List/Grid ព័ត៌មានជាតិ Subscribe RSS feed of category ព័ត៌មានជាតិ

ត្បូងឃ្មុំ)៖ឯកឧត្តមជាសុផារ៉ាសមាជិកអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជាជាអនុប្រធានទី១ក្រុមការងារគណបក្សប្រជាជនចុះជួយខេត្តត្បូងឃ្មុំនិងជាប្រធានក្រុមការងារគណបក្សចុះជួយស្រុកត្បូងឃ្មុំស្រុកក្រូចឆ្មារស្រុកមេមត់និងក្រុងសួងនាថ្ងៃទី២១ខែឧសភាឆ្នាំ២០២២នេះបានអញ្ជើញបើកយុទ្ធនាការឃោសនាទ្រង់ទ្រាយធំរកសំឡេងឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ឆ្នាំ២០២២នៅតាមបណ្តាឃុំ–សង្កាត់ក្នុងក្រុង–ស្រុកចំនួន០៤គឺស្រុកត្បូងឃ្មុំស្រុកក្រូចឆ្មារស្រុកមេមត់និងក្រុងសួងមានសមាជិកសមាជិកាគណបក្សប្រជាជនចេញដង្ហែឃោសនាប្រមាណ២ម៉ឺននាក់ក្នុងថ្ងៃទី០១នេះ។ សូមបញ្ជាក់ថាយុទ្ធនាការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ត្រូវបានចាប់ផ្តើមនៅថ្ងៃសៅរ៍ទី២១ខែឧសភាឆ្នាំ២០២២នេះក្នុងនោះខេត្តត្បូងឃ្មុំមាន០៧ក្រុង–ស្រុកនិង៦៤ឃុំ–សង្កាត់។ ការឃោសនានេះមានរយៈពេល២សប្តាហ៍ដោយចាប់ផ្តើមពីថ្ងៃនេះរហូតដល់ថ្ងៃទី០៣ខែមិថុនាឆ្នាំ២០២២។ សូមជម្រាបថា៖នៅទូទាំងខេត្តត្បូងឃ្មុំមានគណបក្សនយោបាយឈរឈ្មោះបោះឆ្នោតសរុបចំនួន១១រួមមាន៖ ១.គណបក្សប្រជាជនកម្ពុជា២.គណបក្សភ្លើងទៀន៣.គណបក្សខ្មែររួបរួមជាតិ៤.គណបក្សហ្វ៊ិនស៊ិនប៉ិច៥.គណបក្សខ្មែរស្រឡាញ់ជាតិ៦.គណបក្សសញ្ជាតិកម្ពុជា៧.គណបក្សប្រជាធិបតេយ្យមូលដ្ឋាន៨.គណបក្សឆន្ទៈខ្មែរ ៩.គណបក្សយុវជនកម្ពុជា១០.គណបក្សកែទម្រង់កម្ពុជានិង១១.គណបក្សខ្មែរតែមួយ។ ចំពោះពលរដ្ឋមានឈ្មោះក្នុងបញ្ជីចុះឈ្មោះបោះឆ្នោតជ្រើសរើសក្រុមប្រឹក្សាឃុំសង្កាត់អាណត្ដិទី៥ឆ្នាំ២០២២នៅទូទាំងខេត្តមានសរុបចំនួន៤៦៩,៥៦៨នាក់និងមានការិយាល័យបោះឆ្នោតសរុប១,៣១៨នាក់៕... សូមអានត... »

(ភ្នំពេញ)៖ឯកឧត្ដមឧត្ដមសេនីយ៍ឯករ័ត្នស្រ៊ាងមេបញ្ជាការរងកងរាជអាវុធហត្ថលើផ្ទៃប្រទេសមេបញ្ជាការកងរាជអាវុធហត្ថរាជធានីភ្នំពេញនិងលោកជំទាវបានបរិច្ចាគថវិកាចំនួន១០,០០០ដុល្លារអាមេរិកចូលរួមជាមួយកាកបាទក្រហមកម្ពុជាក្នុងឱកាសខួបទី១៥៩ទិវាពិភពលោកកាកបាទក្រហមនិងអឌ្ឍចន្ទក្រហម៨ឧសភាឆ្នាំ២០២២។ នាកន្លងមកឯកឧត្ដមឧត្ដមសេនីយ៍ឯកនិងលោកជំទាវតែងតែចូលរួមបរិច្ចាគថវិកាជារៀងរាល់ឆ្នាំជាមួយកាកបាទក្រហមកម្ពុជាក្នុងឱកាសខួបទី១៥៩ទិវាពិភពលោកកាកបាទក្រហមនិងអឌ្ឍចន្ទក្រហម៨ឧសភាហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាលព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។ សូមជម្រាបថាសម្រាប់សប្បុរសជនគ្រប់មជ្ឈដ្ឋានដែលមានសទ្ធាជ្រះថ្លាចូលរួមបរិច្ចាគថវិកាជូនកាកបាទក្រហមក្រហមកម្ពុជាក្នុងឱកាសខួបលើកទី១៥៩ទិវាពិភពលោកកាកបាទក្រហមនិងអឌ្ឍចន្ទក្រហម៨ឧសភា២០២២ដើម្បីឱ្យសមាគមជាតិមួយនេះមានធនធានបន្តផ្តល់សេវាកម្មមនុស្សធម៌ដោះស្រាយបញ្ហាប្រឈមនានាបន្តពង្រឹងភាពធន់សហគមន៍និងជួយសម្រាលទុក្ខលំបាកប្រជាពលរដ្ឋរងគ្រោះនិងងាយរងគ្រោះបំផុតតាមគោលការណ៍គ្រឹះរបស់ចលនាអន្តរជាតិកាកបាទក្រហមនិងអឌ្ឍចន្ទក្រហមសូមអញ្ជើញទៅទីស្នាក់ការកណ្ដាលកាកបាទក្រហមកម្ពុជាឬសូមវេរចូលគណនីធនាគាររបស់កាកបាទក្រហមកម្ពុជានៅធនាគារពាណិជ្ជកម្មក្រៅប្រទេសនៃកម្ពុជាដែលមានលេខគណនីដូចខាងក្រោម៖ *... សូមអានត... »

ត្បូងឃ្មុំ៖ប្រជាពលរដ្ឋជាច្រើនគ្រួសារក្នុងភូមិស្វាយតាធម្មឃុំអំពិលតាពកស្រុកអូរាំងឪខេត្តត្បូងឃ្មុំសម្ដែងការសោកស្ដាយនិងអស់សង្ឃឹមចំពោះអភិបាលស្រុកអូររាំងឪនិងមន្ត្រីពាក់ព័ន្ធមួយចំនួនដែលមិនព្រមចុះដោះស្រាយរឿងបុគ្គលមួយរូបបានសាងសង់រំលោកយកប្រឡាយសាធារណៈធ្វើជាកម្មសិទ្ធិខណៈពួកគាត់បានស្នើឲ្យមានការដោះស្រាយករណីនេះជាច្រើនលើកច្រើនសារតែខាងអាជ្ញាធរស្រុកបានត្រឹមចុះវាស់វែងនឹងសន្យាខ្យល់ថានឹងដោះស្រាយ។ ក្នុងករណីនេះតំណាងប្រជាពលរដ្ឋបានលើកឡើងថាបើសិនជាអាជ្ញាធរស្រុកនៅតែមិនបន្តដោះស្រាយពួកគាត់នឹងធ្វើដំណើរទៅសាលាខេត្តដើម្បីសុំអន្តរាគមន៍ដោយផ្ទាល់ពីឯកឧត្តមអភិបាលខេត្តដើម្បីដោះស្រាយបញ្ហានេះព្រោះថាប្រឡាយមួយនេះគឺជាច្រកតែមួយគត់សម្រាប់ប្រជាពលរដ្ឋក្នុងភូមិទាំងមូលចេញចូលធ្វើស្រែហើយពេលនេះគឺជារដូវចាប់ផ្ដើមភ្ជួរាស់ដើម្បីធ្វើស្រែហើយបើនៅតែមិនព្រមចុះវាស់វែងដោះស្រាយនោះពួកគាត់មិនមានផ្លូវសម្រាប់ចេញចូលធ្វើស្រែនោះទេ។ បើតាមតំណាងប្រជាពលរដ្ឋបានរៀបរាប់ឲ្យដឹងថាករណីនេះគឺបានកើតឡើងជាយូរឆ្នាំមកហើយដោយឈ្មោះម៉ៅសុខល័ងបានសង់រំលោភយកប្រឡាយតែកន្លងមកប្រជាពលរដ្ឋមានផ្លូវចេញចូលតាមដីអ្នកភូមិនៅជាប់នោះមិនមានការតវ៉ាឬទាមទារភ្លាមៗនោះដែរប៉ុន្តែពេលនេះម្ចាស់ដីដែលជាប់ស្រឡាយមិនអនុញ្ញាតឲ្យអ្នកភូមិធ្វើដំណើរលើដីគាត់ទៀតនោះទេ។ដូច្នេះហើយទើបប្រជាពលរដ្ឋបានស្នើទៅអាជ្ញាធរស្រុកជួយអន្តរាគមន៍ចុះវាស់វែងដីប្រឡាយនោះមកឲ្យប្រជាពលរដ្ឋជាសម្បត្តិរដ្ឋវិញ។បន្ទាប់ពីមានការស្នើអភិបាលស្រុកអូររាំងឪរួមទាំងមន្ត្រីពាក់ព័ន្ធក៏បានចុះទៅវាស់វែងប៉ុន្តែក្រោយការចុះវាស់វែងអស់រយះពេលជាច្រើនខែគឺមិនឃើញមានដំណោះស្រាយអ្វីឡើយ។តំណាងអ្នកភូមិខាងលើបន្តឲ្យដឹងទៀតថារហូតដល់ថ្ងៃទី៣ខែមីនាឆ្នាំ២០២២អ្នកភូមិក៏បានធ្វើលិខិតស្នើសុំជួយដោះស្រាយជាថ្មីម្ដងទៀតទៅលោកអភិបាលស្រុកនិងបានយកលិខិតនោះទៅដាក់ដោយផ្ទាល់នៅសាលាស្រុកអូរាំងឪប៉ុន្តែមិនឃើញមានមន្ត្រីពាក់ព័ន្ធណាចេញមកទទួលនោះទេ។ប៉ុន្តែក្រោយមកព័ត៌មានមន្ត្រីម្នាក់បានមកជួបប្រជាពលរដ្ឋនិងបានលើកឡើងថា ខាងអាជ្ញាធរស្រុកកំពុងបន្តនីតិវិធីដោះស្រាយជូនប្រជាពលរដ្ឋហើយសូមឱ្យបងប្អូនប្រជាពលរដ្ឋធ្វើដំណើរទៅលំនៅឋានវិញ។ តែយ៉ាងណាករណីនេះរហូតដល់ថ្ងៃទី២១ខែមិនាឆ្នាំ២០២២គេនៅមិនទាន់ឃើញខាងអាជ្ញាធរស្រុកអូររាំងឪចុះទៅវាស់វែងដីប្រឡាយខាងលើជូនប្រជាពលរដ្ឋវិញនៅឡើយទេ។ការមិនចុះនេះត្រូវបានប្រភពប្រជាពលរដ្ឋនៅក្នុងភូមិឃុំខាងលើបង្ហើបឲ្យដឹងថាដោយសារតែអាជ្ញាធរស្រុកអាចនឹងទទួលបានផលប្រយោជន៍អ្វីមួយទើបពន្យារពេលដោះស្រាយម្ដងហើយម្ដងទៀតដូច្នេះ។ ការមិនព្រមចុះវាស់វែងដោះស្រាយនេះប្រជាពលរដ្ឋនៅក្នុងភូមិតាធម្មឃុំអំពិលតាពកស្រុកអូររាំងឪបានប្រាប់ឲ្យដឹងថាពួកគាត់មិនអាចបន្តទ្រាំរង់ចាំបានទៀតនោះទេព្រោះថារដូវបង្កបង្កើនផលស្រូវចាប់ផ្ដើមហើយហើយពួកគាត់គ្មានផ្លូវសម្រាប់ចេញចូលនោះទេដូច្នេះនឹងធ្វើដំណើរយកសំណើសុំជួយអន្តរាគមន៍ដោយផ្ទាល់ជូនឯកឧត្តមបណ្ឌិតជាមច័ន្ទសោភ័ណអភិបាលនៃគណៈអភិបាលខេត្តត្បូងឃ្មុំដើម្បីឲ្យឯកឧត្តមជួយអន្តរាគមន៍ដោះស្រាយធ្វើយ៉ាងណាឲ្យពួកគាត់អាចមានផ្លូវចេញចូលទៅបង្កបង្កើនផលស្រូវបានទាំងអស់គ្នា។ លោកងួនប៊ុណ្ណានអភិបាលស្រុកអូររាំងឪធ្លាប់ប្រាប់សារព័ត៌មានឲ្យដឹងថាករណីនេះករណីនេះស្រុកកំពុងបន្តនីតិវិធីហើយតែវិធានការច្បាប់ដោះស្រាយតាមរដ្ឋបាលគឺយូរបន្តិច។... សូមអានត... »

ត្បូងឃ្មុំ)៖នាព្រឹកថ្ងែទី០២ខែមីនាឆ្នាំ២០២២ឯកឧត្តមជាសុផារ៉ាឧបនាយករដ្ឋមន្ត្រីរដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំបានអញ្ជើញជាអធិបតីភាពក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១និងលើកទិសដៅការងារឆ្នាំ២០២២របស់រដ្ឋបាលខេត្តត្បូងឃ្មុំនាព្រឹកថ្ងៃទី០២ខែមីនាឆ្នាំ២០២២នៅសាលប្រជុំសាលាខេត្តត្បូងឃ្មុំ។ ក្នុងសុន្ទរកថាបិទសន្និបាតនាឱកាសនោះឯកឧត្តមឧបនាយករដ្ឋមន្ត្រីជាសុផារ៉ាបានថ្លែងថាផ្អែកលើបញ្ហាប្រឈមជាសកលនិងផ្អែកតាមទិសដៅការងារឆ្នាំ២០២២ដែលបានឯកភាពគ្នាក្នុងអង្គសន្និបាតនោះលោកបានផ្តល់នូវគោលការណ៍ណែនាំជាគន្លឹះសំខាន់ៗចំនួនប្រាំបួនចំណុចសំខាន់ៗមានដូចជាការពង្រឹងសន្តិភាពស្ថិរភាពនយោបាយនិងសន្តិសុខសណ្តាប់ធ្នាប់សាធារណៈក្នុងនោះអាជ្ញាធរដែនដីនិងកងកម្លាំងមានសមត្ថកិច្ចគ្រប់លំដាប់ថ្នាក់ក្នុងខេត្តត្បូងឃ្មុំត្រូវបន្តចូលរួមថែរក្សាការពារសុខសន្តិភាពស្ថិរភាពនយោបាយឯករាជ្យបូរណភាពទឹកដីអធិបតេយ្យភាពជាតិត្រូវការពារសន្តិសុខជាតិឱ្យបានរឹងមាំសំដៅធានានូវប្រក្រតីភាពនៃស្ថាប័នជាតិការពារព្រះមហាក្សត្រការពាររបបរាជានិយមអាស្រ័យរដ្ឋធម្មនុញ្ញបន្តជំរុញលើកកម្ពស់លិទ្ធប្រជាធិបតេយ្យសេរីពហុបក្សការពារនិងលើកស្ទួយសិទ្ធិសេរីភាពគ្រប់បែបយ៉ាងរបស់ប្រជាពលរដ្ឋនិងការពង្រឹងនិតិរដ្ឋស្របតាមរដ្ឋធម្មនុញ្ញនិងច្បាប់ជាធរមាន។ ជាមួយគ្នានោះត្រូវបង្កើនការគ្រប់គ្រងសភាពការណ៍នៅមូលដ្ឋានដើម្បីបង្ការទប់ស្កាត់រាល់សកម្មភាពនានារបស់ក្រុមប្រឆាំងជ្រុលនិយមដែលប្រឌិតបំផុសបំផុលញុះញង់ប៉ុនប៉ងបង្កឱ្យមានភាពចលាចលវឹកវរក្នុងសង្គម។ បង្កើនការរក្សាសន្តិសុខសណ្តាប់ធ្នាប់សាធារណៈនិងសុវត្ថិភាពសង្គមឱ្យបានល្អប្រសើរគ្រប់មូលដ្ឋានជាពិសេសត្រូវបង្កើនកិច្ចសហការក្នុងចំណោមកងកម្លាំងមានសមត្ថកិច្ចអាជ្ញាធរនិងបំផុសឱ្យមានការចូលរួមពីប្រជាពលរដ្ឋក្នុងការអនុវត្តគោលនយោបាយភូមិឃុំសង្កាត់មានសុវត្ថិភាពដើម្បីបង្ការទប់ស្កាត់បង្ក្រាបសកម្មភាពលួចឆក់ប្លន់ល្បែងស៊ីសងខុសច្បាប់ក្រមក្មេងទំនើងគ្រប់មូលដ្ឋានទូទាំងខេត្ត។ រួមគ្នាបង្ការទប់ស្កាត់និងបង្ក្រាបការជួញដូរការប្រើប្រាស់គ្រឿងញៀនខុសច្បាប់នៅតាមមូលដ្ឋាននីមួយៗឱ្យបានជាប់ជាប្រចាំនិងមានប្រសិទ្ធភាពខ្ពស់។ ទន្ទឹមនេះឯកឧត្តមឧបនាយករដ្ឋមន្ត្រីជាសុផារ៉ាបានគូសបញ្ជាក់ថាប្រទេសកម្ពុជានឹងមានព្រឹត្តិការណ៍ធំៗចំនួន២គឺការទទួលតួនាទីជាប្រធានប្តូរវេនរបស់អាស៊ាននិងការរៀបចំដំណើរបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នាថ្ងៃទី៥ខែមិថុនាឆ្នាំ២០២២ខាងមុខ។ហេតុនេះអាជ្ញាធរនិងកងកម្លាំងមានសមត្ថកិច្ចគ្រប់លំដាប់ថ្នាក់ត្រូវលើកកម្ពស់ការរក្សាសន្តិសុខសណ្តាប់ធ្នាប់សាធារណៈដើម្បីចូលរួមបន្តបរិយាយកាសល្អប្រសើរជាទូទៅដល់ការរៀបចំកិច្ចប្រជុំនិងការរៀបចំព្រឹត្តិការណ៍នានាក្នុងពេលដែលកម្ពុជាទទួលធ្វើជាប្រធានប្តូរវេនរបស់អាស៊ាន។មួយវិញទៀតត្រូវផ្តល់នូវការគាំទ្រនិងសហការជាមួយគ.ជ.បចាត់ចែងអនុវត្តកិច្ចការនានាស្របតាមច្បាប់តម្រូវដើម្បីធានាឱ្យការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ឆ្នាំ២០២២ប្រព្រឹត្តទៅប្រកបដោយសុវត្ថិភាពមានលក្ខណៈសេរីត្រឹមត្រូវនិងយុត្តិធម៌។ ក្នុងឱកាសនោះដែរឯកឧត្តមបណ្ឌិតជាមច័ន្ទសោភ័ណអភិបាលខេត្តត្បូងឃ្មុំបានថ្លែងសុន្ទរកថាក្នុងឱកាសបិទសន្និបាតនោះថាជាការឆ្លើយតបទៅនឹងប្រធានបទដែលបានពិភាក្សារួចមកអង្គសន្និបាតបានលើកឡើងនូវសំណូមពរនិងកំណត់ទិសដៅអនុវត្តបន្តសម្រាប់ឆ្នាំ២០២២ដោយផ្តោតលើបញ្ហាសំខាន់ៗចំនួន២១ចំណុចក្នុងនោះត្រូវបន្តខិតខំរួមគ្នាថែរក្សាការពារសនិ្តសុខសណ្តាប់ធ្នាប់សារណៈស្ថិរភាពនយោបាយសុវត្ថិភាពសង្គមនិងពង្រឹងការអនុវត្តគោលយោបាយភូមិឃុំសង្កាត់មានសុវត្ថិភាពដើម្បីធានាបាននូវសុខុដុមរមនាជូនប្រជាពលរដ្ឋរស់នៅក្នុងមូលដ្ឋានមានភាពកក់ក្តៅនិងផ្តល់ទំនុកចិត្តដល់ភ្ញៀវជាតិអន្តរជាតិវិនិយោគិនធុរជនដៃគូអភិវឌ្ឍន៍សំដៅលើកកម្ពស់វឌ្ឍនភាពខេត្តលើគ្រប់វិស័យ។ផ្តល់កិច្ចគាំទ្រនិងសហការជាមួយគ.ជ.បក្នុងការអនុវត្តកិច្ចការនានាស្របតាមច្បាប់តម្រូវរួមនឹងធានារក្សាសន្តិសុខសណ្តាប់ធ្នាប់និងសុវត្ថិភាពក្នុងដំណើរការបោះឆ្នោតជ្រើសរើសក្រុមបឹ្រក្សាឃុំសង្កាត់អាណតិ្តទី៥ដែលនឹងប្រព្រឹត្តនៅនាថ្ងៃទី០៥ខែមិថុនាឆ្នាំ២០២២ខាងមុខនេះឱ្យប្រព្រឹត្តទៅប្រកបដោយសុវត្ថិភាពលក្ខណៈសេរីត្រឹមត្រូវនិងយុត្តិធម៌។ ឯកឧត្ដមបណ្ឌិតអភិបាលខេត្តបានអំពាវនាវបន្តផ្សព្វផ្សាយវិធានការសុខាភិបាលក្នុងការចូលរូមទប់ស្កាត់ការឆ្លងរាលដាលនៃជំងឺកូវីដ–១៩ព្រមទាំងជំរុញបងប្អូនប្រជាពលរដ្ឋទៅទទួលការចាក់វ៉ាក់សាំងការពារកូវីដ–១៩បានគ្រប់ដូសគ្រប់ៗគ្នា។យកចិត្តទុកដាក់អនុវត្តកម្មវិធីនយោបាយនិងយុទ្ធសាស្រ្តចតុកោណដំណាក់កាលទី៤របស់រាជរដ្ឋាភិបាលកម្ពុជាដើម្បីកំណើនការងារសមធម៌និងប្រសិទ្ធភាពសំដៅលើកកម្ពស់កម្រិតជីវភាពរស់នៅរបស់ប្រជាពលរដ្ឋនិងកាត់បន្ថយភាពក្រីក្រឱ្យបានអត្រាទាបផងដែរ៕... សូមអានត... »

កំពង់ចាម៖សកម្មភាពជីកនិងដឹកអាចម៌ដីយកទៅលក់នៅក្នុងទឹកស្រុកខ្សាច់កណ្តាលខេត្តកណ្តាលដែលមានម្ចាស់អាជីវកម្មឈ្មោះហុងវណ្ណឌីបានធ្វើសកម្មភាពជីកនិងដឹកអាចម៌ដីយកទៅលក់យ៉ាងអនាធិបតេយ្យជាទីផុតបណ្តាលអោយផ្លូវថ្នល់មួយកន្លែងទល់មុខវត្តព្រះប្រសប់និងទល់មុខសាលាឃុំព្រះប្រសប់ពិសេសផ្លូវថ្នល់មួយចំនួនទៀតនៅក្នុងទឹកដីស្រុកខ្សាច់កណ្តាលរងការខូចខាតដោយអន្លើៗក្នុងនោះអាជ្ញាធរឃុំព្រះប្រសប់ពិសេសលោកប៊ុនផេងចៅហ្វាយស្រុកខ្សាច់កណ្តាលមិនដែលបើកភ្នែកមើលសកម្មភាពការដឹកអាចម៌ដីយកទៅលក់របស់លោកហុងវណ្ណឌីនោះឡើយ?... សូមអានត... »