល័យ​ប៉េកាំង​ផងដែរ​៕

Filed in: ព័ត៌មានជាតិ

Leave a Reply

Submit Comment
ប៉ាកកាអាស៊ី | Pen ASIA ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ ព័ត៌មាន តាមទូរស័ព្ទលេខ 012 7533 78 | 096 822 7733 | 088 2227733 ! សូមអរគុណ !

©២០១៨ រក្សាសិទ្ធិ ដោយសារព័ត៌មាន ប៉ាកកាអាស៊ី | Pen ASIA | ទូរស័ព្ទ៖ 012 7533 78 | 096 822 7733 | 088 2227733

សារព័ត៌មាន ប៉ាកកាអាស៊ី Pen ASIA ដំណើរការក្រោមប្រកាសអនុញ្ញាតលេខ ១៥២ ពមប្រក ចុះថ្ងៃទី ១១ ខែមីនា ឆ្នាំ ២០១៩

សហការផ្តល់ព័ត៌មាន៖ 012 7533 78 | 096 822 7733 | 088 2227733 | អ៊ីម៉ែល ៖ mailtobot168@gmail.com