(ត្បូងឃ្មុំ)នាព្រឹកថ្ងៃព្រហស្បតិ៍ ១៥កើត ខែពិសាខ ឆ្នាំថោះបញ្ចាស័ក ពុទ្ធសករាជ ២៥៦៦ ត្រូវនិងថ្ងៃទី ០៤ ខែឧសភា ឆ្នាំ២០២៣នេះឯកឧត្តម ស៊ាក ឡេង ប្រធានក្រុមប្រឹក្សាខេត្តនិងលោកជំទាវ ឯកឧត្តមបណ្ឌិត ជាម ច័ន្ចសោភណ័អភិបាលនៃគណអភិបាលខេត្តត្បូងឃ្មុំ និងជំទាវ អញ្ជើញជាអធិបតីភាពក្នុងពិធីបុណ្យវិសាខបូជានិងដង្ហែក្បួនវិសាខបូជា ក្នុងវត្តវិហារទទឹម ក្រុងសួង និងមានការចូលរួមពីរសំណាក់ ឯកឧត្តមលោកជំទាវដែលជាអភិបាលរងខេត្តប្រធានមន្ទីរអង្គភាពជុំវិញខេត្ត កងកំលាំងទាំងបីចំណុះខេត្ត មន្ត្រីរាជការទូទាំងក្រុងសួង និងមានការចូលរួមពីបងប្អូនប្រជាពលរដ្ឋលោកគ្រូអ្នកគ្រូ សិស្សានុសិស្សយុវជនសសយក យុវជនកាយរិទ្ទយុវជនកាកបាតក្រហមផងដែរ។
វិសាខបូជា គឺជា បុណ្យ ដ៏ ធំ មួយ ក្នុង ព្រះពុទ្ធសាសនា ដែល ប្រទេស កម្ពុជា បាន ចាត់ទុកជា បុណ្យជាតិ ។ ជាងនេះទៀតប្រទេស ជិត ២០០ ដែលជា សមាជិក នៃ អង្គការសហប្រជាជាតិ បានអនុម័ត និង ទទួលស្គាល់ វិសាខបូជា ជា បុណ្យ អន្តរជាតិកាលពីថ្ងៃទី ១៥ ខែ ធ្នូ ឆ្នាំ ១៩៩៩ ។
ការ ប្រារព្ធ ពិធីបុណ្យ វិសាខបូជា គឺ ដើម្បី រម្លឹក ដល់ ព្រឹត្តិការណ៍ ដ៏ ពិសេស ចំនួន ៣ ដែល ទាក់ទង នឹង ព្រះ ស មា្ម សម្ពុទ្ធ ។ព្រឹត្តិការណ៍ ទាំងនោះ គឺការ ប្រសូត ការ ត្រាស់ដឹងការចូល និព្វាន ។
ព្រះពុទ្ធ មាន ព្រះនាម ដើម ថា សិទ្ធត្ថ ( អាន ថា សិត – ធ័ ត ) ដែលជា ព្រះរាជ បុត្រា របស់ ព្រះ នាង សិរិ មហាមាយា និង ព្រះបាទសុទ្ធោទនៈ ។ ព្រះអង្គ ត្រូវបាន គេ ហៅ ព្រះនាម ជាច្រើន ទៀត ដូចជា ព្រះសម្មាសម្ពុទ្ធ , ព្រះសមណគោតម , ព្រះ ជិនស្រី , ព្រះសក្យមុនី , ព្រះ បរមគ្រូ , ព្រះ សាស្តា ជាដើម ។
ព្រះអង្គ ទ្រង់ ប្រសូត នៅ ថ្ងៃ សុក្រ ពេញបូណ៌មី ខែវិសាខ ឆ្នាំច មុន គ្រិស្តសករាជ ចំនួន ៦២៣ ឆ្នាំ ។ នៅពេល មាន ព្រះជន្ម ២៩ព្រះវស្សា ព្រះ សិទ្ធត្ថ បាន យាង ទៅ សាង ផ្នួស ។
ព្រះអង្គទ្រង់ត្រាស់ដឹង ក្រោយពី ក្លាយខ្លួនជា អ្នកបួស អស់ រយៈពេល ៦ ឆ្នាំ ព្រះអង្គ ក៏បាន ត្រាស់ដឹង កា្ល យ ជា ព្រះពុទ្ធ នៅ ថ្ងៃ ពុធពេញបូណ៌មី ខែវិសាខ ឆ្នាំរកា នា វេលា ទៀបភ្លឺ ។
ព្រះ បរមគ្រូ នៃ យើង ទ្រង់ ចូល បរិនិព្វាន នៅ ថ្ងៃ អង្គារ ពេញបូណ៌មី ខែវិសាខ ឆ្នាំម្សាញ់ នៅពេលដែល ព្រះអង្គ មាន ព្រះជន្ម ៨០ព្រះវស្សា ។ រហូតមកដល់ ពេលនេះ ព្រះ សក្យមុនី បាន រលត់ សង្ខារ អស់ រយៈពេល ២៥៦១ ឆ្នាំ ហើយ ។
យើង សង្កេតឃើញថា ព្រះ សាស្តា ទ្រង់ ប្រសូត ត្រាស់ដឹង និង បរិនិព្វាន ក្នុង ថ្ងៃ ១៥ កើត ពេញបូណ៌មី ខែវិសាខ ដូចគ្នា គឺ ខុសតែ ឆ្នាំ ប៉ុណ្ណោះ ។ ដូច្នេះ បុណ្យ វិសាខបូជា គឺ តំណាង ឲ្យ « ថ្ងៃ ទាំងបី » នេះ ឯ ឯ ៕
